ប្រាសាទបន្ទាយសម្រែស្ថិតក្រោមការគាំពារពីអ្នកជំនាញ
ខេត្តសៀមរាប ៖ ប្រាសាទបន្ទាយសម្រែជាប្រាសាទមួយដែលមានរចនាបថដូចប្រាសាទអង្គរវត្តដែរ ធ្លាប់ជួសជុលដំបូងដោយអ្នកជំនាញជនជាតិបារាំងនាឆ្នាំ១៩៣០ ដល់ឆ្នាំ១៩៤៤ ដោយប្រើវិធីរើ
ខេត្តសៀមរាប ៖ ប្រាសាទបន្ទាយសម្រែជាប្រាសាទមួយដែលមានរចនាបថដូចប្រាសាទអង្គរវត្តដែរ ធ្លាប់ជួសជុលដំបូងដោយអ្នកជំនាញជនជាតិបារាំងនាឆ្នាំ១៩៣០ ដល់ឆ្នាំ១៩៤៤ ដោយប្រើវិធីរើ
ខេត្តសៀមរាប ៖ ប្រាសាទបន្ទាយសម្រែជាប្រាសាទមួយដែលមានរចនាបថដូចប្រាសាទអង្គរវត្តដែរ ធ្លាប់ជួសជុលដំបូងដោយអ្នកជំនាញជនជាតិបារាំងនាឆ្នាំ១៩៣០ ដល់ឆ្នាំ១៩៤៤ ដោយប្រើវិធីរើ ហើយរៀបទៅវិញ ដើម្បីរៀបចំទម្រង់ប្រាសាទឱ្យរឹងមាំដូចសព្វថ្ងៃនេះ ។ ប៉ុន្តែដោយខ្វះខាតការថែទាំជាង២០ឆ្នាំកន្លងមក ធ្វើឱ្យរចនាសម្ព័ន្ធប្រាសាទនេះមានការទ្រុឌទ្រោមដោយអន្លើ ។ ដូច្នេះហើយដើម្បីធានាសុវត្ថិភាពអ្នកទស្សនា និងប្រាសាទផងនោះ ក្រុមអ្នកជំនាញអភិរក្សថ្មនៃអាជ្ញាធរជាតិអប្សរាសហការជាមួយស្ថាប័ន GiZ បានជួសជុលអភិរក្សជាបន្ទាន់នូវបង្កាន់ដៃនាគជុំវិញដែលងាយរលំខូចខាត ដើម្បីបង្ការកុំឱ្យមានការខូចខាតកាន់តែធ្ងន់ ឬនាំឱ្យប៉ះពាល់ដល់ភ្ញៀវទេសចរដែលទៅទស្សនាមិនបានចាប់អារម្មណ៍ទៅផ្អែកលើ ឬសង្កត់លើនាំឱ្យមានគ្រោះថ្នាក់ ។
អ្នកជំនាញអភិរក្សថ្មនៃអាជ្ញាធរជាតិអប្សរា គឺលោកឡុង ណារី ប្រាប់ថា ការដ្ឋាន អភិរក្សថ្មនៅប្រាសាទបន្ទាយសម្រែនេះ បានចាប់ផ្តើមកាលពីឆ្នាំ២០១៤ មាន៤កន្លែង ដែលក្រុមការងារបានជួសជុលអភិរក្សឡើងវិញ ។
ទី១-បានបញ្ចប់រួចហើយនូវបង្កាន់ដៃនាគនៅផ្នែកខាងត្បូង ។
ទី២-គឺកំពុងជួសជុលអភិរក្សបង្កាន់ដៃនាគដែលមានប្រវែង៧ម៉ែត្រ ។
ទី៣-ជួសជុលផ្តែរនៅកំពូលកណ្តាល ដែលរងការពុកផុយ ប្រេះ មានភាពខូចខាតជាងផ្តែរដែលនៅខាងក្រៅ ។
ទី៤-គឺការជួសជុលអភិរក្សដោយឥតបានព្រៀងទុកដើម្បីសង្គ្រោះផ្តែរនៅជ្រុងខាងកើត ។
អ្នកជំនាញអភិរក្សថ្មឱ្យដឹងពីបច្ចេកទេសនៃការជួសជុលរបស់អ្នកជំនាញបារាំង (១៩៣៣-១៩៤៤)ថា កាលនោះប្រើគ្រឿងផ្សំសំខាន់ គឺស៊ីម៉ង់តិ៍ដើម្បីបូកបន្ថែម លើកន្លែងណាដែលគេគិតថាគ្មានលំនឹង ឬចាក់ស៊ីម៉ង់ត៍ទល់ទ្រដើម្បីសង្គ្រោះបន្ទាន់ និងប្រើដែកសរសៃដែលមានគុណភាពដើម្បីដាក់ក្នុង ឬចងភ្ជាប់ពីរចនាសម្ព័ន្ធសំណង់មួយទៅរចនាសម្ព័ន្ធសំណង់មួយទៀត ។ មកដល់បច្ចុប្បន្ន ស៊ីម៉ង់ត៍មួយចំនួនបានហើបដាច់ចេញពីថ្ម ធ្វើឱ្យថ្មរង្គើអាចធ្លាក់បាក់បែកនៅថ្ងៃណាមួយ ។
ដូច្នេះតាមបច្ចេកទេសរបស់ក្រុមការងារ គឺបានព្យាយាមយកស៊ីម៉ង់ត៍ចេញ ចំពោះកន្លែងចាំបាច់ គឺត្រូវដាក់ថ្មថ្មីជំនួស (ថ្មភក់) បើមិនជំនួសថ្មថ្មីទេ រចនាសម្ព័ន្ធរបស់នាគអត់លំនឹងឡើយ ជាមួយគ្នានេះនឹងប្រើដែកសរសៃកែវដែលស្រាល ស្វិត មកជំនួសដែកសរសៃដែលសម័យបារាំងបានប្រើ ។ ចំពោះការតភ្ជិត គឺតនៅខាងក្នុងដែលមើលសឹងតែមិនដឹងថា បានធ្វើអ្វីខ្លះ ពិសេសរក្សាបាននូវភាពស្រស់ស្អាតទៀត ។
ក្នុងការអភិរក្សាសំណង់នៅប្រាសាទបន្ទាយសម្រែ ក្រុមការងារព្យាយាមកាត់បន្ថយការប្រើសម្ភារថ្មី ថ្មថ្មីបើមិនចាំបាច់ ព្រោះនេះជាការអភិរក្ស ដូច្នេះត្រូវរក្សាភាពដើមរបស់ប្រាសាទឱ្យបានច្រើននិងរឹងមាំបំផុតឱ្យមានលក្ខណៈបុរាណតាមដែលអាចធ្វើបាន ៕
ចែករំលែកព័តមាននេះ