រាជធានីភ្នំពេញ ៖ គ្រឹះស្ថានមីក្រូហិរញ្ញវត្ថុ ក្រេឌីត បានបង្កើតកម្មវិធីមួយជូនអតិថិជនរបស់ខ្លួន នោះគឺកម្មវិធីសន្សំឈ្នះ សន្សំឈ្នះពីក្រេឌីត ដោយអតិថិជនគ្រាន់តែយកប្រាក់មកដាក់សន្សំនៅក្នុងគ្រឹះស្ថានមីក្រូហិរញ្ញវត្ថុ
រាជធានីភ្នំពេញ ៖ គ្រឹះស្ថានមីក្រូហិរញ្ញវត្ថុ ក្រេឌីត បានបង្កើតកម្មវិធីមួយជូនអតិថិជនរបស់ខ្លួន នោះគឺកម្មវិធីសន្សំឈ្នះ សន្សំឈ្នះពីក្រេឌីត ដោយអតិថិជនគ្រាន់តែយកប្រាក់មកដាក់សន្សំនៅក្នុងគ្រឹះស្ថានមីក្រូហិរញ្ញវត្ថុ និងបានឈ្នះរង្វាន់ជាច្រើន ក្នុងនោះមានដូចជា ទូរស័ព្ទ iPhone 6 ចំនួន៤គ្រឿង ម៉ូតូហុងដាឌ្រីមចំនួន៣គ្រឿង និងរង្វាន់ធំរថយន្ត១គ្រឿងផងដែរ ។ កាលពីព្រឹកថ្ងៃទី២១ ខែតុលា ឆ្នាំ២០១៦ មីក្រូហិរញ្ញវត្ថុក្រេឌីតបានប្រគល់រង្វាន់ជូនអតិថិជនរបស់ខ្លួនដែលបានឈ្នះក្នុងការចាប់រង្វាន់នៅកម្មវិធីតន្ត្រី YENGO នៅទូរទស្សន៍អាស៊ីអាគ្នេយ៍ កាលពីថ្ងៃទី១៧ ខែកញ្ញា ឆ្នាំ២០១៦ កន្លងទៅនេះ ។
លោក ខេង ទីឡែន ប្រធាននាយកប្រតិបត្តិ អាជីវកម្មនៃមីក្រូហិរញ្ញវត្ថុក្រេឌីត បានឱ្យដឹងថា កម្មវិធីប្រគល់រង្វាន់នេះ រៀបចំឡើងក្នុងគោលបំណងថ្លែងអំណរគុណ និងលើកទឹកចិត្តដល់អតិថិជនដែលបានដាក់ប្រាក់សន្សំជាមួយក្រេឌីត ប្ដេជ្ញានឹងបន្តបម្រើសេវាកម្មជូនអតិថិជនឱ្យបានកាន់តែល្អ ហើយនឹងបង្កើតនូវកម្មវិធីថ្មីៗទៀតសម្រាប់អតិថិជន។
លោកបន្តថា សព្វថ្ងៃនេះ ក្រេឌីតគឺជាមីក្រូហិរញ្ញវត្ថុមួយដែលទទួលអាជ្ញាប័ណ្ណពីធនាគារជាតិនៃកម្ពុជា ក្នុងការទទួលប្រាក់បញ្ញើពីអតិថិជន ហើយក្រេឌីតមានសេវាកម្មជាច្រើន ដូចជាសេវាកម្មទទួលប្រាក់បញ្ញើ សេវាឥណទាន សេវាផ្ទេរប្រាក់ក្នុងស្រុក សេវាអេធីអឹម និងសេវាទូទាត់រហ័ស ដែលទើបដាក់ឱ្យដំណើរនៅពេលថ្មីៗនេះ ។
លោកបន្ថែមថា គិតមកខែកញ្ញា ឆ្នាំ២០១៦នេះ គ្រឹះស្ថានមីក្រូហិរញ្ញវត្ថុក្រេឌីតមានទទួលបានប្រាក់បញ្ញើពីអតិថិជនចំនួនប្រមាណ៦៥លានដុល្លារអាមេរិក និងឥណទានផ្ដល់ជូនអតិថិជនមានប្រមាណ១៦៥លានដុល្លារអាមេរិក ជាមួយនឹងទ្រព្យសកម្មសរុបចំនួន១៧២លានដុល្លារអាមេរិក និងមានសាខាចំនួន៨៤សាខា នៅ២០ខេត្ត-ក្រុងក្នុងប្រទេសកម្ពុជា ជាមួយនឹងបុគ្គលិកបំរើការចំនួន១.៧០០នាក់ ។
គួរបញ្ជាក់ថា អតិថិជនដែលត្រូវរង្វាន់ម៉ូតូចំនួន៣រង្វាន់មាន ១-ឈ្មោះហ៊ួត ហ៊ួង មកពីខេត្តព្រៃវែង ២-ឈ្មោះ Chen Jie មកពីភ្នំពេញ និង៣-ឈ្មោះឆេង ច័ន្ទ មកពីភ្នំពេញ ។ សម្រាប់រង្វាន់ទូរស័ព្ទ iPhone 6 ចំនួន៤រង្វាន់បានទៅលើ ១-ឈ្មោះ គង់ ភិរម្យ មកពីភ្នំពេញ ២-ឈ្មោះ ជីម ផា មកពីខេត្តកំពត ៣-ឈ្មោះ ស៊ុត សុវណ្ណនី មកពីខេត្តកំពត និង៤-ឈ្មោះ អៀង ស៊ីវទាង មកពីភ្នំពេញ ហើយចំពោះរង្វាន់ធំរថយន្តបានទៅលើអតិថិជនឈ្មោះ កាន់ ចាន់ថា មកពីភ្នំពេញ ៕
ចែករំលែកព័តមាននេះ