ស្ពានយោលកញ្ចក់របស់ចិនបើកឱ្យអ្នកទេសចរកម្សាន្ត
មន្ត្រីឧទ្យាន Zhangjiajie ខេត្តហ៊ូណាន ភាគកណ្តាលប្រទេសចិន ប្រាប់ទីភ្នាក់ងារសារព័ត៌មានស៊ីនហួថា ស្ពានយោលកញ្ចក់វែង និងខ្ពស់បំផុតនៅលើពិភពលោក បានបើកឱ្យអ្នកទេសចរចូលទស្សនា
មន្ត្រីឧទ្យាន Zhangjiajie ខេត្តហ៊ូណាន ភាគកណ្តាលប្រទេសចិន ប្រាប់ទីភ្នាក់ងារសារព័ត៌មានស៊ីនហួថា ស្ពានយោលកញ្ចក់វែង និងខ្ពស់បំផុតនៅលើពិភពលោក បានបើកឱ្យអ្នកទេសចរចូលទស្សនាហើយកាលពីថ្ងៃទី១៩ សីហា ២០១៦ ។ ឧទ្យាននោះគឺជាប្រភពទេចរណ៍ដ៏សំខាន់របស់ខេត្តហ៊ូណានប្រទេសចិន ។
ស្ពានយោលកញ្ចក់នោះប្រវែង៤៣០ម៉ែត្រ និងកម្ពស់៣០០ម៉ែត្រ សន្ធឹងខ្លួននៅចន្លោះជ្រលងភ្នំមានទទឹង៦ម៉ែត្រ និងផ្នែកផ្ទៃជាកញ្ចក់ចំនួន៩៩ផ្ទាំង អាចទ្រទម្ងន់មនុស្សបាន៨០០នាក់ ក្នុងពេលតែមួយ ។ អ្នកទេសចរអាចដើរឆ្លងស្ពានដែលរចនាម៉ូដដោយលោកស្ថាបនិក Haim Dotan នោះដោយសប្បាយរីករាយ ។
ស៊ីនហួរបស់ចិនបញ្ជាក់ថា ក្នុងមួយថ្ងៃអនុញ្ញាតឱ្យអ្នកទេសចរដើរឆ្លងកាត់ស្ពានយោលកញ្ចក់ចំនួន៨០.០០០នាក់ ប៉ុន្តែត្រូវមានសំបុត្រកក់ទុកជាមុនរយៈពេល១ថ្ងៃ ដោយមួយសន្លឹកថ្លៃ១៣៨យាន់ ឬ២០ដុល្លារ និងមិនអនុញ្ញាតឱ្យពាក់ស្បែកជើងកែងចោតដើរឆ្លងជាដាច់ខាត៕
ចែករំលែកព័តមាននេះ