សីតុណ្ហភាពក្រុងសែនមនោរម្យ ត្រឹម១៨អង្សាសេ ទៅ២៣អង្សាសេ
ខេត្តមណ្ឌលគិរី ៖ អស់រយៈពេលជិតមួយសប្តាហ៍ទៅហើយ សីតុណ្ហភាពនៅក្រុងសែនមនោរម្យ បានធ្លាក់ចុះចន្លោះត្រឹម១៨អង្សាសេ ទៅ២៣អង្សាសេ ដោយមានលាយឡំជាមួយទឹកភ្លៀង
ខេត្តមណ្ឌលគិរី ៖ អស់រយៈពេលជិតមួយសប្តាហ៍ទៅហើយ សីតុណ្ហភាពនៅក្រុងសែនមនោរម្យ បានធ្លាក់ចុះចន្លោះត្រឹម១៨អង្សាសេ ទៅ២៣អង្សាសេ ដោយមានលាយឡំជាមួយទឹកភ្លៀង
ខេត្តមណ្ឌលគិរី ៖ អស់រយៈពេលជិតមួយសប្តាហ៍ទៅហើយ សីតុណ្ហភាពនៅក្រុងសែនមនោរម្យ បានធ្លាក់ចុះចន្លោះត្រឹម១៨អង្សាសេ ទៅ២៣អង្សាសេ ដោយមានលាយឡំជាមួយទឹកភ្លៀង និងផ្សែងអ័ព្ទគួរជាទីមនោរម្យ។ ការធ្លាក់ចុះនៅសីតុណ្ហភាពដ៏ត្រជាក់នេះ ក៏បានផ្តល់ជាបទពិសោធន៍ដ៏អស្ចារ្យ សម្រាប់អ្នកទេសចរណ៍ក្នុងស្រុក ដែលចង់ភ្លក្សរសជាតិនៃអាកាសធាតុត្រជាក់ ដោយមិនចាំបាច់ធ្វើដំណើរទៅក្រៅប្រទេសនោះទេ។
អាកាសធាតុនៅទីរួមខេត្តមណ្ឌលគិរី ចាប់ផ្តើមផ្លាស់ប្តូរពីក្តៅទៅត្រជាក់ និងមានភ្លៀងធ្លាក់ តាំងពីចុងសប្តាហ៍ទី១នៃខែកញ្ញា និងអាចបន្តរហូតដល់ថ្ងៃទី១៨ កញ្ញា នេះបើតាមសេចក្តីជូនដំណឹងរបស់ក្រសួងធនធានទឹក និងឧតុនិយម បានចេញផ្សាយកាលពីថ្ងៃទី១២ កន្លងទៅនេះ។ ចំណែកនៅតាមបណ្តាស្រុកទាំង៤របស់ខេត្តមណ្ឌលគិរី ក៏ទទួលបានទឹកភ្លៀងជាច្រើនថ្ងៃ ធ្វើឲ្យប្រជាកសិករបានសប្បាយរីករាយជាខ្លាំងផងដែរ ព្រោះតែដំណាំរបស់ពួកគាត់កំពុងត្រូវការទឹកស្រោចស្រព ខណៈអាកាសធាតុរាំងស្ងួតក៏បានអូសបន្លាយពេលជាយូរមកហើយដែរ។
ទន្ទឹមនឹងភាពសប្បាយរីករាយរបស់ភ្ញៀវទេសចរណ៍ និងប្រជាកសិករបន្ទាប់ពីការផ្លាស់ប្តូរអាកាសធាតុ ក៏បានបង្កការលំបាកជាច្រើនចំពោះបងប្អូនប្រជាពលរដ្ឋមួយចំនួន ដែលរស់នៅតាមភូមិតំបន់ដាច់ស្រយាល ត្បិតប្រព័ន្ធផ្លូវធ្វើដំណើរខ្លះត្រូវបានកាត់ផ្តាច់ ផ្លូវខ្លះមានសភាពរអិលជាខ្លាំង។យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម បានឲ្យដឹងថា ឥទ្ធិពលរបស់ប្រព័ន្ធសម្ពាធទាប ដែលបានអូសកាត់ពីលើអាងទន្លេមេគង្គ និវិសម្ពាធដែលកំពុងស្ថិតនៅក្នុងសមុទ្រចិនខាងត្បូង បានធ្វើឲ្យមានភ្លៀងធ្លាក់ជាបន្តបន្ទាប់(តំបន់ខ្លះលើសពី១០០mm/២៤h)។
វិសម្ពាធនេះនឹងធ្វើដំណើរទៅដល់ឆ្នេរប្រទេសវៀតណាម នៅយប់ថ្ងៃទី១៣ កញ្ញា រួចបន្តដំណើរកាត់តំបន់ខ្ពង់រាប(ចន្លោះព្រំប្រទល់កម្ពុជាឡាវ)។ ស្ថានភាពអាកាសធាតុបែបនេះ និងបង្កឲ្យ ភ្លៀងធ្លាក់រាយប៉ាយពីមធ្យមទៅច្រើន ក្នុងក្របខណ្ឌទូទាំងប្រទេសរហូតដល់ថ្ងៃទី១៨ កញ្ញា ពិសេសតំបន់ខ្ពង់រាប និងមានភ្លៀងធ្លាក់ច្រើនជាប់ៗគ្នា។ លើផ្ទៃសមុទ្រ និងមានសភាពអាប់អួខ្លាំងជាមួយទឹករលកខ្ពស់ៗ ជាពិសេសចាប់ពីថ្ងៃទី១៤ ដល់ថ្ងៃទី១៦ កញ្ញា។
ទាក់ទិននឹងការផ្លាស់ប្តូរអាកាសធាតុនេះ លោក ស្វាយ សំអ៊ាង អភិបាលខេត្តមណ្ឌលគិរីបានក្រើនរំឮកដល់ប្រជាពលរដ្ឋក្នុងមូលដ្ឋាន ជាពិសេសភ្ញៀវទេសចរណ៍ដែលបានអញ្ជើញមកលេងកម្សាន្តនៅក្នុងខេត្តមណ្ឌលគិរី ត្រូវយកចិត្តទុកដាក់ខ្ពស់ថែរក្សាសុខភាព ពិសេសបំផុតម្តាយឪពុកដែលមានកូនតូចៗត្រូវពិនិត្យមើលថែកូនឲ្យបានដិតដល់បំផុត ដើម្បីកុំឲ្យប្រឈមនឹងជំងឺតម្កាត់នានា៕
ចែករំលែកព័តមាននេះ