ខេត្តកំពង់ចាម ៖ ក្រោមការយកចិត្តទុកដាក់របស់អាជ្ញាធរខេត្ត ពីមួយអាណត្តិទៅមួយអាណត្តិ បានធ្វើការកែលម្អតាមដងទន្លេក្រុងកំពង់ចាម ដោយបានធ្វើសួនច្បារក្រាលការ៉ូឡើងរលោងស្អាត មានទាំងបានធ្វើរូបត្រីដំរី ព្រមទាំងការរចនាម៉ូតផ្សេងៗទៀត មានបំពាក់អំពូលភ្លើង ឲ្យកាន់តែមានភាពស្រស់ស្អាតនៅពេលរាត្រី គឺមិនចាញ់បរទេសប៉ុន្មាននោះទេ ។
បុរសម្នាក់ឈ្មោះភិន ស្រ៊ាង អាយុ៣៣ឆ្នាំ រស់នៅភូមិបឹងបាសាក់ សង្កាត់សំបួរមាស ក្រុងកំពង់ចាមប្រាប់ឱ្យដឹងនៅយប់ថ្ងៃទី២៨ កញ្ញា ថា នៅពេលដែលរូបលោក បានធ្វើដំណើរដោយជិះម៉ូតូចេញពីផ្ទះរបស់ខ្លួនជាមួយប្រពន្ធនិងកូន ឃើញទេសភាពស្រស់ស្អាតតាមសួនច្បារមាត់ទន្លេត្រង់មុខខណ្ឌរដ្ឋបាលជលផលខេត្តកំពង់ចាម ដោយបានចាក់សោម៉ូតូទុកត្រឹមត្រូវអែបចញ្ចើមថ្នល់ រួចមកអង្គុយលេងស្រូបយកខ្យល់អាកាស ដើម្បីបំបាត់ទុកព្រួយកង្វល់ឃើញថា ស្អាតទាំងនេះដោយមានការយកចិត្តទុកដាក់ពីសំណាក់អាជ្ញាធរខេត្តផងដែរ ។
ចែករំលែកព័តមាននេះ