សារព័ត៌មានបរទេសកាលពីពេល ថ្មីៗកន្លងមកផ្សាយថាលោកដូណាល់ ត្រាំ ម្ចាស់ជំនួញអចលនទ្រព្យ មានទ្រព្យសម្បត្តិជាង៣.៧០០លានដុល្លារ ជាមហាសេដ្ឋីពិភពលោកចុងក្រោយដែលឆ្លងកាត់ការបោះឆ្នោតក្លាយជា
សារព័ត៌មានបរទេសកាលពីពេល ថ្មីៗកន្លងមកផ្សាយថាលោកដូណាល់ ត្រាំ ម្ចាស់ជំនួញអចលនទ្រព្យ មានទ្រព្យសម្បត្តិជាង៣.៧០០លានដុល្លារ ជាមហាសេដ្ឋីពិភពលោកចុងក្រោយដែលឆ្លងកាត់ការបោះឆ្នោតក្លាយជាអ្នកដឹកនាំអាមេរិក ។
សារព័ត៌មានបរទេស «IOL» បានលើកបង្ហាញជោគជតារាសីរបស់បណ្តាអ្នកមានទ្រព្យសម្បតិ្តស្តុកស្តម្ភធ្លាប់ជាប្រធានាធិបតី ឬនាយករដ្ឋមន្ត្រីនានា ធ្វើជាគំរូ ក្នុងនោះមានទាំងលោកថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃផងដែរ ។
-អីុតាលី ៖
លោកស៊ីលវីយ៉ូឡា ប៊ែលូស្កូនី (Silvio Berlusconi) ជាម្ចាស់ស្ថាប័នផ្សព្វផ្សាយធ្លាប់កាន់តំណែងជានាយករដ្ឋមន្ត្រី៣អាណត្តិអំឡុងពីឆ្នាំ១៩៩៤ដល់២០១១ ។
តាមការរៀបចំណាត់ថ្នាក់របស់ទស្សនាវដ្តី Forbes គឺលោកស៊ីលវើយ៉ូឡា ប៊ែលូស្កូនី ស្ថិតនៅលំដាប់ថ្នាក់ទី៥ មានទ្រព្យសម្បត្តិច្រើនបំផុតនៅអីុតាលី ដោយមានទ្រព្យសម្បត្តិសរុប៦.២០០លានដុល្លារ និងស្ថិតនៅលំដាប់ទី១៨៨លើពិភពលោក ។
ចំណុចបញ្ចប់របស់លោកស៊ីលវើយ៉ូឡា ប៊ែលូស្កូន មិនសូវល្អទេព្រោះតែប្រយោជន៍ផ្ទាល់ខ្លួនពាក់ព័ន្ធនឹងតួនាទីរដ្ឋ ដូច្នេះរូបលោកត្រូវឡើងតុលាការលើរឿងក្តីជាច្រើន ។
-ថៃ ៖
លោកថាក់ស៊ីន ស៊ីណាវ៉ាត្រា ធ្លាប់កាន់តំណែងជានាយករដ្ឋមន្ត្រីថៃ ក្នុងអំឡុងពីខែ កុម្ភៈ ២០០១ ដល់ខែ កញ្ញា ២០០៦ ។ លោកថាក់ស៊ីន ត្រូវគេធ្វើរដ្ឋប្រហារបណ្តេញពីអំណាចក្នុងឆ្នាំ២០០៦ បច្ចុប្បន្នបាននិរទេសខ្លួនទៅក្រៅប្រទេស ខណៈរដ្ឋាភិបាលថៃបង្កកប្រាក់២០០០លានដុល្លារពីបទពុករលួយ ។
-ហ្សកហ្ស៊ី ៖
លោកប៊ីដហ្ស៊ីណា អីុវ៉ានីសវីលី ក្លាយជានាយករដ្ឋមន្ត្រីពីខែតុលា ២០១២ ដល់ខែ វិច្ឆិកា ២០១៣ ។ តាមរយៈការអង្កេតរបស់ទស្សនាវដ្តី Forbes លោកមានទ្រព្យ៤.៨០០លានដុល្លារនៅឆ្នាំ២០១៦ ។
ពីដំបូងលោកប៊ីដហ្ស៊ីណា អីុវ៉ានីសវីល មានស្តុកស្តម្ភតាមរយៈជំនួញកុំព្យូទ័រ ក្រោយមកទិញអាជីវកម្មដែក និង អណ្តូងរ៉ែ ក្នុងយុគសម័យសហភាពសូវៀត ក្នុងតម្លៃជាច្រើនលានដុល្លារ ហើយទីបំផុតលក់បានរាប់ពាន់លានដុល្លារ ។
-លីបង់ ៖
លោករ៉ាហ្វិក ហារីរី ជាអ្នកជំនួញធ្លាប់កាន់តំណែងនាយករដ្ឋមន្ត្រីចំនួន២អាណត្តិអំឡុងពីឆ្នាំ១៩៩២ ដល់១៩៩៨ និងឆ្នាំ ២០០០ដល់ឆ្នាំ ២០០៤ ។ លោកត្រូវគេលួចធ្វើឃាត់នៅឆ្នាំ២០០៥លើគំនរទ្រព្យសម្បត្តិដ៏ស្តុកស្តម្ភទាំងមុខជំនួញផ្នែកសំណង់ អចលនទ្រព្យ និងប្រព័ន្ធផ្សព្វផ្សាយ ។
-ស៊ីលី ៖
លោកសេបាស្ទៀន ពីណេរ៉ា ជាប្រធានាធិបតីស៊ីលីអំឡុងពីខែមីនា ២០១០ ដល់ខែមីនា ២០១៤ ។ លោកធ្លាប់បង្កើតភាពមានទ្រព្យស្តុកស្តម្ភរបស់ខ្លួនតាមរយៈជំនួញសារព័ត៌មាន និងអចលនទ្រព្យ ។ តាមការរៀបចំណាត់ថ្នាក់របស់ Forbes គឺលោកមានទ្រព្យសម្បត្តិសរុប២.៥០០លានដុល្លារ ។
-អ៊ុយក្រែន ៖
លោកប៉េត្រូ ប៉ូរ៉ូសេនកូ មានរហស្សនាមថាជា«អធិរាជស្ករសូកូឡា» ឡើងកាន់តំណែងជាប្រធានាធិបតីក្នុងខែមិថុនា ២០១៤ ។ លោកបានធ្លាក់ពីតំណែងមហាសេដ្ឋីប្រចាំឆ្នាំ ២០១៥ ពីការរៀបលំដាប់ថ្នាក់របស់ Forbes ៕
ចែករំលែកព័តមាននេះ