ស្បែកមុខមានខ្លាញ់ច្រើនអាចពិបាកក្នុងការដោះស្រាយ ។ ជាតិខ្លាញ់លើសដែលប្រមូលផ្តុំនៅស្រទាប់ស្បែកខាងក្រៅជាញឹកញាប់នាំឱ្យមុនខ្ទុះ មុនក្បាលខ្មៅ និងបញ្ហារលាកស្បែកផ្សេងៗទៀត ។ បញ្ហាស្បែកមានខ្លាញ់
ស្បែកមុខមានខ្លាញ់ច្រើនអាចពិបាកក្នុងការដោះស្រាយ ។ ជាតិខ្លាញ់លើសដែលប្រមូលផ្តុំនៅស្រទាប់ស្បែកខាងក្រៅជាញឹកញាប់នាំឱ្យមុនខ្ទុះ មុនក្បាលខ្មៅ និងបញ្ហារលាកស្បែកផ្សេងៗទៀត ។ បញ្ហាស្បែកមានខ្លាញ់បង្កឡើងដោយហ្សែន របបអាហារ ភាពតានតឹងច្រើនពេក ឬការផ្លាស់ប្តូរអ៊័រម៉ូនក្នុងរាងកាយដោយសារភាពពេញវ័យ ។
បញ្ហាស្បែកមានខ្លាញ់ច្រើនអាចមានការលំបាកក្នុងការគ្រប់គ្រង ប៉ុន្តែមានមធ្យោបាយជាច្រើនដើម្បីដោះស្រាយបញ្ហានេះ ។ អ្នកមិនចាំបាច់ប្រើផលិតផលថែរក្សាស្បែកដែលផ្ទុកទៅដោយជាតិគីមី និងមានតម្លៃថ្លៃនោះទេ ។ មានមនុស្សជាច្រើនបានរកឃើញថាវិធីព្យាបាលដោយធម្មជាតិក៏មានប្រសិទ្ធភាពដូចគ្នាដែរ ។
ខាងក្រោមនេះវិធី ខ្លះៗក្នុងការព្យាបាលដោយធម្មជាតិសម្រាប់ស្បែកមុខមានជាតិខ្លាញ់ ។
១-ស៊ុតស ៖
ស៊ុតសមានវីតាមីន A ច្រើនដែលមានប្រសិទ្ធភាពក្នុងការបំបាត់ស្នាមជាំ ព្រមទាំងធ្វើឲ្យស្បែកមានភាពភ្លឺថ្លានិងរឹតបន្តឹងស្បែកមុខមានខ្លាញ់ ។
វាយស៊ុតសមួយគ្រាប់ ទឹកក្រូចឆ្មារកន្លះផ្លែ និងលាយវាឲ្យចូលគ្នាល្អ ។ លាបល្បាយនេះនៅលើមុខរបស់អ្នក ទុកវាចោលរយៈពេល១៥នាទី បន្ទាប់មកលាងវាចេញជាមួយទឹកក្តៅ ឧណ្ហៗ ។ វានឹងជួយរឹតបន្តឹងស្បែកមុខ និងស្រូបយកជាតិខ្លាញ់ដែលលើស ។
២-ទឹកក្រូចឆ្មារ ៖
ទឹកក្រូចឆ្មារគឺជាប្រភពដ៏ល្អនៃអាស៊ីតស៊ីទ្រិចមានមុខងារស្រូបយកជាតិខ្លាញ់ពីស្បែកមុខ ។ វាក៏មានលក្ខណៈសម្បត្តិជាថ្នាំសម្លាប់មេរោគដែលអាចជួយឲ្យស្បែកមានពណ៌ភ្លឺរលោង និងធ្វើឲ្យ pH របស់ស្បែកមានតុល្យភាព ។
