ឥទ្ធិពលស្នេហ៍ធំជាងធរណី បា.ញ់ប្រហារលោកផ្កាយ២និងស្រីស្នេហ៍ រួចបា.ញ់ខ្លួនឯង
រាជធានីភ្នំពេញ ៖ លោកឧត្តមសេនីយ៍ទោម្នាក់រួមទាំងស្ត្រីលេខាត្រូវបានបា.ញ់ប្រហារនៅក្នុងមជ្ឈមណ្ឌលជាតិគ្រប់គ្រង កងកម្លាំងរក្សាសន្តិភាព
រាជធានីភ្នំពេញ ៖ លោកឧត្តមសេនីយ៍ទោម្នាក់រួមទាំងស្ត្រីលេខាត្រូវបានបា.ញ់ប្រហារនៅក្នុងមជ្ឈមណ្ឌលជាតិគ្រប់គ្រង កងកម្លាំងរក្សាសន្តិភាព
រាជធានីភ្នំពេញ ៖ លោកឧត្តមសេនីយ៍ទោម្នាក់រួមទាំងស្ត្រីលេខាត្រូវបានបាញ់ប្រហារនៅក្នុងមជ្ឈមណ្ឌលជាតិគ្រប់គ្រង កងកម្លាំងរក្សាសន្តិភាព បោសសំអាតមីន និងកាកសំណល់ សង្ក្រាមកាលពីម្សិលមិញ ហើយជនដៃដល់ដែលជាកូនចៅមានឋានន្តរស័ក្តិវរសេនីយ៍ក៏បានបាញ់សម្លាប់ខ្លួនតាមក្រោយដែរ ។ ទាក់ទិនការបាញ់ប្រហារនេះត្រូវបានគេដឹងថាផ្តើមចេញពីគំនុំស្នេហាត្រីកោណ ។
ហេតុការណ៍ នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៨និង៥០នាទីព្រឹកថ្ងៃទី១០ វិច្ឆិកា នៅក្នុងមជ្ឈមណ្ឌលដែលស្ថិតនៅអគារលេខ២៤ ផ្លូវលេខ៥៥៤ កែងផ្លូវលេខ៣១៣ សង្កាត់បឹងកក់ទី១ ខណ្ឌទួលគោក ។
មន្ត្រីយោធាដែលកូនចៅរបស់ខ្លួនបាញ់សម្លាប់ព្រោះតែរឿងស្នេហា គឺលោកឧត្តមសេនីយ៍ទោ អ៊ុំ សុភា អាយុ៣៦ឆ្នាំជាប្រធាននាយកដ្ឋានធនធានមនុស្សនៃមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសំអាតមីន និងកាកសំណល់សង្ក្រាម ស្នាក់នៅផ្ទះលេខ៨៧ ផ្លូវលេខ១៥០ សង្កាត់ផ្សារដេប៉ូទី២ ខណ្ឌទួលគោក ត្រូវជនដៃដល់បាញ់ចំនួន៤គ្រាប់ដេកស្លាប់ក្នុងថ្កុកឈាមនៅក្នុងបន្ទប់ជាន់ទី២នៃអគារ ។ រីឯស្ត្រីដែលមានបេះដូងតែមួយបែងចែកគ្នាមិនដាច់ក៏ត្រូវរងគ្រោះដែរនោះឈ្មោះ សេង ម៉ាលីណា អាយុ៣៥ឆ្នាំជាលេខាធិការស្នាក់នៅផ្ទះលេខ២១៤ ផ្លូវលេខ២១៧ សង្កាត់ដង្កោ ខណ្ឌដង្កោ បានស្លាប់ពេលបញ្ជូនទៅសង្គ្រោះនៅមន្ទីរពេទ្យព្រះកុសុមៈ ។
ចំណែកជនដៃដល់ដែលផ្ទុះកំហឹងព្រោះតែរឿងស្នេហាឈ្មោះ សែម រដ្ឋា ភេទប្រុស អាយុ៣២ឆ្នាំ ជាកងការពារមានឋានន្តរស័ក្តិថ្នាក់វរសេនីយ៍ឯកស្នាក់នៅ ភូមិអូរចារ ឃុំអន្លង់វែង ស្រុកកណ្តៀង ខេត្តពោធិ៍សាត់ បានបាញ់សម្លាប់ខ្លួនឯងចំក្បាលចំនួន១គ្រាប់បន្ទាប់ពីបាញ់សម្លាប់ ស្រីស្នេហ៍ និងលោកឧត្តមសេនីយ៍ទោរួចមក ។
