ទីភ្នាក់ងារព័ត៌មានចិនស៊ីនហួរាយការណ៍ថា មនុស្សយ៉ាងតិច១៨នាក់ស្លាប់ និង២នាក់ទៀតបាត់ខ្លួន ក្រោយការផ្ទុះឧស្ម័នកាលពីថ្ងៃទី២៧ កញ្ញា ក្នុងអណ្តូងរ៉ែធ្យូងថ្មចិនមួយ ។
តុល្យការមុននេះរៀបរាប់ពីមនុស្សស្លាប់១២នាក់ និងបាត់ខ្លួន៨នាក់ ។ អណ្តូងរ៉ែកើតមានគ្រោះថ្នាក់ផ្ទុះនេះ គ្រប់គ្រងដោយក្រុមហ៊ុន LINLI ស្ថិតនៅទីក្រុង SHIZUISHAN តំបន់ស្វយ័ត HUI ខេត្ត NINGXIA ។ តាមស៊ីនហួថា កម្មកររ៉ែម្នាក់បានស្លាប់ក្រោយត្រូវបានសង្គ្រោះ ហើយសាកសពមនុស្ស១៧នាក់ត្រូវបានទាញយកចេញពីអណ្តូងរ៉ែ ។ កម្មកររ៉ែ២០នាក់ស្ថិតក្នុងអណ្តូងរ៉ែ ពេលកើតមានការផ្ទុះ រួចមនុស្ស២នាក់នៅតែបាត់ខ្លួន ។ អ្នកជួយសង្គ្រោះជាង២០០នាក់ត្រូវបានបញ្ជូនមក ។
ប្រទេសចិនជាប្រទេសផលិត និងប្រើធ្យូងថ្មធំជាងគេលើពិភពលោក តែងជួបប្រទះគ្រោះមហន្តរាយឧស្សាហកម្មញឹកញាប់ មកពីវិធានការសន្តិសុខមិនត្រូវធានាក្នុងបណ្តាអណ្តូងរ៉ែរបស់ខ្លួន ។ កាលពីខែមីនា មនុស្ស១៩នាក់ស្លាប់ក្នុងគ្រោះថ្នាក់អណ្តូងរ៉ែនៅខេត្តសាន់ស៊ីភាគខាងជើងប្រទេស ៕
ចែករំលែកព័តមាននេះ