តម្លៃប្រេងកាតបានធ្លាក់ចុះកាលពីថ្ងៃទី២៧ កញ្ញា ខណៈដែលអុីរ៉ង់ប្រកាសថា ខ្លួនពុំបានត្រៀមផ្អាកផលិតកម្មប្រេងកាតក្នុងកម្រិតបច្ចុប្បន្នឡើយ ។ បែបនេះនាំឱ្យមានការខកចិត្តខណៈទីផ្សារប្រេងរង់ចាំកិច្ចព្រមព្រៀងជាយថា
តម្លៃប្រេងកាតបានធ្លាក់ចុះកាលពីថ្ងៃទី២៧ កញ្ញា ខណៈដែលអីុរ៉ង់ប្រកាសថា ខ្លួនពុំបានត្រៀមផ្អាកផលិតកម្មប្រេងកាតក្នុងកម្រិតបច្ចុប្បន្នឡើយ ។ បែបនេះនាំឱ្យមានការខកចិត្តខណៈទីផ្សារប្រេងរង់ចាំកិច្ចព្រមព្រៀងជាយថាហេតុមួយលើការផ្អាកផលិតកម្មប្រេងរវាងបណ្តាសមាជិកអង្គការបណ្តាប្រទេសនាំប្រេងចេញហៅកាត់ថា OPEC ។
រដ្ឋមន្ត្រីប្រេងកាតអីុរ៉ង់ លោក BIJAN NAMDAR ZANGANEH ថ្លែងនាថ្ងៃទី២៧ កញ្ញា ថា អីុរ៉ង់ចង់ ផ្ទុយទៅវិញ បង្កើនផលិតកម្មប្រេងឆៅពី៣,៦លានធុង ដល់៤លានធុងក្នុងមួយថ្ងៃ ។ លោកអះអាងថា ឈានដល់កិច្ចព្រមព្រៀងមួយក្នុងក្របខណ្ឌនៃការចរចារបស់ OPEC នៅទីក្រុងអាល់ហ្សេពុំមែនជាផ្នែកមួយនៃចេតនារបស់យើងឡើយ ។
បណ្តាសមាជិក OPEC និងរុស្ស៊ីបានជួបពិភាក្សាគ្នានៅខាងក្រៅ វេទិកាអន្តរជាតិនៃថាមពលដែលប្រព្រឹត្តទៅនៅទីក្រុងអាល់ហ្សេ ពីថ្ងៃទី២៦ ទៅ២៨ កញ្ញា ។
សមាជិក OPEC ភាគច្រើនចង់ឃើញប្រទេសផលិតប្រេងកាតសំខាន់ៗ លើពិភពលោកសម្រេចបានកិច្ចព្រមព្រៀងមួយស្តីពីការកាត់បន្ថយផលិតកម្មប្រេងរបស់ពួកគេក្នុងគោលបំណងធ្វើឱ្យទីផ្សារប្រេងមានស្ថេរភាពវិញ ។
ប្រេងឆៅ WTI នៅទីផ្សារប្រេងក្រុងញូវយ៉កធ្លាក់ថ្លៃ១,២៦ដុល្លារក្នុងមួយធុងមកនៅត្រឹម៤៤,៦៧ដុល្លារក្នុងមួយធុង ។ ចំណែកតម្លៃប្រេងឆៅ BREWT ធ្លាក់មកនៅត្រឹម៤៥,០៧ដុល្លារក្នុងមួយធុងនៅទីផ្សារប្រេងក្រុងឡុងដ៍ ៕
ចែករំលែកព័តមាននេះ