តើអ្នកបានចំណាយប្រាក់ដ៏ច្រើននៅក្នុងហាងកែសម្រស់ និងថែរក្សាសម្រស់ ប៉ុន្តែនៅតែមានការលំបាកក្នុងការទទួលបានលទ្ធផលដែលអ្នកចង់បានមែនទេ? កំហុសដែលបង្កឲ្យមានលទ្ធផលនេះអាចមិនមែនដោយសារតែកត្តាខាងលើតែម្នាក់ប៉ុណ្ណោះទេ ប៉ុន្តែប្រហែលមកពីទម្លាប់មិនល្អទាំងនេះដែលកំពុងតែបំផ្លាញភាពស្រស់ស្អាតរបស់អ្នក ។
១-និយាយទូរស័ព្ទយូរ
ការនិយាយទូរស័ព្ទយូរអាចបណ្តាលឱ្យមានការផលិតប្រេងច្រើនហួសកំណត់ និងនាំឱ្យកើតមុន ។ បាក់តេរីមួយចំនួនដែលមាននៅលើទូរស័ព្ទរបស់អ្នកត្រូវបានផ្ទេរទៅឱ្យស្បែក និងបណ្តាលឱ្យកើតមុន និងការឆ្លងមេរោគ ។ សូមប្រើកាសបើអ្នកមិនចង់មានបញ្ហានេះ ។
២-ឆ្ពុងមុខញឹកញាប់ពេក
ចូរកុំព្យាយាមឆ្ពុងមុខញឹកញាប់ពេកនៅផ្ទះ។ នៅក្នុងហាងថែរក្សាសម្រស់ គេប្រើប្រាស់ផលិតផលត្រឹមត្រូវក្នុងការគ្រប់គ្រងសីតុណ្ហភាពនៃការឆ្ពុងដើម្បីទទួលបានស្បែកស្រស់ថ្លា។ ចំណែកការឆ្ពុងនៅតាមផ្ទះអាចធ្វើឲ្យស្បែកយើងខ្សោះជាតិទឹក ហើយថែមទាំងអាចធ្វើឱ្យវារមាស់ទៀតផង ។
៣-ទទួលទានតែ និងកាហ្វេច្រើនពេក
តែ កាហ្វេ និងភេសជ្ជៈផ្ទុកជាតិស្ករច្រើនពេក និងសារធាតុគីមីដែលមិនល្អចំពោះស្បែក និងធ្មេញរបស់អ្នក ។ អ្នកគួរតែទទួលទានទឹក និងទឹកផ្លែឈើស្រស់ឲ្យបានច្រើន ប្រសិនចង់បានស្បែកក្មេងជាងវ័យ ។
៤-សាកល្បងប្រើផលិតផលច្រើនពេក
ការផ្លាស់ប្តូរម៉ាកក្រែមលាបមុខ ធ្វើឲ្យអ្នកត្រូវប្រឈមនឹងសារធាតុគីមី ថ្មីៗជាច្រើន ។ តើនឹងមានអ្វីកើតឡើង ប្រសិនបើអ្នកប្រើផលិតផលខុស ហើយវាបំផ្លាញស្បែករបស់អ្នក? ចូរប្រើម៉ាកផលិតផលតែមួយចំនួនតូចបានហើយ និងប្រើផលិតផលដែលសមស្របនឹងប្រភេទស្បែករបស់អ្នក ។
៥-ងូតទឹកក្តៅយូរពេក
ការងូតទឹកយូរជាមួយនឹងទឹកក្តៅអាចធ្វើឱ្យអ្នកមានអារម្មណ៍ធូរស្រាល ប៉ុន្តែវាក៏បានបើករន្ធញើសនៅលើមុខរបស់អ្នក ហើយបាក់តេរីនឹងមានឱកាសចូលទៅក្នុងស្បែក ។ លើសពីនេះទៅទៀត ការងូតទឹកក្តៅយូរពេកនឹងធ្វើឲ្យរបកស្រទាប់អេបីឌែមរបស់ស្បែក ដែលនឹងធ្វើឲ្យអ្នកឆាប់កើតមុន ៕
ចែករំលែកព័តមាននេះ