មហាកំផែងចិនជួសជុលដោយចាក់បេតុងរងការរិះគន់
សារព័ត៌មានបរទេសកាលពីពេល ថ្មីៗកន្លងមកផ្សាយថា មហាជនចិនបានរិះគន់ចំពោះការជួសជុលមហាកំផែងមានអាយុ៧០០ឆ្នាំ ដោយចាក់បេតុងបាត់លក្ខណៈបុរាណរបស់វា ។
សារព័ត៌មានបរទេសកាលពីពេល ថ្មីៗកន្លងមកផ្សាយថា មហាជនចិនបានរិះគន់ចំពោះការជួសជុលមហាកំផែងមានអាយុ៧០០ឆ្នាំ ដោយចាក់បេតុងបាត់លក្ខណៈបុរាណរបស់វា ។
មហាកំផែងដែលកើតមានបញ្ហា គឺនៅតំបន់សៀវហុឺខូវ បណ្តោយប្រវែង៨គីឡូម៉ែត្រ ស្ថិតនៅលើកំពូលភ្នំ«Yanshan» ភាគខាងកើតឆៀងខាងជើងខេត្តលៀវនីង ដែលសាងសង់នៅឆ្នាំ១៣៨១ ក្នុងរាជវង្សមីង និងជាផ្នែកមួយដែលមហាជនទូទៅស្គាល់ថាជាបរិវេណដ៏ស្អាតមួយរបស់មហាកំផែង ។
ក្រោយពីជួសជុលមហាកំផែងនោះរួចមហាជនបានរិះគន់ ព្រោះគេចាក់បេតុងពីលើផ្ទៃដែលធ្លាប់រដិបរដុបតាមសភាពដើមឱ្យក្លាយជាផ្លូវរាបស្មើយ៉ាងវែង ។ អ្នករិះគន់ចាត់ទុកថា ជាការបំផ្លាញសភាពដើមរបស់មហាកំផែង និងមើលទៅគ្មានសោភ័ណភាព ។
កាលពីឆ្នាំ២០១២ មានការពិភាក្សាបន្ទាន់មួយស្តីពីមហាកំផែងចិន «សៀវហ៊ឺខូវ» ដើម្បីរិះគន់វិធីសាស្ត្រកុំឱ្យវាខូចខាតខ្លាំងឡើង ។ ការពិភាក្សាសម្រេចជួសជុលមហាកំផែងជាសម្បត្តិដ៏អស្ចារ្យនេះ ។
អង្គការសិក្សាស្រាវជ្រាវផ្នែកបេតិកភណ្ឌពិភពលោក (UNESCO) ឱ្យដឹងកាលពីឆ្នាំ២០១៥ថាមហាកំផែងចិនបាត់ភាពបុរាណទៅតាមពេលវេលាប្រហែល៣០% ព្រោះតែស្ថានភាពភូមិសាស្ត្រ និងការកែច្នៃរបស់មនុស្ស។
សារព័ត៌មាន Global Times ផ្សាយថា តាមច្បាប់របស់ចិន អ្នកណាក៏ដោយដែលយកថ្មចេញពីមហាកំផែងនឹងត្រូវពិន័យជាប្រាក់ចំនួន៥.០០០យាន់ ប៉ុន្តែវត្ថុដ៏អស្ចារ្យនៅលើពិភពលោកនោះនៅតែរងការបំផ្លិចបំផ្លាញជាបន្តបន្ទាប់ ៕
ចែករំលែកព័តមាននេះ