រាជធានីភ្នំពេញ ៖ កាលពីរាត្រីថ្ងៃសុក្រ ទី២១ តុលា ២០១៦ តារា ល្បីៗបង្ហាញខ្លួនក្នុងពិធីជប់លៀងអបអរការបញ្ចប់ថតខ្សែភាពយន្ត រឿង«ហង្សបាក់ស្លាប» នៅភោជនីយដ្ឋានទន្លេបាសាក់ទី២ម្ដុំក្បាលថ្នល់ ។ សិល្បករ និង
រាជធានីភ្នំពេញ ៖ កាលពីរាត្រីថ្ងៃសុក្រ ទី២១ តុលា ២០១៦ តារា ល្បីៗបង្ហាញខ្លួនក្នុងពិធីជប់លៀងអបអរការបញ្ចប់ថតខ្សែភាពយន្ត រឿង«ហង្សបាក់ស្លាប» នៅភោជនីយដ្ឋានទន្លេបាសាក់ទី២ម្ដុំក្បាលថ្នល់ ។ សិល្បករ និងសិល្បការិនីក្មេងចាស់ និង ល្បីៗឈ្មោះជាច្រើនចូលរួមរាំច្រៀង និងសើចសប្បាយ ។
ផលិតករទូរទស្សន៍ប៉ុស្ដិ៍លេខ៥ និយាយថា សម្រាប់ក្រុមការងារផលិតរឿងភាគក្រោមការដឹកនាំរបស់ផលិតករថៃឱ្យតែថតបញ្ចប់ខ្សែរឿង ម្ដងៗរមែងជួបជុំតារាសិល្បៈ និងក្រុមការងារជប់លៀងជុំគ្នា ដើម្បីបង្កើនភាពស្និទ្ធស្នាល ។ នេះមិនមែនជាលើកទី១ទេ សម្រាប់ផលិតករផ្នែកផលិតរឿងភាគនៅទូរទស្សន៍ប៉ុស្ដិ៍លេខ៥ ដោយពេលកន្លងមកមានពិធីជប់លៀងបញ្ចប់ការថតរឿងបែបនេះដែរ ។ ពិធីជប់លៀងអបអរខ្សែភាពយន្តរឿង «ហង្សបាក់ស្លាប»ក្រោយពេលថតចប់កាលពីយប់ថ្ងៃទី២១ តុលា នោះគឺជាទម្លាប់ធម្មតារបស់ផលិតករថៃ ។
ផលិតករថៃ អះអាងថា ខ្សែវីដេអូភាគរឿង«ហង្សបាក់ស្លាប» ចំណាយពេលច្រើនខែជាមួយគុណភាពយ៉ាងល្អឥតខ្ចោះក្រោមការសម្រិតសម្រាំង ដោយបានថតបញ្ចប់កាលពីពេល ថ្មីៗកន្លងមក ។ រឿង «ហង្សបាក់ស្លាប» ចំណាយទុនច្រើនព្រោះមានតួសម្ដែងច្រើន ហើយចំពោះគុណភាពផលិតមិនអន់ជាងរឿងប្រទេសជិតខាងទេ ។ រឿងហង្សបាក់ស្លាបនឹងចាក់ផ្សាយនៅលើកញ្ចក់ទូរទស្សន៍ប៉ុស្ដិ៍លេខ៥ ក្នុងពេល ឆាប់ៗខាងមុខ ដើម្បីប្រកួតប្រជែងនៅម៉ោងមាស ដោយមានការរំពឹងខ្ពស់ទទួលបានការគាំទ្រពីទស្សនិកជន ។
ក្នុងពិធីជប់លៀងថតបញ្ចប់រឿង«ហង្សបាក់ស្លាប»មានតារាសម្ដែងចាស់ថ្មីច្រើនចូលរួម មានកញ្ញានី មុន្នីនាថ, កញ្ញាដួង ម៉ានិច, កញ្ញាទឹម រដ្ឋា, លោកយិត មាសឧស្សាហ៍, កញ្ញានីតា វរវង្ស, កញ្ញាទឹម វត្តី,លោកឡាទីន, លោកវឌ្ឍនៈ, ពិធីករប៉ុស្ដិ៍លេខ៥ កញ្ញាយ៉ែម ស្រីពេជ្រ និងលោកលាង ឧត្តមជាដើម ។ ផលិតករខ្មែរ និងថៃក៏បានជួបជុំគ្នាដែរដើម្បីផ្លាស់ប្ដូរបទពិសោធន៍ការងារ និងបង្ហាញភាពស្និទ្ធស្នាលគ្នា ៕
ចែករំលែកព័តមាននេះ