រាជធានីភ្នំពេញ ៖ អគ្គីភ័យបានបញ្ចេញ អំណាចខ្លាំងក្លាលេបត្របាក់លំនៅឋានប្រជាពលរដ្ឋជាច្រើនខ្នងនៅខាងលិចក្បែរផ្សារស្ទឹងមានជ័យ ស្ថិតក្នុងក្រុម១ ភូមិទ្រា២ សង្កាត់ស្ទឹងមានជ័យ ខណ្ឌមានជ័យ កាលពីវេលា ម៉ោង៩និង៣០នាទីព្រឹកថ្ងៃទី៣ ឧសភា ឆ្នាំ២០១០ បង្កឱ្យមានការភ្ញាក់ផ្អើលអ៊ូអរ និងខ្លះភ័យខ្លាចស្រែកដង្ហោយហៅសាច់ញាតិឱ្យជួយ ខណៈដែលឡានទឹកកំពុងត្រូវបានគេហៅឱ្យទៅជួយធ្វើអន្ដរាគមន៍ ។ នៅកន្លែងកើតហេតុសមត្ថកិច្ចមូលដ្ឋានបានឱ្យដឹងថា ភ្លើងចាប់ផ្ដើមឆាបឆេះចេញពីផ្ទះឈើមួយដែលម្ចាស់ចាក់សោទុកចោល ជាហេតុឱ្យគេសន្និដ្ឋានជំហានដំបូងថា បណ្ដាលមកពីទុស្សេខ្មែរភ្លើង ។
លំនៅឋានដែលអគ្គីភ័យលេបត្របាក់នេះ ភាគច្រើនជាសំណង់របស់អ្នកមានជីវភាពមធ្យម និងធូរធារធ្វើអំពីថ្មក្រោមឈើលើប្រក់ដំបូលស័ង្កសី និងផ្ទះខ្លះធ្វើអំពីឈើត្រូវបានអគ្គីភ័យលេបត្របាក់អស់៧ខ្នង ដែលខ្លះត្រូវឆេះគ្រឿង ក្នុង និងខ្លះឆេះទាំងស្រុងខណៈដែលឡានទឹករបស់សមត្ថកិច្ច១១គ្រឿងមកជួយធ្វើអន្ដរាគមន៍បាញ់ទឹកពន្លត់ឱ្យភ្លើងអស់អំណាចត្រឹមហ្នឹង គឺប្រើទឹកអស់២២ជើង (២២ឡាន) ។លំនៅឋានដែលទទួលរងគ្រោះទាំង៧ ខ្នងនេះ អីវ៉ាន់ប្រើប្រាស់ភាគច្រើនបានក្លាយជាចំណីភ្លើងអស់ ដែលវាបានទំពាលេបរយៈ ពេលកន្លះម៉ោងទើបឈប់ គឺរលត់នៅម៉ោង១០ ព្រឹកនោះឯង ។ ព័ត៌មានលំអិតនឹងផ្សាយជូននៅពេលក្រោយ និងនៅលើទំព័រកាសែតកោះសន្ដិភាព។
ចែករំលែកព័តមាននេះ