មនុស្ស៣នាក់រងរបួសដោយសារកាំបិតកាលពីថ្ងៃទី២២ សីហា វេលាម៉ោង១៦និង៣០នាទីម៉ោងក្នុងស្រុកនៅទីក្រុងព្រុចសែល ប្រទេសបែលហ្ស៊ិក ដោយសារការវាយប្រហាររបស់នារីម្នាក់នៅសង្កាត់ UCCLE ។ អ្នករបួសទាំង៣នាក់ ដែលមិនធ្ងន់ធ្ងរត្រូវបានបញ្ជូនទៅមន្ទីរពេទ្យ ។
ស្ត្រីជាអ្នកវាយប្រហារមានអាយុប្រមាណជា៥០ឆ្នាំ ត្រូវចាប់ខ្លួន ក្រោយរងរបួសដោយសារគ្រាប់កាំភ្លើងរបស់ប៉ូលិស ។ នារីរូបនេះអាចជាអ្នកមានជំងឺសរសៃប្រសាទ ។ អាជ្ញាធរបែលហ្ស៊ិកបដិសេធពីហេតុផលភេរវកម្ម ។
ក្រោយពីចាក់មនុស្សច្រើននាក់ឱ្យរងរបួសជាមួយកាំបិតមួយ នារីរូបនេះបដិសេធពុំព្រមបោះកាំបិតចោល ទើបប៉ូលិសបាញ់ប្រហារឱ្យរបួស រួចបញ្ជូនទៅមន្ទីរពេទ្យ ៕
ចែករំលែកព័តមាននេះ