សារព័ត៌មាន «អាំងដេប៉ង់ដង់» កាលពីពេល ថ្មីៗកន្លងមកផ្សាយថា ប្រជាជនជាច្រើនពាន់នាក់នាំគ្នាដើរជាក្បួនលើដងផ្លូវនៅភាគខាងលិច សហរដ្ឋអាមេរិក តវ៉ាប្រឆាំងនឹងជ័យជម្នះរបស់លោកដូណាល់ ត្រាំ កាលពីថ្ងៃទី០៩ ខែវិច្ឆិកា ឆ្នាំ២០១៦ ។ ក្រៅពីនេះនៅតាមបណ្ដាក្រុងនានា នៅរដ្ឋកាលីហ្វ៊័រនីញ៉ា រួមមានក្រុងអូរីហ្គុន និងវ៉ាស៊ីនតោន មានការតវ៉ាហិង្សាដោយដុតវត្ថុនានា រួមទាំងរូបទីងមោងរបស់លោកដូណាល់ ត្រាំ ផងដែរ ។
នៅកន្លែងផ្សេងក្នុងរដ្ឋកាលីហ្វ៊័រនីញ៉ា មានដុតកៅស៊ូកង់ និងដុតបំផ្លាញរថយន្ដដឹកសម្រាមជាច្រើនគ្រឿង រួមទាំងមានការវាយបែកកញ្ចក់អគារ ព្រោះតែខឹងរឿងអ្នកដែលពួកគេគាំទ្រគឺលោកស្រីហ៊ីលឡារី គ្លីនតុន ចាញ់ឆ្នោតលោកដូណាល់ ត្រាំ ។
ចំណែកក្រុមអ្នកតវ៉ានៅមហាវិទ្យាល័យ «កាលីហ្វ៊័រនីញ៉ា សានតាបាបារ៉ា» នាំគ្នាស្រែកថា «មិនទទួកយកប្រធានាធិបតីរូបនេះទេ ! «មិនទទួកយកប្រធានាធិបតីរូបនេះទេ !។
រីឯនៅក្រុងសានឌីយ៉ាហ្គោ មាននិស្សិតប្រហែល៥០០នាក់ ដើរជាក្បួននៅទូទាំងមហាវិទ្យាល័យ រួមទាំងស្រែកជេរលោកដូណាល់ ត្រាំ ដោយពាក្យអសុរសនោះ ។
ដោយឡែកនៅញូវយ៉កវិញ នាងឡេឌិ ហ្កាហ្កា តារាចម្រៀងដ៏ល្បីរបស់អាមេរិក បានតវ៉ានៅខាងក្រៅអគារTrump Tower ដោយឈរពីលើរថយន្ដដឹកសម្រាម និងលើកស្លាកបដាថា«Love Trumps Hate» ។
តារាចម្រៀងអាយុ៣០ឆ្នាំរូបនេះធ្លាប់បានបង្ហើបឱ្យដឹងក្នុងពេលកន្លងមកថា «នាងគាំទ្រលោកស្រីហ៊ីលឡារី គ្លីនតុន និងធ្លាប់លើកបដានៅលើវេទិការកសំឡេងឆ្នោតរបស់បេក្ខនារីពីគណបក្សប្រជាធិបតេយ្យរូបនោះថា «បោះឆ្នោតឱ្យហ៊ីលឡារី» ៕
ចែករំលែកព័តមាននេះ