-លាយទឹកក្រូចឆ្មារមួយស្លាបព្រាកាហ្វេ ទឹកឃ្មុំកន្លះស្លាបព្រាកាហ្វេ និងទឹកដោះគោមួយស្លាបព្រាកាហ្វេ ។ លាបល្បាយនេះលើមុខរបស់អ្នក និងទុកវាចោលរយៈពេល១០ទៅ១៥ នាទីមុនពេលលាងវាចេញជាមួយទឹកត្រជាក់ ។ ប្រសិនបើអ្នកអនុវត្តរៀងរាល់ថ្ងៃ វិធីនេះនឹងឲ្យលទ្ធផលវិជ្ជមានក្នុងរយៈពេលមួយសប្តាហ៍ ។
៣-យ៉ាអួ ៖
យ៉ាអួរមានអាស៊ីតឡាក់ទិកជួយកម្ចាត់កោសិការស្បែក ចាស់ៗ និងស្រូបយកជាតិខ្លាញ់ដែលមានលើមុខ ។
-លាបយ៉ាអួធម្មតានៅលើមុខរបស់អ្នក និងទុកវាចោលរយៈពេល១៥នាទី ។ បន្ទាប់មកលាងវាចេញជាមួយទឹកត្រជាក់ ។ ធ្វើបែបនេះម្តងជារៀងរាល់ថ្ងៃ ។
៤-ប៉េងប៉ោះ ៖
ផ្លែប៉េងប៉ោះល្អបំផុតសម្រាប់ស្បែកមុខដែលមានខ្លាញ់ច្រើនដោយសារតែលក្ខណៈសម្បត្តិធ្វើឲ្យស្បែកមុខត្រជាក់ ភ្លឺថ្លា និងលក្ខណៈសម្បត្តិស្រូបយកជាតិខ្លាញ់លើសរបស់វា។ បរិមាណវីតាមីន C ដ៏ច្រើនដែលមានក្នុងប៉េងប៉ោះមានប្រយោជន៍ខ្លាំងណាស់សម្រាប់ស្បែកដែលឆាប់កើតមុន ។ លើសពីនេះ ជាតិអាស៊ីតស្រូបយកខ្លាញ់ដោយធម្មជាតិនៅក្នុងប៉េងប៉ោះអាចជួយកម្ចាត់ជាតិខ្លាញ់ដែលលើសបាន ។
១-កាត់ប៉េងប៉ោះជាពីរកំណាត់ និងត្រដុសវានៅលើស្បែកមុខរបស់អ្នក ។
២-ទុកឲ្យទឹកប៉េងប៉ោះជ្រាបចូលស្បែកមុខរបស់អ្នកយ៉ាងហោចណាស់១៥នាទី ។
៣-លាងជម្រះស្បែកមុខរបស់អ្នកជាមួយនឹងទឹកត្រជាក់ ជូតវាឲ្យស្ងួត និងលាបគ្រីមផ្តល់សំណើមដែលគ្មានជាតិខ្លាញ់លើស្បែកមុខ ។
៥-ត្រសក់ ៖
ត្រសក់មានអត្ថប្រយោជន៍ខ្លាំងណាស់សម្រាប់ស្បែកមានជាតិខ្លាញ់ផងដែរ ដោយសារតែលក្ខណៈសម្បត្តិធ្វើឲ្យស្បែកត្រជាក់ និងជួយស្រូបយកជាតិខ្លាញ់ដែលលើស ។ ស្របគ្នានេះដែរ ជាតិវីតាមីន និងរ៉ែ រួមមានវីតាមីន A និង E ម៉ាញ៉េស្យូម និងប៉ូតាស្យូម គឺល្អសម្រាប់ស្បែកមុខមានជាតិខ្លាញ់ ។
-កាត់ផ្លែត្រសក់សរីរាង្គមួយបន្ទះក្រាស់ និងត្រដុសវាលើមុខរបស់អ្នកឲ្យសព្វ ។ ទុកឱ្យវាចោលពេញមួយយប់ ហើយលាងចេញដោយទឹកក្តៅនៅពេលព្រឹក ។ ធ្វើបែបនេះរៀលរាល់ថ្ងៃមុនពេលចូលគេង ៕
ចែករំលែកព័តមាននេះ