ទម្រង់ម៉ូដសក់ គឺជាកត្ដាមួយជួយលើកសម្រស់កូនក្រមុំក្នុងពិធីមង្គលការរបស់ខ្លួន ខណៈពេលបច្ចុប្បន្នជាអំឡុងពេលនៃពិធីរៀបមង្គលការនៅអាស៊ី និងអឺរ៉ុប ។ មានទម្រង់សក់ស្រស់ប្រណីតជាច្រើនរបស់កូនក្រមុំសម្រាប់ជាម៉ូដគំរូ ដើម្បីធ្វើឱ្យកូនក្រុមុំុមើលទៅកាន់តែស្រស់ស្អាតក្នុងពិធីមង្គលការរបស់ខ្លួន ។
១-ផ្ដុំសក់ពីខាងមុខ ក្រងនៅខាងក្រោយឱ្យរៀបរយល្អ ព្រមទាំងបង្កើនសម្រស់ផូរផង់ដោយកម្រងផ្កា ។
២-បួងសក់ពីមុខទៅខាងក្រោយ បង្ហាញផ្ទៃមុខដ៏ស្រស់ស្អាតមួយកម្រិតទៀត ។
៣-ប្រសិនបើចង់បានទម្រង់សក់ឱ្យចុះសម្រុងនឹងគ្រឿងអលង្ការដ៏មានតម្លៃ ទម្រង់សក់ក្របួចទៅខាងក្រោយជាជម្រើសល្អមួយ ។
៤-គួរបង្កើតគោលគំនិតច្នៃប្រឌិតមួយធ្វើឱ្យសក់លើកសម្រស់ ដោយប្រើផ្កាមានពណ៌ឆើតឆាយ ស្របនឹងការតុបតែងមុខ ។
៥-ត្រូវចងសក់ទៅខាងក្រោយឱ្យស្អាត បន្ទាប់មកបង្កើនសម្រស់ដោយផ្កាពណ៌ស រួមផ្សំ នឹងស្លឹកលើពណ៌បៃតង ។
៦-ចំពោះកូនក្រមុំដែលមិនចង់ធ្វើសក់នោះ គួរធ្វើសក់ឱ្យរាបស្មើនិងបង្កើនភាពសិចសុី ដោយបាច់ផ្កាពណ៌សជួយលើកសម្រស់ ។
៧-ទម្រង់ត្រូវមានភាពស្រស់ស្អាត ចងទៅក្រោយ និងបង្កើនភាពលេចធ្លោដោយលំអផ្កាពណ៌ទឹកក្រូច ។
៨-សម្រាប់កូនក្រមុំដែលចង់មានសក់វែង ក្នុងពិធីមង្គលការ គួរក្រងឱ្យធូររលុង រំលេចដោយផ្កាអ៊័រគីដេសុីជម្ពូលាយស ។
៩-ត្រូវធ្វើសក់ឱ្យស្អាត ក្នុងលក្ខណៈជាស្ដ្រីភេទបង្កើនភាពលេចធ្លោដោយបង្ហាញទឹកមុខ និងកាន់បាច់ផ្កា ។
១០-ត្រូវធ្វើឱ្យសក់រាបស្មើ និងចងទៅក្រោយឱ្យធូររលុង បង្កើនសម្រស់ដោយមានស្នៀតសក់ប្រកបដោយក្បូរក្បាច់ និងកាន់បាច់ផ្កា ។
១១-ស្ដ្រីគួរពន្លាសក់ឱ្យផូរផង់ រួចវែកទាំងសងខាង និងកៀបទៅក្រោយជាការល្អ ។
១២-គួរធ្វើសក់ឱ្យស្រស់ស្អាត ដោយមូរសក់វែកទៅកៀន និងចងទៅក្រោយ រួមទាំងពាក់ស្នៀតសក់ដែលផូរផង់ ៕
ចែករំលែកព័តមាននេះ