«Daily Star » កាលពីពេល ថ្មីៗកន្លងមកបានបង្ហាញរូបភាពគួរឱ្យចាប់អារម្មណ៍មួយថតដោយអ្នកដំណើរនៅលើយន្តហោះ គឺផ្ទៃមេឃពណ៌ក្រហមដូចជាសមុទ្រភ្លើង ។
លោកស្រីPenny Bowman អ្នកដំណើរដែលថតបាតុភូតស្រដៀងនឹងថ្ងៃបញ្ចប់ផែនដី នៅពីលើក្រុងម៉េលប៊ើន ប្រទេសអូស្ត្រាលីនោះឱ្យដឹងថា «រយៈពេលប្រហែល១០នាទីមុនពេលយន្តហោះចុះចតផ្ទៃមេឃស្រស់ស្អាតស្ថិតនៅពីក្រោយយើង ខ្ញុំក៏ថតវាទុក ប៉ុន្តែមើលទៅស្រដៀងនឹងសមុទ្រភ្លើងដោយសារពន្លឺព្រះអាទិត្យ ធ្វើឱ្យផ្ទៃមេឃប្រហាក់ប្រហែលនឹងកំអែភ្នំភ្លើងកំពុងរលាយ។ ខ្ញុំគិតថាវាអាចជារូបភាពគួរឱ្យភ្ញាក់ផ្អើល ដោយកាលណោះវេលាម៉ោង៥ និង៣០នាទីល្ងាច ហើយការរំលេចជាពណ៌ដូចភ្នំភ្លើងមានប្រហែលពី១ទៅ២នាទី បន្ទាប់មកពពកក៏រំសាយ ។
ស្របពេលជាមួយគ្នានោះ មនុស្សជាច្រើនថតរូបភាពព្រះអាទិត្យរៀបអស្តង្គត ប៉ុន្តែខ្ញុំស្ថិតនៅជ្រុងមួយដែលមើលទៅមានទម្រង់ដូចភ្នំភ្លើងកំពុងផ្ទុះហើយក៏ថតទុកមើល » ៕
ចែករំលែកព័តមាននេះ