សារព័ត៌មាន «The Sun» របស់អង់គ្លេសផ្សាយថា អាចម៍ផ្កាយមួយបានហោះបញ្ឆិតផែនដី ក្នុងរយៈចម្ងាយត្រឹមតែប្រហែល៨០.០០០គីឡូម៉ែត្រប៉ុណ្ណោះ កាលពីពេល ថ្មីៗកន្លងមក ។ បណ្តាតារាសាស្ត្របានដឹងហេតុការណ៍នោះមុនតែមួយថ្ងៃ ហើយអះអាងថា វាអាចបង្កការភ័យខ្លាចនៅថ្ងៃណាមួយមិនខាន គឺវានឹងបុកផែនដី និងសម្លាប់មនុស្សជាច្រើន ។
កាលពីថ្ងៃទី២៨ សីហា ២០១៦ របាយការណ៍បញ្ជាក់ថា អាចម៍ផ្កាយដ៏ធំមួយឈ្មោះ «2016 QA2» បានហោះកាត់នៅក្បែរផែនដី ក្នុងរយៈចម្ងាយប្រហែល៨០.០០០គីឡូម៉ែត្រ ប៉ុន្តែអ្វីដែលគួរឱ្យបារម្ភ គឺទើបតែពិនិត្យឃើញ ដោយប៉មមីក្រូទស្សន៍មួយនៅប្រេស៊ីលរយៈពេលតែមួយថ្ងៃប៉ុណ្ណោះ ។
ទោះបីជាអាចម៍ផ្កាយនោះ ហាក់ដូចជាមានទំហំតូចប្រហែលពី២៥ទៅ៥៥ម៉ែត្រក៏ដោយ ប៉ុន្តែវាអាចគ្រប់គ្រាន់នឹងបង្កការខូចខាតដល់ផែនដី ប្រសិនបើវាបុកសំដៅស្រទាប់បរិយាកាស ។
នៅក្នុងសេចក្តីសន្និដ្ឋានមិនបានមើលឃើញផែនដីក្នុងទស្សនៈអាក្រក់ទេ ព្រោះធ្លាប់មានអាចម៍ផ្កាយទំហំតូចជាងនេះផ្ទុះនៅកណ្តាលវេហាស៍ លើក្រុងសេលយ៉ាប៊ីន របស់រុស្ស៊ី កាលពីខែកុម្ភៈ ២០១៣ រួចមកហើយ បង្កឱ្យមានអ្នករងរបួសជាង១.២០០០នាក់ ។ មានការប៉ាន់ប្រមាណថា អាចម៍ផ្កាយដែលអាចសម្លាប់មនុស្សបាន ត្រូវមានទំហំធំ និងអង្កត់ផ្ចិតប្រហែល១គីឡូម៉ែត្រ ៕
ចែករំលែកព័តមាននេះ