លោក ឌី រ័ត្នខេមរុណ អំពាវនាវដល់ពលរដ្ឋទៅចុះឈ្មោះបោះឆ្នោត
រាជធានីភ្នំពេញ ៖ អភិបាលរងខណ្ឌមានជ័យ លោកឌី រ័ត្នខេមរុណ បានថ្លែងប្រាប់ដល់ពលរដ្ឋក្នុងមូលដ្ឋាន អោយចូលរួមទៅចុះ
រាជធានីភ្នំពេញ ៖ អភិបាលរងខណ្ឌមានជ័យ លោកឌី រ័ត្នខេមរុណ បានថ្លែងប្រាប់ដល់ពលរដ្ឋក្នុងមូលដ្ឋាន អោយចូលរួមទៅចុះ
រាជធានីភ្នំពេញ ៖ អភិបាលរងខណ្ឌមានជ័យ លោកឌី រ័ត្នខេមរុណ បានថ្លែងប្រាប់ដល់ពលរដ្ឋក្នុងមូលដ្ឋាន អោយចូលរួមទៅចុះឈ្មោះបោះឆ្នោតអោយបានគ្រប់គ្នា ដើម្បីបំពេញកាតព្វកិច្ចជាពលរដ្ឋ និងត្រៀមបោះឆ្នោតជូនគណបក្សណាដែលខ្លួនស្រលាញ់ និងគាំទ្រ ។
ការថ្លែងរបស់លោកអភិបាលរងទៅកាន់ពលរដ្ឋ ធ្វើឡើងនៅក្នុងពិធីចែកអំណោយមនុស្សធម៌របស់សម្តេចកិត្តិព្រឹទ្ធបណ្ឌិតជូនដល់ពលរដ្ឋទីទ័លក្រ ចំនួន៤៥គ្រួសារ រស់នៅក្នុងសង្កាត់បឹងទំពុន ខណ្ឌមានជ័យ។ ក្នុងឱកាសនេះដែរ លោកឌី រ័ត្នខេមរុណ ប្រធានអនុសាខាកាកបាទក្រហមកម្ពុជាប្រចាំខណ្ឌមានជ័យ បានមានប្រសាសន៍អោយដឹងថា ការនាំយកអំណោយចែកជូនបងប្អូននៅពេលនេះ គឺជាការមើលឃើញជាក់ស្តែងពីសុខទុក្ខលំបាករបស់បងប្អូន ពីសំណាក់កាកកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិតប៊ុនរ៉ានី ហ៊ុនសែន ជាប្រធាន ។ ឈ្លៀតក្នុងឱកាសដដែលនោះ លោកប្រធានអនុសាខា បានមានប្រសាសន៍ ផ្ញើក្តីនឹករលឹកយ៉ាងក្រៃលែងផងដែរ ពីសំណាក់សម្តេចកិត្តិព្រឹទ្ធបណ្ឌិតប៊ុនរ៉ានី ហ៊ុនសែន ជូនចំពោះបងប្អូន ។ លោក ឌី រ័ត្នខេមរុណបន្តថា ថ្វីត្បិតតែពេលនេះសម្តេចមិនមានវត្តមាននៅទីនេះពិតប្រាកដមែន ប៉ុន្តែចិត្តរបស់សម្តេចតែងឋិតនៅក្បែរបងប្អូនជានិច្ច ដែលលោកតែងតែក្រើនរំលឹកដល់មន្ត្រីក្រោមឱវាទអោយធ្វើយ៉ាងណាត្រូវយកចិត្តទុកដាក់ខ្ពស់ទៅលើប្រជាពលរដ្ឋក្រីក្រលំបាកតោកយ៉ាក ចាស់ជរា អ្នកកើតជំងឺងឺរុំារៃ និងជាពិសេសជនមានផ្ទុកមេរោគអេដស៍ ព្រោះសុខទុក្ខរបស់ពលរដ្ឋកម្ពុជា គឺជាសុខទុក្ខរបស់សម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុន សែន ដូចគ្នា ។
អំណោយដែលត្រូវបានចែកជូន ក្នុងមួយគ្រួសារៗ ទទួលបាន៖ អង្គរមួយបាវទម្ងន់៣០គីឡូក្រាម ទឹកត្រី១យួរ ទឹកស៊ីអ៊ីវ០១យួរ ត្រីខ០១យួរ ស្ករស០១គីឡូក្រាម ទឹកដោះគោ២កំប៉ុង មីយើង០១កេស ឃីដ១ឈុត ( មុង ភួយ ក្រមា ) និងថវិកា៣ម៉ឺនរៀល ៕
ចែករំលែកព័តមាននេះ