លោកយាយទីទ័លក្រគ្មានទីពឹងទទួលអំណោយសប្បុរជនតាមរយៈលោក ស៊ឹម ពិសិដ្ឋ
ខេត្តកណ្តាល ៖ កាលពីរសៀលថ្ងៃទី៣០ ខែតុលា ឆ្នាំ២០១៦ លោក ស៊ឹម ពិសិដ្ឋ ប្រជាពលរដ្ធរស់នៅក្នុងភូមិពោធិ៍មៀវ ឃុំគគីរធំ ស្រុកកៀនស្វាយ បាននាំយកអំណោយ …
ខេត្តកណ្តាល ៖ កាលពីរសៀលថ្ងៃទី៣០ ខែតុលា ឆ្នាំ២០១៦ លោក ស៊ឹម ពិសិដ្ឋ ប្រជាពលរដ្ធរស់នៅក្នុងភូមិពោធិ៍មៀវ ឃុំគគីរធំ ស្រុកកៀនស្វាយ បាននាំយកអំណោយ …
ខេត្តកណ្តាល ៖ កាលពីរសៀលថ្ងៃទី៣០ ខែតុលា ឆ្នាំ២០១៦ លោក ស៊ឹម ពិសិដ្ឋ ប្រជាពលរដ្ធរស់នៅក្នុងភូមិពោធិ៍មៀវ ឃុំគគីរធំ ស្រុកកៀនស្វាយ បាននាំយកអំណោយសប្បុរជនទៅជូនដល់លោកយាយ ស៊ឹម នី អាយុ៩០ឆ្នាំ ទីទ័លក្រគ្មានទីពឹងដែលរស់នៅក្នុងភូមិជាមួយគ្នា ។
លោក ស៊ឹម ពិសិដ្ឋ បានឲ្យដឹងថា លោកយាយ ស៊ឹម នី គាត់មានអាយុ៩០ឆ្នាំ មានការវង្វេងវង្វាន់ម្តងៗ ហើយគឺជាមនុស្សចាស់ជរាទីទ័លក្រគ្មានកូនចៅចិញ្ចឹម សព្វថ្ងៃរស់នៅក្នុងកូនខ្ទមដ៏កំសត់ម្នាក់ឯងលើដីរបស់អ្នកស្រុកឲ្យរស់នៅពឹងអាស្រ័យបានបងប្អូនជិតខាងដែលមានចិត្តបុណ្យផ្តល់បាយសម្លជូនដល់លោកយាយម្តងម្ការ ។
លោក ស៊ឹម ពិសិដ្ឋ បន្តទៀតថា អំណោយដែលនាំយកមកជូនលោកយាយនាពេលនេះមានអង្ករ១បាវ ស្មើ៥០គីឡូក្រាម ទឹកត្រីទឹកស៊ីអ៊ីវ៦ដប ទឹកផ្លែឈើ១កេស ត្រីខកំប៉ុង១យូរ ត្រីងៀត ព្រមទាំងថវិកា៤០ដុល្លារ និង ៤៤០០០រៀល ដែលជាអំណោយទឹកចិត្តសប្បុររសធម៌របស់លោក រឹម រ៉ាក, លោក រឹម រិទ្ធ និងសប្បុររសជនជាច្រើននាក់ទៀតដែលបម្រើការងារនៅប្រទេសកូរ៉េតាមការមើលឃើញពីទុក្ខលំបាក និងអាណិតអាសូររបស់លោកយាយតាមរយៈហ្វេសប៊ុករបស់លោក (ស៊ឹម ពិសិដ្ឋ) ។
លោក ស៊ឹម ពិសិដ្ឋ បញ្ជាក់ថា លោក រឹម រ៉ាក និង លោក រឹម រិទ្ធ គឺជាកូនក្នុងត្រកូលកសិករក្រីក្រមួយ មានស្រុកកំណើតនៅភូមិពោធិ៍មៀវ ឃុំគគីរធំ និងធ្លាប់បានបួសរៀន ហើយបានទៅបំរើការងារនៅប្រទេសកូរ៉េរយៈពេលជិត៣ឆ្នាំហើយ ។ ដោយពួកគាត់ធ្លាប់តស៊ូឆ្លងកាត់ឧបសគ្គលំបាកជាច្រើន ទើបរូបលោកទាំង២នាក់យល់ពីទុក្ខលំបាករបស់អ្នកក្រ មានទឹកចិត្តសប្បុរសធម៌ខំកៀងគររៃអង្គាសពីពលករនៅប្រទេសកូរ៉េដូចគ្នា បានលុយជាង១០០ដុល្លារវេរតាមវីងឲ្យរូបលោក(ស៊ឹម ពិសិដ្ឋ)ទិញជាគ្រឿងឧបភោគបរិភោគ និងថវិកាយកមកផ្តល់ជូនលោកយាយ ស៊ឹម នី ។
លោក ស៊ឹម ពិសិដ្ឋ បញ្ជាក់បន្តទៀតថា សម្រាប់អំណោយសប្បុរសធម៌របស់សប្បុរសជនបម្រើការងារនៅប្រទេសកូរ៉េក្រោមការគៀងគពី លោក រឹម រ៉ាក និង លោក រឹម រិទ្ធ ជួយដល់ចាស់ជរាគ្មានទីពឹង និងអ្នកក្រីក្រនេះ គឺជាលើកទី២ហើយ ដោយប៉ុន្មានថៃមុនជួយដល់ពលរដ្ឋក្រីក្រម្នាក់រស់នៅក្នុងភូមិពោធិ៍មៀវ ដេកឈឺគ្មានលុយមើលជំងឺតាមរយៈហ្វេសប៊ុករបស់លោក (ស៊ឹម ពិសិដ្ឋ) នូវទឹកប្រាក់ជាង១០០ដុល្លារផងដែរ ។
ជាចុងក្រោយលោក ស៊ឹម ពិសិដ្ឋ ជួសមុខឲ្យលោកយាយ ស៊ឹម នី និងគ្រួសារក្រីក្រដែលបានទទួលអំណោយសប្បុរសធម៌ សូមថ្លែងអំណរអរគុណយ៉ាងជ្រាលជ្រៅចំពោះសប្បុរសធម៌របស់បងប្អូនក្មួយៗម្ចាស់ទានបម្រើការងារនៅប្រទេសកូរ៉េទាំងអស់ សូមទទួលបានជ័យជំនះគ្រប់ភារកិច្ច មានសុខភាពល្អ និងសេចក្តីសុខសប្បាយគ្រប់ពេលវេលា ហើងសង្ឃឹមថា បងប្អូន និងក្មួយៗ នឹងជួយដល់ជនចាស់ជរាគ្មានទីពឹង និងជនក្រីក្របន្តបន្ទាប់ទៀត គេថា ធ្វើបុណ្យទាន់ខែភ្លឺ ដើម្បីទទួលបានកុសលផលបុណ្យទាំងអស់គ្នា ៕
ចែករំលែកព័តមាននេះ