១-ទ្វីបអាស៊ី៖ ទិសខាងជើងជាប់សមុុទ្រទឹកកក (Arctique) ទិសខាងកើតជាប់សមុទ្រប៉ាស៊ីហ្វិក និងសមុទ្របេរីង ទិសខាងត្បូងជាប់សមុទ្រឥណ្ឌា ទិសខាងលិចជាប់សមុទ្រក្រហម ព្រែកជីកស៊ុយអេ សមុទ្រមេឌីទែរ៉ាណេ ទន្លេអ៊ូរ៉ាល់ និងភ្នំអ៊ូរ៉ាល់ ដែលនៅខណ្ឌទ្វីបអឺរ៉ុប ។
ទ្វីបអាស៊ីធំជាងទ្វីបអឺរ៉ុប៤ដងកន្លះ ហើយធំជាងប្រទេសបារាំងជាង៨០ដង ។ ទ្វីបអាស៊ីមានវិសាលភាព៤៤.១៨០.០០០គីឡូម៉ែត្រ ទ្វេគុណ មានប្រជាជនជិតទៅ១.៣០០លាននាក់ ។
២-ទ្វីបអាមេរិក៖ មានវិសាសភាព៤២លានគីឡូម៉ែត្រការ៉េ មានប្រជាជន៣២០លាននាក់ ។ ទ្វីបអាមេរិកទាំងមូលមានពន្តោយ១៨.០០០គីឡូម៉ែត្រ ប្រវែងជិតទៅពាក់កណ្តាលនៃមាគ៌ាចក្កវាឡ ពិភពលោកទាំងមូល ។ មានទំហំធំជាងទ្វីបអឺរ៉ុបជិតបួនដង និងធំជាងប្រទេសបារាំងជាង៧០ដង ។
៣-ទ្វីបអាហ្វ្រិក៖ ជាកោះមានរាងត្រីកោណ ដែលជាប់ទៅទ្វីបអាស៊ីដោយខ្នែងស៊ុយអេ ។ ទិសខាងជើងជាប់សមុទ្រមេឌីទែរ៉ាណេ ខាងលិចជាប់សមុទ្រអាត្លង់ទិក ខាងត្បូង និងខាងកើតជាប់សមុទ្រឥណ្ឌា ខាងជើងនិងខាងកើតជាប់សមុទ្រក្រហម ។ វិសាលភាពមាន៣០លាន៣០០ពាន់គីឡូម៉ែត្រទ្វេគុណ មានប្រជាជន២០៧លាននាក់ ។ ទ្វីបអាហ្វ្រិកមានទំហំធំជាងទ្វីបអឺរ៉ុប៣ដង និង៥៤ដងធំជាងប្រទេសបារាំង។
៤-ទ្វីបអឺរ៉ុប ៖ មានវិសាលភាព(១០.០០០.០០០) ដប់លានគីឡូម៉ែត្រទ្វេគុណ មានប្រជាជន៥៦០លាននាក់ ។
៥-ទ្វីបអូសេអានី ៖ ជាទ្វីបសម្បូរទៅដោយកោះទាំងតូចទាំងធំ ។ អូសេអានី ចែកចេញជាពីរផ្នែកគឺ៖ មេឡាណេស៊ី និងប៉ូលីណេស៊ី ។ មានវិសាលភាព៩លានគីឡូម៉ែត្រការ៉េ និងប្រជាជន១៣.០០០.០០០នាក់ (១៣លាន) ។
មហាសមុទ្រមាន៥
១-មហាសមុទ្រប៉ាស៊ីហ្វិក មានទំហំធំជាងគេ ។
២-មហាសមុទ្រអាត្លង់ទិក ។
៣-មហាសមុទ្រឥណ្ឌា ។
៤-មហាសមុទ្រទឹកកក នៅអក្ខោសានខាងជើង (Arctique) ។
៥-មហាសមុទ្រទឹកកក នៅអក្ខោសានខាងត្បូង (Antarctique) ៕
ចែករំលែកព័តមាននេះ