តាមព័ត៌មានឱ្យដឹងថា ជនដៃដល់បានប្រើអាវុធខ្លីម៉ាកCZ97ហៅឡុកផលិតនៅប្រទេសចិន បានបាញ់ទៅលើលោកឧត្តមសេនីយ៍ទោនៅជាន់ទី២ចំនួន៤គ្រាប់ ហើយបានរត់ឡើងទៅជាន់ទី៥បាញ់សម្លាប់ស្រីស្នេហ៍របស់ខ្លួនចំនួន១គ្រាប់ និងបាញ់សម្លាប់ខ្លួនឯងតាមក្រោយ ។ បន្ទាប់ពីមានការបាញ់សម្លាប់ ទើបបង្កឱ្យមានការភ្ញាក់ផ្អើលយ៉ាងខ្លាំងកើតឡើង ។
លោកឧត្តមសនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ បានឱ្យដឹងថា នៅក្នុងការផ្ទះអាវុធនេះបណ្តាលឱ្យលោកឧត្តមសេនីយ៍ទោ អ៊ុំ សុភា ប្រធាននាយកដ្ឋានធនធានមនុស្សបានស្លាប់នៅនឹងកន្លែង និងស្ត្រីម្នាក់បានស្លាប់នៅពេលបញ្ជូនទៅកាន់មន្ទីរពេទ្យ ហើយជនដៃដល់បានបាញ់សម្លាប់ខ្លួនឯង ។ លោកឧត្តមសេនីយ៍ រ័ត្ន ស្រ៊ាង បានឱ្យដឹងទៀតថា ការផ្ទុះអាវុធនេះបណ្តាលមកពីស្នេហាត្រីកោណ ។
តាមព័ត៌មានឱ្យដឹងថាកន្លងមកលោកឧត្តមសេនីយ៍ទោ អ៊ុំ សុភា មានទំនាក់ទំនងសេ្នហាជាមួយនារីជនរងគ្រោះឈ្មោះសេង ម៉ាលីណា។ ក្រោយមកនារីរងគ្រោះ ក៏មានទំនាក់ទំនងស្នេហាជាមួយជនដៃដល់ឈ្មោះ សែម រដ្ឋា ទៀតគឺបេះដូងមួយពុះជាពីរ ហើយពួកគេទាំងពីរដែលបានស្រលាញ់គ្នាក៏យល់ព្រមរៀបការជាមួយគ្នា តាមការស្នើសុំរបស់ជនដៃដល់ តែក្រោយមកនាងបានបដិសេធវិញ ។
តាមប្រភពព័ត៌មានឱ្យដឹងទៀតថាពេលពួកគេស្រលាញ់គ្នានោះ ជនដៃដល់ក៏បានធ្លាប់ប្រាប់លោកឧត្តមសេនីយ៍កុំឱ្យទាក់ទងជាមួយសង្សារបស់ខ្លួនគឺសុំឱ្យបញ្ឍប់ទៅ ។ ទំនងជាមិនអាចដកចិត្តបាន នៅតែទាក់ទងគ្នាទើបជាហេតុធ្វើឱ្យជនដៃដល់ផ្ទុះកំហឹងបាញ់សម្លាប់ទាំងលោកឧត្តមសេនីយ៍ទោដែលជាមេ និងស្រីស្នេហ៍របស់ខ្លួន ហើយបាញ់សម្លាប់ខ្លួនឯងតែម្តងឱ្យវាចប់រឿងឈឺចាប់ ។
តាមព័ត៌មានឱ្យដឹងថាលោកឧត្តមសេនីយ៍ទោ អ៊ុំ សុធា ជាកូនច្បងរបស់លោកឧត្តមសេនីយ៍ឯក អ៊ុំ ប៊ុនថា ក្នុងចំណោមបងប្អូន៤នាក់ប្រុស២នាក់ ស្រី២នាក់ ។ លោកឧត្តមសេនីយ៍ទោ អ៊ុំ សុធា មានប្រពន្ធ និងកូនប្រុសម្នាក់ ។
នៅព្រឹកនោះសពគូស្នេហ៍ត្រីកោណទាំង៣នាក់ត្រូវកម្លាំងកងរាជអាវុធហត្ថសហការជាមួយនគរបាលធ្វើការត្រួតពិនិត្យយ៉ាងល្អិនល្អន់ រហូតដល់វេលារសៀលទើបចប់ រួចប្រគល់សពឱ្យគ្រួសារធ្វើបុណ្យតាមប្រពៃណី ។
ដោយឡែកសពលោកឧត្តមសេនីយ៍ទោ អ៊ុំ សុធា បញ្ជូនទៅតម្កល់ធ្វើបុណ្យនៅគេហដ្ឋានលេខ៨៧ ផ្លូវលេខ១៥០ ក្នុងសង្កាត់ផ្សារដេប៉ូទី២ ខណ្ឌទួលគោក ក្រោមតំណក់ទឹកភ្នែកយំសោកទាំងក្តីក្តុកក្តួលបំផុត ៕
ចែករំលែកព័តមាននេះ