រសជាតិខុសពីគេរបស់ម្រះអាចជារសជាតិដែលជាទីពេញនិយមសម្រាប់មនុស្សមួយចំនួន។ ប៉ុន្តែមានមនុស្សជាច្រើនមិនចូលចិត្តបរិភោគផ្លែនេះដែរ ដោយសារវាមានរសជាតិល្វីង និងរូបរាងមិនល្អមើល ។ ទោះជាយ៉ាងណាក្តី
រសជាតិខុសពីគេរបស់ម្រះអាចជារសជាតិដែលជាទីពេញនិយមសម្រាប់មនុស្សមួយចំនួន។ ប៉ុន្តែមានមនុស្សជាច្រើនមិនចូលចិត្តបរិភោគផ្លែនេះដែរ ដោយសារវាមានរសជាតិល្វីង និងរូបរាងមិនល្អមើល ។ ទោះជាយ៉ាងណាក្តី ម្រះសំបូរទៅដោយអាហារូបត្ថម្ភ ល្អៗជាច្រើន ហើយវាជាគំនិតល្អក្នុងការបន្ថែមវាទៅក្នុងមុខម្ហូបប្រចាំសប្តាហ៍របស់អ្នក ។
១-ជួយគ្រប់គ្រងជំងឺទឹកនោមផ្អែម
ប្រសិនបើអ្នកមានប្រវត្តិគ្រួសារធ្លាប់កើតជំងឺទឹកនោមផ្អែម ឬជំងឺទឹកនោមផ្អែមប្រភេទ ២ ផ្លែម្រះពិតជាអាចជួយអ្នកបាន ។ សារធាតុដែលបានចម្រាញ់ពីម្រះ គេជឿថាមានរចនាសម្ព័ន្ធស្រដៀងគ្នាទៅនឹងអាំងស៊ុយលីនរបស់សត្វ និងអាចបន្ថយកម្រិតជាតិស្ករនៅក្នុងឈាមចំពោះអ្នកដែលមានជំងឺទឹកនោមផ្អែមប្រភេទ ២ ។ ការសិក្សាមួយនៅឆ្នាំ២០០០ អ្នកជំងឺដែលបរិភោគម្រះចំនួន ២០០០ មីល្លីក្រាមប្រចាំថ្ងៃមានការធ្លាក់ចុះកម្រិត fructosamine យ៉ាងខ្លាំង និងមានផលប៉ះពាល់ពីជាតិស្ករទាបក្នុងឈាមតិចតួច។ អ្វីដែលអ្នកត្រូវចងចាំ គឺម្រះមិនប្រើជំនួសការលេបថ្នាំទេ ។
២-ល្អចំពោះសុខភាពភ្នែក
វីតាមីន A គឺជាសារធាតុចិញ្ចឹមដែលល្អចំពោះភ្នែករបស់អ្នក ។ ក្រៅពីជួយទប់ស្កាត់ការកើតជំងឺភ្នែកឡើងបាយ ឬខ្វាក់មាន់ វីតាមីននេះជាទូទៅជំរុញអោយភ្នែកមានសុខភាពល្អ ។ វាចាំបាច់សម្រាប់មុខងារធម្មតានៃកញ្ចក់ភ្នែក និងភ្នាសត្របកភ្នែករបស់អ្នក ។ ការបរិភោគម្រះផ្តល់ឲ្យអ្នកជិតមួយភាគបីនៃវីតាមីន A ដែលរាងកាយអ្នកត្រូវការជារៀងរាល់ថ្ងៃ ។
៣-ជំនួយឆ្អឹង និងការពារជំងឺពុកឆ្អឹង
ផ្លែម្រះសម្បូរទៅដោយវីតាមីន K ដែលជាសារធាតុចិញ្ចឹមចាំបាច់ក្នុងការសាងសង់ឆ្អឹង។ បើគ្មានវីតាមីននេះ ជាតិកាល់ស្យូមដែលអ្នកបានបរិភោគនឹងមិនអាចជួយឆ្អឹងអ្នកបានច្រើនទេ ដោយសារតែវាត្រូវការវីតាមីន K ដើម្បីធ្វើឲ្យភាពតាន់នៃឆ្អឹងរបស់អ្នកមានភាពប្រសើរឡើង ។ អ្នកនឹងអាចជៀសផុតពីជំងឺពុកឆ្អឹង និងជំងឺរលាកសន្លាក់ឆ្អឹង ប្រសិនបើអ្នកទទួលទានវីតាមីននេះបានគ្រប់គ្រាន់ និងកាត់បន្ថយឱកាសក្នុងការប្រេះឆ្អឹង។ ដូច្នេះប្រសិនបើអ្នកមិនចង់មានបញ្ហាឆ្អឹង ម្រះអាចជាដំណោះស្រាយដ៏ល្អសម្រាប់អ្នក ។
៤-ល្អចំពោះថ្លើម
ម្រះត្រូវបានគេប្រើជាភេសជ្ជៈប៉ូវថ្លើម ដោយសារតែសមត្ថភាពរបស់វាក្នុងការជួយដល់ការរំលាយអាហារ បន្សុទ្ធឈាម និងបំបាត់ជាតិពុលពីរាងកាយ ។ យោងតាមការប្រើប្រាស់ឱសថបុរាណរបស់ចិន ជាតិល្វីងរបស់ម្រះអាចជួយបញ្ចុះកំដៅនៅក្នុងខ្លួន ដែលវាមានតួនាទីបំបាត់ជាតិពុលពីធម្មជាតិ និងធ្វើឲ្យមានតុល្យភាពក្នុងរាងកាយ ។ វីតាមីន K របស់ម្រះក៏ជួយយកាត់បន្ថយផងដែរនូវការហូរឈាមក្នុងថ្លើម ។
៥-ប្រយុទ្ធប្រឆាំងនឹងជំងឺមហារីក
ម្រះផ្តល់ក្តីសង្ឃឹមដល់អ្នកមានជំងឺមហារីក។ ផ្នែកផ្សេងគ្នានៃម្រះត្រូវបានគេប្រើនៅក្នុងការស្រាវជ្រាវប្រឆាំងនឹងជំងឺមហារីកគ្រាប់ឈាម។ ការសិក្សាទាំងនេះបានរកឃើញថា បន្លែមួយប្រភេទនេះមានឥទ្ធិពលក្នុងការសម្លាប់កោសិកាជំងឺមហារីកគ្រាប់ឈាម HL60 របស់មនុស្ស។
៦-ជួយសម្រកទម្ងន់ និងកាត់បន្ថយជាតិខ្លាញ់
ការសិក្សាបានរកឃើញថា ម្រះអាចកាត់បន្ថយការប្រមូលផ្តុំជាតិខ្លាញ់ជាលិកានៅក្នុងខ្លួនរបស់អ្នក ។ នេះគឺជាសមត្ថភាពរបស់ម្រះដើម្បីជំរុញការបំបែកជាតិខ្លាញ់ និងរារាំងការសំយោគអាស៊ីតខ្លាញ់ឬទ្រីគ្លីសេរីត ធ្វើឱ្យវាក្លាយជាជម្រើសដ៏ល្អសម្រាប់នរណាម្នាក់ដែលមានផែនការសម្រកទម្ងន់ ៕
ចែករំលែកព័តមាននេះ