សង្ស័យជិះម៉ូតូទៅបុកគូថឡានពីក្រោយ បោកក្បាលបែកស្លា.ប់ភ្លាមៗ
រាជធានីភ្នំពេញ ៖ នៅវេលាម៉ោង៦និង៥០នាទីល្ងាច ថ្ងៃទី១៣ ខែវិច្ឆិកា ឆ្នាំ២០១៦នេះ ស្ថិតតាមបណ្ដោយផ្លូវទំនប់កប់ស្រូវ ស្ថិតក្នុងភូមិត្រពាំងរាំងចាស់
រាជធានីភ្នំពេញ ៖ នៅវេលាម៉ោង៦និង៥០នាទីល្ងាច ថ្ងៃទី១៣ ខែវិច្ឆិកា ឆ្នាំ២០១៦នេះ ស្ថិតតាមបណ្ដោយផ្លូវទំនប់កប់ស្រូវ ស្ថិតក្នុងភូមិត្រពាំងរាំងចាស់ សង្កាត់ឃ្មួញ ខណ្ឌសែនសុខ មានករណីគ្រោះចរាចរណ៍មួយ បណ្ដាលឲ្យបុរសម្នាក់ដួលបែកក្បាល ស្លាប់ភ្លាមៗនៅនឹងកន្លែង។ ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរសម្នាក់ជិះម៉ូតូគូបមូល ពណ៌ខៀវ១គ្រឿង បើកបរក្នុងទិសដៅពីកើតទៅលិច ក្នុងល្បឿនលឿន ក្រោយមកទើបឃើញមានករណីគ្រោះថ្នាក់ចរាចរណ៍កើតឡើង ទើបគេសន្និដ្ឋានថា សង្ស័យបុរសនោះបើកលឿនពេកជ្រុលទៅបុកគូថឡានគេពីក្រោយ ហើយ បានជាបណ្ដាលឲ្យបែកក្បាលហូរឈាមស្លាប់ភ្លាមៗបែបនេះ។
នៅកន្លែងកើតហេតុ គេបានឃើញបុរសជាជនរងគ្រោះ ដេកស្លាប់ក្នុងថ្លុកឈាម រួមជាមួយម៉ូតូ១គ្រឿងដួលបាក់ក ម៉ាកគូប មានពណ៌ខៀវ ពាក់ស្លាកលេខ កណ្ដាល 1B-3175 ។ តែក្នុងហេតុការណ៍នេះ ពុំទាន់មានប្រភពណាមួយបញ្ជាក់ឲ្យបានច្បាស់នៅឡើយថា បុរសដែលជាជនរងគ្រោះដែល ស្លាប់នោះ មិនដឹងច្បាស់ថាបានបុកគូថរថយន្តពីក្រោយ ឬត្រូវរថយន្តបុកនោះទេ ព្រោះ ភាគីខាងរថយន្តមិនបាននៅទីនោះឡើយ។ ក្រោយពេលសមត្ថកិច្ចពិនិត្យសាកសព និងធ្វើកំណត់ហេតុរួច ក៏បានប្រគល់សាកសពទៅឲ្យក្រុមគ្រួសារ ដើម្បីយកទៅធ្វើបុណ្យ តាមប្រពៃណី៕
ចែករំលែកព័តមាននេះ