AFP កាលពីថ្ងៃទី១៣ វិច្ឆិកា ២០១៦ ផ្សាយថាផ្នូរសពបុរាណមួយអាយុប្រហែលពី១០៧៥ ដល់៦៦៤ មុនគ្រឹស្តសករាជត្រូវអ្នកជំនាញរកឃើញស្ថិតនៅលើច្រាំងទន្លេ «Nile» ភាគខាងលិចឆ្ងាយពីក្រុងគែរភាគខាងត្បូងប្រហែល៧០០ គីឡូម៉ែត្រ ។
របាយការណ៍របស់ក្រសួងវត្ថុបុរាណអេហ្ស៊ីបឱ្យដឹងថា ផ្នូរបុរាណនោះមានលក្ខណៈជាម៉ាំមីបានចងដោយក្រណាត់ «លីនីន» (Linen) និងបំពោកកំបោរម្យ៉ាងដាក់នៅក្នុងមឈូសឈើពណ៌ស្រស់ស្អាតកប់ក្នុងផ្នូរក្បែរវិហារមួយក្នុងសម័យ «ហ្វារ៉ូធុតម៉ូស៣» (Pharaoh Thutmos 3) ក្នុងរាជវង្សទី១៨ នៃអាណាចក្រអេហ្ស៊ីប ។ ផ្នូរសពដែររកឃើញនោះអាចជាសពស្ត្រីមេទ័ពឈ្មោះ «Amenrenef» បម្រើការនៅក្នុងរាជវាំង ។
លោកមីរីយ៉ាំ សេកូ អាល់វ៉ារ៉េស ប្រធានក្រុមអ្នកបុរាណវិទ្យាអេស្ប៉ាញ ដែលរុករកឃើញនោះឱ្យដឹងថាមឈូសដែលផ្ទុកម៉ាំមីមានក្បូរក្បាច់រចនាដ៏ស្រស់ស្អាតជានិម្មិត្តរូបនៃជំនឿរបស់អេហ្ស៊ីប ។ តឹកតាងដ៏ចំណាស់បំផុតរបស់ម៉ាំមីនៅអេសហ្ស៊ីបបញ្ជាក់ថា វិធីសាស្ត្រនៃការរុំលើរាងកាយ គឺដើម្បីរក្សាទុកភាពដើមនៃការស្លាប់បាត់បង់ជីវិត៕
ចែករំលែកព័តមាននេះ