ប្រទះឃើញឈើល្មើសច្បាប់ជាច្រើនដុំ នៅស្រុកកែវសីមា
ខេត្តមណ្ឌលគិរី ៖ នៅវេលាម៉ោង៣និង១០នាទីរសៀល ថ្ងៃទី២៣ ខែតុលា ឆ្នាំ២០១៦ កម្លាំងកងរាជអាវុធហត្ថលើផ្ទៃប្រទេស សហការជាមួយកម្លាំងមូលដ្ឋាន
ខេត្តមណ្ឌលគិរី ៖ នៅវេលាម៉ោង៣និង១០នាទីរសៀល ថ្ងៃទី២៣ ខែតុលា ឆ្នាំ២០១៦ កម្លាំងកងរាជអាវុធហត្ថលើផ្ទៃប្រទេស សហការជាមួយកម្លាំងមូលដ្ឋានកងរាជអាវុធហត្ថកែវសីមា បានធ្វើការល្បាត ហើយប្រទះឃើញឈើល្មើសច្បាប់ជាច្រើនដុំ ស្ថិតនៅចំណុចលើផ្លូវ ភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី ដែលជនល្មើសបានទម្លាក់ចោល។
យោងតាមប្រភពព័ត៌មានបានឱ្យដឹងថា ក្នុងប្រតិបត្តិការបង្ក្រាបនោះដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួនរួមមានឈើប្រណិតចំនួន៣០ដុំ។ វត្ថុតាងទាំងអស់ ត្រូវមន្ត្រីជំនាញកងរាជអាវុធហត្ថខេត្តមណ្ឌលគិរី កំពុងកសាងសំណុំរឿង ដើម្បីប្រគល់ជូនខណ្ឌរដ្ឋបាលព្រៃឈើ ចាត់ការបន្តតាមនីតិវិធី៕
ចែករំលែកព័តមាននេះ