កំណើនការនាំចេញរបស់ថៃនឹងអាចសម្រេចតាមគោលដៅកំណត់
ប្រទេសថៃ ៖ ថ្វីបើការនាំចេញបានធ្លាក់ចុះក្នុងរយៈពេល៧ខែដំបូង ក្រសួងពាណិជ្ជកម្មថៃនៅតែមានសុទិដ្ឋិនិយមថា ការនាំចេញក្នុងអំឡុងពេលនៅសេសសល់ក្នុងឆ្នាំនេះ នឹងស្ទុះងើបឡើងវិញ
ប្រទេសថៃ ៖ ថ្វីបើការនាំចេញបានធ្លាក់ចុះក្នុងរយៈពេល៧ខែដំបូង ក្រសួងពាណិជ្ជកម្មថៃនៅតែមានសុទិដ្ឋិនិយមថា ការនាំចេញក្នុងអំឡុងពេលនៅសេសសល់ក្នុងឆ្នាំនេះ នឹងស្ទុះងើបឡើងវិញ
ប្រទេសថៃ ៖ ថ្វីបើការនាំចេញបានធ្លាក់ចុះក្នុងរយៈពេល៧ខែដំបូង ក្រសួងពាណិជ្ជកម្មថៃនៅតែមានសុទិដ្ឋិនិយមថា ការនាំចេញក្នុងអំឡុងពេលនៅសេសសល់ក្នុងឆ្នាំនេះ នឹងស្ទុះងើបឡើងវិញ ហើយនឹងមានកំណើនពេញមួយឆ្នាំ ចំនួន១,៣% ។
ក្រសួងនេះរាយការណ៍ថា ការនាំចេញក្នុងខែកក្កដា បានធ្លាក់ចុះបើធៀបនឹងឆ្នាំមុន សម្រាប់រយៈពេល៥ខែជាប់គ្នា ដោយធ្លាក់ចុះចំនួន៤,៣៥% ក្នុងតម្លៃ១៧,៤១ប៊ីលានដុល្លារអាមេរិក (៦០២ប៊ីលានបាត) ។ ជាលទ្ធផល វាធ្លាក់ចុះសរុបចំនួន២% សម្រាប់រយៈពេល៧ខែដំបូង ពោលគឺ១២២,៥៥ប៊ីលានដុល្លារ ។
លោកស្រី Malee Choklumlerd អគ្គនាយិកានៃនាយកដ្ឋានជំរុញពាណិជ្ជកម្មអន្តរជាតិ បានថ្លែងថា ៖ « យោងតាមស្ថិតិរយៈពេល៣ឆ្នាំកន្លងមក ការនាំចេញនឹងកើនឡើងនៅឆមាសទី២ឆ្នាំនេះ ជាពិសេស ក្នុងត្រីមាសចុងក្រោយ ហើយជាលទ្ធផលនឹងមានកំណើននាំចេញចំនួន១,៣% [សម្រាប់រយៈពេលពេញមួយឆ្នាំ] ពោលគឺមានចំនួន២២៣,៤៦ប៊ីលានដុល្លារ » ។
លោកស្រីបន្តថា ក្រសួងនឹងពិចារណាក្នុងការកែសម្រួលគោលដៅការងារបច្ចុប្បន្នសម្រាប់កំណើននៃការនាំចេញរបស់ខ្លួន ដែលនឹងត្រូវកំណត់ឲ្យនៅត្រឹម៥% ក្រោយពីការពិភាក្សាជាមួយតំណាងពាណិជ្ជកម្មរបស់ថៃនៅបរទេស នៅខែក្រោយនេះ ។
ការនាំចេញអាចនឹងស្ទុះងើបទៅរកភាពវិជ្ជមានឡើងវិញ ខណៈតម្លៃប្រេងមានភាពប្រសើរឡើង និងតម្រូវការរឹងមាំក្នុងទីផ្សារមួយចំនួន ។ លោកស្រីបន្ថែមថា ក្រសួងបានគណនាតម្លៃនៃការនាំចេញប្រចាំខែជាមធ្យមស្មើនឹង១៩ប៊ីលានដុល្លារសម្រាប់រយៈពេលនៅសេសសល់នៃឆ្នាំនេះ ។
លោក Somkiat Triratpan នាយកការិយាល័យគោលនយោបាយ និងយុទ្ធសាស្ត្រពាណិជ្ជកម្មរបស់ក្រសួងពាណិជ្ជកម្ម ថ្លែងថា តម្លៃប្រេងអត្រាប្តូរប្រាក់បាត/ដុល្លារអាមេរិក និងតម្រូវការជាសកល គឺជាកត្តាសំខាន់ដែលមានឥទ្ធិពលលើការនាំចេញក្នុងរយៈពេលប៉ុន្មានខែខាងមុខនេះ ។
ក្រសួងនេះបានព្យាករថា តម្លៃប្រេងនឹងបន្តកើនឡើងជាមធ្យមពី៤២,៥០ដុល្លារកាលពីខែមុន ប៉ុន្តែនឹងមិនលើសពី៦០ដុល្លារក្នុង១ធុងឡើយ ។ គួរបញ្ជាក់ផងដែរថា តម្លៃប្រាក់បាតជាមធ្យមក្នុងអំឡុងពេល៧ខែដំបូងនេះ ស្មើនឹង៣៤,៧៦បាតក្នុង១ដុល្លារអាមេរិក ។
យោងតាមរបាយការណ៍មូលនិធិរូបិយវត្ថុអន្តរជាតិប្រចាំខែកក្កដា បង្ហាញថា កំណើនសេដ្ឋកិច្ចពិភពលោកត្រូវបានគេរំពឹងថា មានការថយចុះបន្តិចបន្តួចនៅឆ្នាំនេះ គឺពី៣,២% ទៅ៣,១% ។
ក្រសួងពាណិជ្ជកម្មថៃរាយការណ៍ថា កាលពីខែមុន ការនាំចូលរបស់ប្រទេសនេះបានធ្លាក់ចុះ៧,១៦% បើធៀបនឹងរយៈពេលដូចគ្នាកាលពីឆ្នាំមុន ពោលចំនួន១៦,២ប៊ីលានដុល្លារ ខណៈដែលអតិរេកពាណិជ្ជកម្មសម្រាប់ខែនេះមានចំនួន១,២១ប៊ីលានដុល្លារ ។
ចំណែកការនាំចូលក្នុងរយៈពេល៧ខែដំបូងមានចំនួនសរុប១០៨,៩២ប៊ីលានដុល្លារ ធ្លាក់ចុះ៩,៧៨% បើធៀបនឹងរយៈពេលដូចគ្នាកាលពីឆ្នាំមុន ហើយលទ្ធផលសម្រាប់អតិរេកពាណិជ្ជកម្មមានចំនួន១៣,៦២ប៊ីលានដុល្លារ ។
ដោយឡែក ការនាំចេញទៅស្ទើរគ្រប់ទីផ្សារសំខាន់ៗបានធ្លាក់ចុះកាលពីខែមុន លើកលែងតែការនាំចេញទៅសហរដ្ឋអាមេរិកគ្មានការប្រែប្រួល ខណៈការនាំចេញទៅកាន់អូស្ត្រាលីកើនឡើងបន្តិចបន្តួច ៕
ចែករំលែកព័តមាននេះ