កាលពីថ្ងៃទី១៩ ខែកញ្ញា ឆ្នាំ២០១៦ លោក ឡៅ ហ៊ីម អគ្គនាយកអប់រំបណ្តុះបណ្តាលបច្ចេកទេស និងវិជ្ជាជីវៈបានដឹកនាំបេក្ខជន និងបេក្ខនារីនៃព្រះរាណាចក្រកម្ពុជាចំនួន១៣រូប លើ៨មុខជំនាញ ចូលរួមកម្មវិធីប្រកួត
កាលពីថ្ងៃទី១៩ ខែកញ្ញា ឆ្នាំ២០១៦ លោក ឡៅ ហ៊ីម អគ្គនាយកអប់រំបណ្តុះបណ្តាលបច្ចេកទេស និងវិជ្ជាជីវៈបានដឹកនាំបេក្ខជន និងបេក្ខនារីនៃព្រះរាណាចក្រកម្ពុជាចំនួន១៣រូប លើ៨មុខជំនាញ ចូលរួមកម្មវិធីប្រកួតប្រជែងជំនាញអាស៊ានលើកទី១១ នៅប្រទេសម៉ាឡេស៊ី ដែលបានប្រព្រឹត្តទៅកាលពីថ្ងៃទី២០ ដល់ថ្ងៃទី២៨ ខែកញ្ញា ឆ្នាំ២០១៦ រួមមាន ៖
១. ជំនាញម៉ាស៊ីនឧស្សាហកម្មស្វ័យប្រវត្តិ បេក្ខជន០២នាក់ (១ក្រុម)
២. ជំនាញតបណ្តាញអគ្គិសនី បេក្ខជន០២នាក់
៣. ជំនាញរៀបឥដ្ឋ បេក្ខជន0២នាក់
៤. ជំនាញផ្សារ បេក្ខជន0១នាក់
៥. ជំនាញសរសេរកម្មវិធីកុព្យូទ័រធុរកិច្ច បេក្ខជន 0១នាក់
៦. ជំនាញរចនាគេហទំព័រ បេក្ខជន0១នាក់
៧. ជំនាញចុងភៅ បេក្ខជន0២នាក់
៨. ជំនាញសេវាកម្មភោជនីដ្ឋាន បេក្ខជន០២នាក់
ជាលទ្ធផលបេក្ខជន ធី សុភា និងបេក្ខជន យូ វង្សសុជាតិ ជាក្រុមបេក្ខជនក្នុងមុខជំនាញម៉ាស៊ីនឧស្សាហកម្មស្វ័យប្រវត្តិទទួលបានមេដាយសំរឹទ្ធ។ ជារួមនៅក្នុងកម្មវិធីប្រកួតប្រជែងជំនាញអាស៊ាននេះ បេក្ខជននៃព្រះរាជាណាចក្រកម្ពុជាទទួលបានជ័យលាភីមួយចំនួនរួមមាន មេដាយសំរឹទ្ធ (Bronze Medal) ចំនួន០១ វិញ្ញាបនបត្រល្អប្រសើរ (Medallion of Excellent) ចំនួន០៣ និងវិញ្ញាបនបត្រឆ្នើមប្រចាំប្រទេស (Best Of the Nation)ចំនួន០១ ដែលក្នុងនោះមាន៖
១-បេក្ខជន០២រូ ប(មួយក្រុម) ជំនាញដំឡើម៉ាស៊ីនឧស្សាហកម្មស្វ័យប្រវត្តិ ទទួលបានមេដាយសំរឹទ្ធ ក្នុងចំណោម០៨ក្រុម មកពីប្រទេសថៃ វៀតណាម ម៉ាឡេស៊ី សាំងហ្គាពួរ ហ្វីលីពីន ឥណ្ឌូណេស៊ី ឡាវ និងកម្ពុជា។
២-បេក្ខជន០១រូប ជំនាញតបណ្តាញអគ្គិសនី ទទួលបានវិញ្ញាបនបត្រល្អប្រសើរ (Medallion of Excellent) ក្នុងចំណោម១៧នាក់ មកពី៩ប្រទេស មានប្រទេស ថៃ វៀតណាម ម៉ាឡេស៊ី សាំងហ្គាពួរ ហ្វីលីពីន ឥណ្ឌូណេស៊ី ភូមា ឡាវ និងកម្ពុជា។
៣-បេក្ខជន០២រូប ជំនាញសេវាកម្មភោជនីយដ្ឋានទទួលបានវិញ្ញាបនបត្រល្អប្រសើរ (Medallion of Excellent) ក្នុងចំណោម១៤នាក់ មកពី៧ប្រទេស មានប្រទេសថៃ វៀតណាម ម៉ាឡេស៊ី សាំងហ្គាពួរ ឥណ្ឌូណេស៊ី ភូមា និងកម្ពុជា។
៤-បេក្ខជន០១រូប ទទួលបាននូវវិញ្ញាបនបត្រ Best of the Nation
សូមបញ្ជាក់ថា ការប្រកួតប្រជែងជំនាញអាស៊ាន ត្រូវបានបង្កើតឡើងក្រោមគំនិតផ្តួចផ្តើមក្នុងកិច្ចប្រជុំអង្គការពលកម្មពិភពលោក ILO/APSDEP នៅទីក្រុង Chiba ប្រទេសជប៉ុន ក្នុងឆ្នាំ១៩៩៣ ហើយបានចាប់ផ្តើមដំណើរការប្រកួតប្រជែងលើកដំបូងក្នុងឆ្នាំ១៩៩៥ នៅប្រទេសម៉ាឡេស៊ី ដែលមានសមាជិក៤ប្រទេសបានចូលរួមប្រកួតប្រជែងលើ០៦ជំនាញ។ ការប្រកួតប្រជែងនេះ ត្រូវបានពង្រីក និងផ្លាស់ប្តូរវេនគ្នាធ្វើជាម្ចាស់ផ្ទះជារៀងរាល់ពីរឆ្នាំម្តង រហូតមកដល់ពេលនេះមានប្រទេសសមាជិកអាស៊ានទាំង១០ប្រទេសចូលរួម និងមានមុខជំនាញសម្រាប់ប្រកួតប្រជែងរហូតដល់២៥មុខជំនាញ។
ចែករំលែកព័តមាននេះ