បំបាត់អង្គែលើស្បែកក្បាលធ្វើតាមលក្ខខណ្ឌចំនួន6ចំណុច
អង្គែលើស្បែកក្បាលគឺជាកត្តាដែលមិនជាទូទៅនៃបរិវេណស្បែកសម្បូរដោយក្រពេញប្រេង(មុខ ស្បែកក្បាល និងដងខ្លួនផ្នែកខាងលើ) ។ វាត្រូវបានសម្គាល់ដោយដុំកម្ទេចពណ៌សល្អិតៗ
អង្គែលើស្បែកក្បាលគឺជាកត្តាដែលមិនជាទូទៅនៃបរិវេណស្បែកសម្បូរដោយក្រពេញប្រេង(មុខ ស្បែកក្បាល និងដងខ្លួនផ្នែកខាងលើ) ។ វាត្រូវបានសម្គាល់ដោយដុំកម្ទេចពណ៌សល្អិតៗ ហើយជួនកាលមានពណ៌ក្រហម និងរមាស់លើស្បែកក្បាលផងដែរ ។ តាមលោកស្រីវេជ្ជបណ្ឌិត Manjiri Patankar Puranik មានវិធីសាស្ត្រធម្មជាតិមួយចំនួនដែលអាចកម្ចាត់អង្គែលើស្បែកក្បាលដោយប្រសិទ្ធភាព ។ វិធីសាស្ត្រទាំងនោះមាន ៖
១-ប្រើប្រេងអូលីវ ៖ ចូរយកប្រេងនេះក្នុងចំនួនតិចល្មមទៅកំដៅហើយម៉ាស្សាលើស្បែកក្បាល ។ លាងចេញដោយប្រើទឹកក្តៅឧណ្ហៗក្រោយពេលទុកចោល១ម៉ោង ។ បន្ទាប់មកកក់សក់របស់អ្នកនឹងសាប៊ូ ។ អំឡុងពេលនេះ អ្នកគួរបញ្ឈប់ការប្រើផលិតផលថែរក្សាសក់ផ្សេងៗ ។
២-ប្រើទឹកក្រូចឆ្មារស្រស់ ៖ ច្របាច់ទឹកក្រូចឆ្មារស្រោចក្បាលឱ្យជោករួចម៉ាស្សាឱ្យសព្វស្បែកក្បាល ។ ទុកចោលប្រហែលជា១៥នាទី បន្ទាប់មកលាងជម្រះដោយទឹកធម្មតា ។ តាមធម្មតា ការព្យាបាលបែបនេះត្រូវចំណាយពេលមិនលើសពី២ទៅ៣ដងនោះទេ ការរមាស់ស្បែកក្បាលដោយអង្គែនឹងបាត់ជាមិនខាន ។
៣-ប្រេងអាល់ម៉ុនលាយជាមួយប្រេងអូលីវ ៖ លាយប្រេងទាំងពីរបញ្ចូលគ្នា ហើយម៉ាស្សាឱ្យសព្វស្បែកក្បាលទុកចោលរយៈពេល៥នាទី។ នៅពេលដែលស្បែកក្បាលចាប់ផ្តើមស្កៀប ចូរលាងជម្រះចេញបន្ទាប់មកកក់សក់នឹងសាប៊ូឱ្យបានស្អាត ។
៤-បង្កើនការទទួលទានផ្លែឈើស្រស់ឱ្យបានច្រើនតាមដែលអាចធ្វើទៅបាន ៖ ចូរព្យាយាមដាក់បញ្ចូលសារធាតុស័ង្កសី អាស៊ីតខ្លាញ់អូមេហ្គា-៣ វីតាមីន B Complex ទៅក្នុងរបបអាហាររបស់អ្នក ។ កាត់បន្ថយការ ទទួលទានអាហារដែលមានស្ករច្រើន ។ កាត់បន្ថយជាអតិបរិមានូវភេសជ្ជៈនិងអាហារដែលមានជាតិកាហ្វេអុីន ។
៥-ការព្យាបាលដោយទឹកខ្មេះ ៖ រៀបចំល្បាយក្នុងបរិមាណស្មើគ្នារវាងទឹកខ្មេះនិងទឹកធម្មតា ។ យកល្បាយនេះទៅកក់សក់ ហើយ ទុកចោលមួយយប់ ។ លាងសម្អាតសក់របស់អ្នកនៅព្រឹកបន្ទាប់ជាមួយសាប៊ូកក់សក់ទារក ។
៦-ប្រើស៊ុត ៖ វាយបំបែកស៊ុត២គ្រាប់ហើយលាបលើស្បែកក្បាល ។ ទុកចោលប្រហែលជា១ម៉ោងមុនលាងជម្រះ ។ ការព្យាបាលបែបនេះ មិនត្រឹមតែអាចបំបាត់អង្គែប៉ុណ្ណោះទេ ប៉ុន្តែថែមទាំងជួយទប់ស្កាត់ការជ្រុះសក់ផងដែរ ៕
ចែករំលែកព័តមាននេះ