ព្រឹត្តិការណ៍មិនទៀងនៅក្នុងលំហអាកាសទាំងសាកល បណ្តាលឱ្យរូបរាងនៃតួផ្កាយខ្លះរត់ឆ្វាត់ឆ្វែង គ្មានគោរពទិសដៅទៀងទាត់សោះ។ ជួនកាលតួផ្កាយទាំងនោះតូចក៏មាន ធំក៏មាន មានល្បឿនយ៉ាងលឿន វាជ្រែកកាត់លំហ
ព្រឹត្តិការណ៍មិនទៀងនៅក្នុងលំហអាកាសទាំងសាកល បណ្តាលឱ្យរូបរាងនៃតួផ្កាយខ្លះរត់ឆ្វាត់ឆ្វែង គ្មានគោរពទិសដៅទៀងទាត់សោះ។ ជួនកាលតួផ្កាយទាំងនោះតូចក៏មាន ធំក៏មាន មានល្បឿនយ៉ាងលឿន វាជ្រែកកាត់លំហអាកាសឥតសរសៃដែលបារាំងនិយមហៅថាអេស្បះលីប (Espace Libre) លុះតែផ្កាយនោះស្ទុះផុតពីអេស្បះលីបមក ក៏ចូលមកក្នុងលំហអាកាសដែលមានសរសៃដែលមានកម្លាំងស្រូបនៃធរណី ហៅថាអ័គ្គប៊ីតទែរេះ (Orbite terrestre) ។ ខ្មែរនិយមហៅថា «អាចម៍ផ្កាយ» នោះក៏មានល្បឿនក្រៃណាលឿន រហូតដល់មានល្បឿនក្នុងមួយវិនាទី (Secende) កើនឡើងដល់១០០គីឡូម៉ែត្រ ។
អាស្រ័យដោយហេតុនេះល្បឿនដែលហួសកម្រិតនេះ តួផ្កាយនោះឯងបានកកិតនឹងអាកាសជាអតិបរមា ក៏បណ្តាលឱ្យឆេះ បន្ទាប់មកក៏រលាយតួផ្កាយនេះទៅ រីឯផ្កាយណាដែលធំពេកកម្លាំងនៃការកកិតក៏ឆេះពុំអស់ ដូចមានឧទាហរណ៍ស្រាប់នៅក្នុងប្រទេសរុស្ស៊ីសព្វថ្ងៃ មានអាចម៍ផ្កាយមួយនោះធំប៉ុនភ្នំ ។
យើងសូមបញ្ជាក់បន្ថែមទៀត ហេតុដែលអាចមន៍ផ្កាយធ្លាក់មកមិនត្រង់ចុះមកព្រះធរណី គឺមកពីកម្លាំងរបស់ផ្កាយនោះមានល្បឿនពីនាយមកមិនត្រង់ចំព្រះធរណី ព្រឹត្តិហេតុនេះហើយដែលយើងរាល់គ្នាមើលឃើញអាចមន៍ផ្កាយដែលធ្លាក់មក មានឆ្នូតឆិត ឬត្រង់សំដៅមកតួព្រះធរណី ។ (ស្រង់ចាកសៀវភៅ «១សែនបញ្ហា») ៕
ចែករំលែកព័តមាននេះ