AFP ផ្សាយថា សត្វប្រឡាំងកាសជាច្រើនក្បាលងាប់នៅលើតំបន់ឆ្នេរភាគខាងត្បូងប្រទេសជប៉ុន ធ្វើឱ្យមានការងឿងឆ្ងល់ពីអ្នកជំនាញដែលស្រាវជ្រាវពីសត្វប្រភេទនេះ ។
សត្វប្រឡាំងកាសតែងតែប្រមូលផ្តុំគ្នានៅភាគខាងត្បូង
AFP ផ្សាយថា សត្វប្រឡាំងកាសជាច្រើនក្បាលងាប់នៅលើតំបន់ឆ្នេរភាគខាងត្បូងប្រទេសជប៉ុន ធ្វើឱ្យមានការងឿងឆ្ងល់ពីអ្នកជំនាញដែលស្រាវជ្រាវពីសត្វប្រភេទនេះ ។
សត្វប្រឡាំងកាសតែងតែប្រមូលផ្តុំគ្នានៅភាគខាងត្បូង និងខាងលិចប្រទេសជប៉ុន នៅរដូវក្តៅ គឺនៅជិតក្រុងគីតាឃ្យូស៊ូ ជាចំណុចដែលពួកវាពង ។ ក្នុងអំឡុងពេលនោះគេតែងតែឃើញប្រឡាំងកាសមួយចំនួនងាប់ ប៉ុន្តែក្នុងឆ្នាំនេះក្រុមអភិរក្សឃើញពួកវាងាប់ច្រើនខុសប្រក្រតី។ នេះបើតាមការបញ្ជាក់ពីអាជ្ញាធរ កាលពីថ្ងៃទី១៥ កញ្ញា ២០១៦ ។
លោក Kenji Sato អាជ្ញាធរក្រុងគីតាឃ្យូស៊ូ ប្រាប់ AFP ថា «ក្រុមអភិរក្សប្រទះឃើញប្រឡាំងកាសងាប់ ប្រហែលពី៥ទៅ១០ក្បាល ក្នុងមួយថ្ងៃ ក្នុងអំឡុងពេលដែលពួកវាឡើងពង ហេតុដូច្នេះទើបពួកគេចាប់ផ្តើមរាប់ចំនួន ហើយបច្ចុប្បន្នមានប្រឡាំងកាសងាប់ឡើងដល់ជាង៥០០ក្បាល» ។
កាសែត «Asahi Shimbun» ផ្សាយថា ការងាប់របស់ប្រឡាំងកាសឡើងខ្ពស់ដល់ទៅ៨ដង។ ចំណែកលោក Sato បញ្ជាក់បន្ថែមថា អ្នកជំនាញនៅមិនទាន់បានទទួលរបាយការណ៍សរុបជាឯកច្ឆន្ទ ទាក់ទិននឹងមូលហេតុនៃការងាប់ខ្ពស់ខុសប្រក្រតីរបស់ប្រឡាំងកាសទេ ទោះបីជាមានផ្នែកខ្លះបញ្ជាក់ថា អាចបណ្តាលមកពីសីតុណ្ហភាពទឹកសមុទ្រឡើងខ្ពស់ ឬឆ្លងវីរុសក៏ដោយ ។
ជប៉ុនកំណត់សត្វប្រឡាំងកាសជាសត្វជិតផុតពូជ ព្រោះមានចំនួនធ្លាក់ចុះដោយសារទីជម្រករងការបំផ្លិចបំផ្លាញ ៕
ចែករំលែកព័តមាននេះ