«Daily Mail» របស់អង់គ្លេសកាលពីពេលថ្មីៗកន្លងមកផ្សាយថា ក្មេងប្រុសម្នាក់អាយុ១៣ឆ្នាំ ជនជាតិអង់គ្លេសបានឱ្យដឹងថា រូបគេញៀនថ្នាំបង្កើនសមត្ថភាពផ្លូវភេទ «វីយ៉ាក្រា» ។ គេចាប់ផ្តើមញៀនប្រើថ្នាំនេះតាំងពីការទស្សនាភាពយន្តអាសអាភាសនៅអាយុ១២ឆ្នាំមក ។ មិត្តភក្តិរបស់គេប្រាប់ថាការរួមរ័ករបស់គេនឹងខ្សោយថាមពលជាលំដាប់ ក្រោយពេលបាត់បង់ភាពបរិសុទ្ធ ។ ដូច្នេះហើយរូបគេចាប់ផ្តើមប្រើថ្នាំវីយ៉ាក្រា ។ មានពេលខ្លះគេលេបម្តងដល់ទៅ៦គ្រាប់ឯណោះមុនពេលរួមរ័ក នៅពេលណាគេមិនបានលេបអវយវៈភេទរបស់គេហាក់ដូចជាអសមត្ថភាព ។
ឪពុកម្តាយដែលរស់នៅខណ្ឌ «Lancaster» មិនបានដឹងកូនប្រុសរបស់ខ្លួនប្រើថ្នាំវីយ៉ាក្រាសោះ ដោយដឹងត្រឹមតែថាតែងតែគេចេញទៅប្រារព្ធពិធីជប់លៀងនៅផ្ទះមិត្តភក្តិ និងលេងហ្គេមកុំព្យូទ័រ។ នៅពេលមួយទើបដឹងថាកូនលួចប្រាក់ជាច្រើនផោនយកទៅទិញថ្នាំវីយ៉ាក្រាប្រើប្រាស់ ។
ក្មេងប្រុសរូបនោះនិយាយថា ជាទូទៅមនុស្សយល់ថា វីយ៉ាក្រា សក្តិសមសម្រាប់បុរសវ័យចំណាស់ ប៉ុន្តែបច្ចុប្បន្នក្មេងប្រុសដូចជារូបគេក៏អាចប្រើឱសថប្រភេទនេះដែរ ។ នៅពេលគេទៅពិគ្រោះត្រូវគ្រូពេទ្យវិនិច្ឆ័យថារូបគេមានអាការញៀនថ្នាំផ្លូវភេទ ដូច្នេះត្រូវព្យាបាលផ្លូវចិត្តចំនួន២លើកក្នុងមួយសប្តាហ៍នៅមន្ទីរពេទ្យ។ ប្រសិនបើអាចវិលត្រឡប់ទៅរកសភាពដើមវិញបាន ក្មេងប្រុសនោះថា រូបគេនឹងមិនប្រើថ្នាំវីយ៉ាក្រាទេ ព្រោះធ្វើឱ្យធ្វើរូបគេខូចសុខភាពតាំងពីនៅក្មេងវ័យ ៕
ចែករំលែកព័តមាននេះ