រាជធានីភ្នំពេញ ៖ កាលពីរសៀលថ្ងៃទី២៣ តុលា ២០១៦ នេះ អាជ្ញាធរខណ្ឌមានជ័យ និងអង្គការមូលនិធិឆឺជី-កម្ពុជា បាននាំយកអំណោយចែកជូនប្រជាពលរដ្ឋ ដែលរងគ្រោះដោយទឹកភ្លៀងជន់លិចផ្ទះសម្បែងចំនួន២៦៥គ្រួសារ រស់នៅក្នុងភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ ។
ពិធីនេះ ក្រោមវត្តមានលោកពេជ្រ កែវមុនី អភិបាលខណ្ឌ និងលោកឡុង ង៉ែត អភិបាលរង ខណ្ឌមានជ័យ និងលោកកែវ សាវឿន ចៅសង្កាត់ចាក់អង្រែលើ និងមានការចូលរួមពីក្រុមយុវជន ស.ស.យ.ក ខណ្ឌ និងសង្កាត់ផងដែរ ។
អំណោយដែលទទួលបាន ក្នុងមួយគ្រួសារៗមានអង្ករ២០គីឡូក្រាម មី១កេស ធុងដាក់ទឹក១ និងស្បែកជើង.កវែង ចំនួន៣គូ ព្រមទាំងទឹកបរិសុទ្ធ១ធុងធំផងដែរ ។
លោកឆុង មីងជឺ ប្រធានអង្គការមូលនិធិ ឆឺជី-កម្ពុជាបានឱ្យដឹងថា នេះគឺជាលើកទី៨ហើយ ដែលអង្គការ របស់យើងសហការជាមួយអាជ្ញាធរខណ្ឌមានជ័យ នាំយកអំណោយសប្បុរសជនមកចែកជូនបងប្អូនរងគ្រោះ ក្នុងមូលដ្ឋានខណ្ឌមានជ័យ ។
ចែករំលែកព័តមាននេះ