ប្រទះឃើញទារកម្នាក់ដ៏អភ័ព្វ ត្រូវឪពុកម្ដាយយកទៅប្លុងចោល
រាជធានីភ្នំពេញ ៖ ទារកម្នាក់ត្រូវបានប្រជាពលរដ្ឋ ប្រទះឃើញដោយនៅក្នុងដីឡូត៍រោងចក្រទំនេរមួយកន្លែងដែលសង្ស័យត្រូវបាន ឪពុកម្ដាយយកទៅប្លុងចោលនៅទីនោះ
រាជធានីភ្នំពេញ ៖ ទារកម្នាក់ត្រូវបានប្រជាពលរដ្ឋ ប្រទះឃើញដោយនៅក្នុងដីឡូត៍រោងចក្រទំនេរមួយកន្លែងដែលសង្ស័យត្រូវបាន ឪពុកម្ដាយយកទៅប្លុងចោលនៅទីនោះ
រាជធានីភ្នំពេញ ៖ ទារកម្នាក់ត្រូវបានប្រជាពលរដ្ឋ ប្រទះឃើញដោយនៅក្នុងដីឡូត៍រោងចក្រទំនេរមួយកន្លែងដែលសង្ស័យត្រូវបាន ឪពុកម្ដាយយកទៅប្លុងចោលនៅទីនោះ បន្ទាប់មកត្រូវបានរថយន្តពេទ្យដឹកយកទៅសង្គ្រោះបន្ទាន់នៅ ក្នុងមន្ទីរពេទ្យបង្អែកពោធិ៍ចិនតុង ហើយក៏ត្រូវបានស្ត្រីម្នាក់ សុំយកទៅចិញ្ចឹមធ្វើជាកូនបង្កើតរបស់ខ្លួនតែម្ដង។ ហេតុការណ៍នោះបានបង្កឲ្យមានការភ្ញាក់ផ្អើល កាលពីវេលាម៉ោង១២ និង៣០នាទីថ្ងៃត្រង់ ថ្ងៃទី២៨ ខែកញ្ញា ឆ្នាំ២០១៦ នៅក្នុងដីឡូត៍រោងចក្រទំនេរមួយកន្លែង ស្ថិតក្នុងភូមិត្រពាំងជ្រៃ សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋ បានឲ្យដឹងថា ទារកនោះ ទើបនឹងកើតចេញមកបានប៉ុន្មានថ្ងៃប៉ុណ្ណោះ ដែលមានអវៈយវៈគ្រប់គ្រាន់ ប៉ុន្តែមានសុខភាពមិនសូវល្អនោះទេ។ ប៉ុន្តែត្រូវបានគេយកទៅប្លុងចោល នៅក្នុងដីឡូត៍រោងចក្រទំនេរខាងលើ ដោយរុំកន្សែងដាក់នៅក្នុងកាបូបយួរមួយ ដែលសង្ស័យថា អ្នកយកទៅប្លុងចោលនោះគឺជា ឪពុកម្ដាយរបស់គេ។ ម្យ៉ាងទៀតប្រសិនបើមិនមានអ្នកប្រទះឃើញទាន់ពេលវេលាទេនោះ ទារកនោះអាចនឹងស្លាប់បាត់ទៅហើយ។
ប្រភពដដែលបានបន្តថា រោងចក្រនោះទំនេរគ្មានមនុស្សធ្វើការនោះទេ ហើយការយកទៅប្លុងចោលនៅទីនោះគឺជាចេតនាមួយ ធ្វើឲ្យទារកនោះស្លាប់តែម្ដង ប៉ុន្តែចាត់ទុកជាសំណាងដែរ ព្រោះនៅក្នុងខណៈនោះ ត្រូវបានអ្នកចូលទៅបត់ជើង ឮសំឡេងស្រែកយំបានចូលទៅមើលក៏ ប្រទះឃើញទាន់ ។ ក្រោយមកគេបានហៅរថយន្តពេទ្យដឹកទៅកាន់ មន្ទីរពេទ្យបង្អែកពោធិ៍ចិនតុង ដើម្បីសង្គ្រោះបន្ទាន់។ ខណៈនោះក៏មានស្ត្រីម្នាក់បានសុំយកទៅចិញ្ចឹម និងបានសុំឲ្យបញ្ជូនបន្តទៅសង្គ្រោះ នៅឯមន្ទីរពេទ្យ កុមារជាតិវិញ។
ប្រភពខាងលើបានបន្តថា ពុំមាននរណាម្នាក់បានដឹងថា ឪពុកម្ដាយទារកនោះ ជាអ្នកណានោះឡើយ ដែលគ្មានចិត្តគ្មានថ្លើមគ្មានបេះដូង ដាច់ចិត្តយកកូនគួរឲ្យស្រលាញ់ និងជាទីស្រលាញ់របស់ខ្លួនទៅបោះចោលបែបនេះ។ ពួកគាត់មានការសង្ស័យថា ឪពុកម្ដាយទារកនោះមិនមែនជាប្ដីប្រពន្ធនឹងគ្នា សង្ស័យថា ពួកគេស្រលាញ់គ្នាដោយលួចលាក់ ហើយនៅពេលដែល ខាងស្រីមានផ្ទៃពោះ ត្រូវខាងប្រុសបោះបង់ចោល ដោយខ្លាចខ្មាសគេ និងខ្លាចឪពុកម្ដាយដឹង ទើបនៅពេលកូនកើតមកក៏យកទៅបោះចោលបែបនេះតែម្ដង៕
ចែករំលែកព័តមាននេះ