រដ្ឋាភិបាលជប៉ុនបញ្ជាក់ថា បច្ចុប្បន្នមានអ្នកស្លាប់បាត់បង់ជីវិតព្រោះតែធ្វើការលើសម៉ោងជាង២០០នាក់ក្នុងមួយឆ្នាំ ទោះបីជាមានច្បាប់មិនឱ្យធ្វើការលើសម៉ោងកំណត់ក៏ដោយ ។
គណៈរដ្ឋមន្ដ្រីជប៉ុនបានព្រមព្រៀងលើរបាយការណ៍ស្តីពីការស្លាប់របស់អ្នកធ្វើការលើសម៉ោង។ ក្នុងអំឡុងពេលប៉ុន្មានឆ្នាំកន្លងមក មានអ្នកធ្វើការច្រើនលើសពេលកំណត់ ស្លាប់ជាង២០០នាក់ ក្នុងមួយឆ្នាំ និងតួលេខខ្ពស់ក្នុងរយៈពេល១០ឆ្នាំ កន្លងមានជនជាតិជប៉ុនស្លាប់ច្រើនដល់ទៅ៣៩២នាក់ក្នុងមួយឆ្នាំ ។
ក្រុមហ៊ុននានាក្នុងប្រទេសជប៉ុនប្រហែល២១% មានរបាយការណ៍បញ្ជាក់ថា បុគ្គលិកមួយចំនួនបម្រើការលើសពេលច្រើនជាង៨០ម៉ោង ក្នុងមួយខែកាលពីឆ្នាំមុន ហៅថាជា «គន្លងនៃក្តីស្លាប់លើការធ្វើការហួសកំណត់» ។ រដ្ឋាភិបាលជប៉ុន បានចេញច្បាប់មួយនៅឆ្នាំ២០១៤ ដើម្បីការពារការធ្វើការធ្ងន់រហូតដល់ស្លាប់និងធ្វើអត្តឃាតពីការងារ ដើម្បីកាត់បន្ថយចំនួនអ្នកស្លាប់ពីការធ្វើការលើសម៉ោង ។
កន្លងមកក្រុមហ៊ុនជាច្រើនលុបបំបាត់មិនឱ្យបម្រើការងារលើសម៉ោងរបស់បុគ្គលិកដូចជាអនុញ្ញាតឱ្យយកការងារនៅធ្វើនៅផ្ទះ ឬបន្ថយពេលធ្វើការរួមទាំងកាត់បន្ថយប្រាក់ឈ្នួល និងវិធីសាស្ត្រដែលប្រើច្រើនបំផុត គឺការទទួលបុគ្គលិកបណ្ដោះអាសន្នទទួលប្រាក់ឈ្នួលគិតជាម៉ោង ជំនួសបុគ្គលិកបម្រើការជាប្រចាំ ៕
ចែករំលែកព័តមាននេះ