«China Daily» របស់ចិនកាលពីពេលថ្មីៗកន្លងមកផ្សាយថា មូលនិធិសត្វព្រៃពិភពលោក (WWF) បញ្ជាក់ថា ខ្លាឃ្មុំផេនដា ជាសត្វប្រចាំត្រកូលរបស់ចិន ត្រូវដកចេញពីបញ្ជីសត្វប្រឈមមុខនឹងការជិតផុតពូជហើយ ។ តាមទិន្នន័យពីសហគមន៍អន្ដរជាតិ ដើម្បីអភិរក្សធម្មជាតិ និងធនធានធម្មជាតិ (IUCN) កាលពីពេល ថ្មីៗកន្លងមកបញ្ជាក់ថា ចំនួនខ្លាឃ្មុំផេនដា កើនឡើងប្រហែល១៧% ក្នុងរយៈពេល១០ឆ្នាំកន្លងមក និងតាមការការប៉ាន់ប្រមាណឃើញថា ផេនដា យក្សនៅក្នុងព្រៃរបស់ចិនកើនឡើងដល់១៨៦៤ក្បាលនៅក្នុងឆ្នាំ២០១៤ ។
លោក Marco Lambertini នាយកមូលនិធិ (WWF) បញ្ជាក់ថា «កំណើននៃចំនួនរបស់ខ្លាឃ្មុំផេនដា បង្ហាញថា លក្ខណៈវិទ្យាសាស្ដ្រ សន្ដិសុខផ្នែកនយោបាយ និងកិច្ចសហប្រតិបត្ដិការរបស់សង្គមស៊ីវិលបានអភិវឌ្ឍន៍រួមគ្នា យើងអាចជួយការពារសត្វព្រៃផ្នែកជីវសាស្ដ្រឱ្យកាន់តែប្រសើឡើងបាន» ។
ទោះបីជាស្ថានការណ៍មានសភាពធូរស្រាលក៏ដោយ ប៉ុន្ដែ ផេនដា រស់នៅតាមធម្មជាតិនៅតែប្រឈមមុខនឹងគ្រោះថ្នាក់ដ៏ធំ ដោយសារទីជម្រករបស់វារងការទន្ទ្រានយកដីធ្លីពីមនុស្សជាបន្ដបន្ទាប់ ៕
ចែករំលែកព័តមាននេះ