តាមការស្រាវជ្រាវថ្មីៗនេះបង្ហាញថា មានក្មេងចំនួន៩១ភាគរយមានទូរស័ព្ទទំនើបប្រើប្រាស់ និងប្រមាណ៦៣ភាគរយផ្សេងទៀតមានTablet ដែលឪពុកម្តាយទិញឱ្យប្រើនោះតែងសំដៅទៅលើហ្គេមឱ្យកូនៗ
តាមការស្រាវជ្រាវថ្មីៗនេះបង្ហាញថា មានក្មេងចំនួន៩១ភាគរយមានទូរស័ព្ទទំនើបប្រើប្រាស់ និងប្រមាណ៦៣ភាគរយផ្សេងទៀតមានTablet ដែលឪពុកម្តាយទិញឱ្យប្រើនោះតែងសំដៅទៅលើហ្គេមឱ្យកូនៗមានភាពវៃឆ្លាតតែនេះជាការគិតមួយជ្រុង ។
ការស្រាវជ្រាវរកឃើញទៀតថា ឪពុកម្តាយតែងតែកំណត់និងប្រាប់ពួកគេថា កុំឲ្យបញ្ចូលកម្មវិធីអ្វីផ្តេសផ្តាស តែអ្វីដែលឪពុកម្តាយបានប្រាប់នោះ វាមិនប្រាកដថាកូនៗរបស់ពួកគេធ្វើតាមមួយរយភាគរយនោះទេ ដោយសារឧបករណ៍ទាំងនោះស្ថិតក្នុងដៃកូនប្រើប្រាស់ ។ម្យ៉ាងទៀត ក្មេងទាំងនោះក៏អាចបញ្ចូលកម្មវិធីផ្សេងៗដូចជា game និង app ចម្រៀង ឬភាពយន្តផ្សេងៗតាមប្រព័ន្ធអីុនធើរណេតបាន។
តាមការស្រាវជ្រាវនោះរកឃើញថា ក្តីបារម្ភរបស់ឪពុកម្តាយដែលមានកូនប្រើប្រាស់ទូរស័ព្ទទំនើប ឬTablet គឺជាកម្មវិធី ឬជាអ្វីៗដែលមិនសមស្របនឹងឲ្យកូនរបស់ពួកគាត់ឃើញ អាចជាខ្សែភាពយន្តដែលប្រើអំពើហិង្សាខ្លាំងឬកាចសាហាវ ដែលជាប្រភេទខ្សែភាពយន្តសម្រាប់មនុស្សធំមើល ឬជារឿងអាសអាភាស ។
ក្នុងការស្ទង់មតិលើក្មេងចំនួន១.២០២នាក់ មានអាយុចន្លោះពី៨ឆ្នាំដល់១៥ឆ្នាំ បង្ហាញថា មានក្មេង៨នាក់ក្នុងចំណោម១០នាក់និយាយថា ឪពុកម្តាយរបស់ពួកគេជាអ្នកចេញលុយថ្លៃប្រើប្រាស់សេវាអុីនធើរណេត និងសេវាទូរស័ព្ទជាដើម ហើយមានក្មេងតែម្នាក់ក្នុងចំណោម១០នាក់ទេដែលនិយាយថា ពួកគេជាអ្នកចេញលុយខ្លួនឯង ។
មានឪពុកម្តាយមួយចំនួនយល់ឃើញថា ការប្រើប្រាស់ឧបករណ៍ទំនើបអាចជួយបង្រៀនកូនរបស់ខ្លួនបាន ដូចមានកម្មវិធីក្នុងអុីនធើរណេតខ្ល្ះទាមទារឲ្យយើងប្រើប្រាស់ ។ ពេលនោះក្មេងៗនឹងយល់ពីរបៀបប្រើប្រាស់ តែសម្រាប់អ្នកស្រាវជ្រាវយល់ឃើញថា ការចំណាយលុយក្នុងអុីនធើរណេតមិនមែនជាមធ្យោបាយល្អក្នុងការបង្រៀនក្មេងទេ ។ ការបង្រៀងក្មេងឲ្យចេះប្រើប្រាស់លុយពិតប្រាកដ អាចជួយឲ្យក្មេងថ្ងៃក្រោយចេះប្រើប្រាស់លុយ ចេះសន្សំលុយ និងចេះប្រើប្រាស់លុយបានត្រឹមត្រូវ មិនខ្ជះខ្ជាយនៅពេលអនាគត ៕
ចែករំលែកព័តមាននេះ