កត្តាអ្វីខ្លះដែលអាចបណ្តាលឱ្យលោកអ្នកកើតមានជំងឺរាករូស?
បើនិយាយពីអនាម័យចំណីអាហារនៅមានកម្រិតនៅឡើយ ហើយជំងឺចម្បងដែលបណ្តាលមកពីការកង្វះអនាម័យនេះភាគច្រើនគឺជំងឺរាករូស ។ ការរាកនេះ បណ្តាលមកពីមេរោគនៅក្នុងលាមកឆ្លងចូល
បើនិយាយពីអនាម័យចំណីអាហារនៅមានកម្រិតនៅឡើយ ហើយជំងឺចម្បងដែលបណ្តាលមកពីការកង្វះអនាម័យនេះភាគច្រើនគឺជំងឺរាករូស ។ ការរាកនេះ បណ្តាលមកពីមេរោគនៅក្នុងលាមកឆ្លងចូល
បើនិយាយពីអនាម័យចំណីអាហារនៅមានកម្រិតនៅឡើយ ហើយជំងឺចម្បងដែលបណ្តាលមកពីការកង្វះអនាម័យនេះភាគច្រើនគឺជំងឺរាករូស ។ ការរាកនេះ បណ្តាលមកពីមេរោគនៅក្នុងលាមកឆ្លងចូលទៅក្នុងខ្លួនមនុស្ស ហើយការឆ្លងនេះមានតាមរយៈកត្តាមួយចំនួន ៖
-ការទទួលទានទឹកមិនស្អាតដូចជា ទឹកអណ្តូងគ្មានគម្របការពារកាកសំណល់ ឬធូលីធ្នាក់ចូល ប្រើប្រាស់សម្ភារមិនស្អាតយកទៅដួសទឹកផឹក ។ ក្រៅពីទឹកអណ្តូង នៅមានប្រជាពលរដ្ឋនៅតាមជនបទមួយចំនួនក៏បានទទួលទានទឹកនៅតាមត្រពាំង ថ្លុកក្របី ស្រះ ឬទឹកបឹងបួផងដែរ ដែលប្រភពទឹកទាំងនោះមិនមានអនាម័យទេ ។
-ជំងឺនេះក៏អាចឆ្លងចូលតាមរយៈដៃមិនស្អាត៖ ដៃដែលមានមេរោគ នៅពេលដែលមិនបានធ្វើការលាងសំអាតជាមួយសាប៊ូឲ្យបានស្អាត ហើយទៅចាប់កាន់ចំណីអាហារមកទទួលទានបណ្តាលទៅជារាករូស ។
-រុយរោមចំណីអាហារ ៖ រុយត្រូវបានគេចាត់ទុកថា ជាប្រភេទសត្វសម្បូរទៅដោយមេរោគបំផុត ហើយរុយបាននាំមេរោគទាំងនេះជាប់មកតាមខ្លួនវាដូចជានៅនឹងជើង ស្លាប កាលណាបើវាទុំលើចំណីអាហារ នៅពេលយើងបរិភោគអាចបណ្តាលឲ្យកើតមានជំងឺរាក ដូច្នេះត្រូវតែមានអនាម័យចំពោះចំណីអាហារឲ្យបានស្អាតជានិច្ចពោលគឺគ្របឱ្យបានត្រឹមត្រូវ ។
-ការបន្ទោបង់គ្មានសណ្តាប់ធ្នាប់៖ ប្រជាជននៅតាមតំបន់ដាច់ស្រយាលមួយចំនួននៅមិនទាន់មានបង្គន់ប្រើប្រាស់ឲ្យបានត្រឹមត្រូវនៅឡើយទេ ដូច្នេះការបន្ទោបង់គឺស្ថិតនៅពាសវាលពាសកាល កត្តាទាំងនេះហើយបណ្តាលឱ្យកើតមានជំងឺរាកជាញឹកញាប់ ព្រោះលាមកដែលបន្ទោបង់ចោលនោះ និងអាចហូរតាមទឹកនៅពេលដែលមានភ្លៀងធ្លាក់ ហើយអាចចូលទៅក្នុងប្រភពទឹកដែលលោកអ្នកកំពុងប្រើប្រាស់ ។
ដូច្នេះដើម្បីជៀសផុតពីការកើតមានបញ្ហារាក លោកអ្នកគួរតែអនុវត្តតាមវិធីខាងក្រោមដូចតទៅ ៖
-ទទួលទានទឹកស្អាត ជាពិសេសទឹកដែលបានមកពីអណ្តូងស្នប់ ឬទឹកដាំពុះប្រសើរបំផុត។
-ត្រូវលាងដៃជាមួយនឹងសាប៊ូឲ្យបានស្អាតមុននឹងចាប់កាន់ចំណីអាហារ ឬរៀបចំធ្វើម្ហូប ពិសេសគឺក្រោយពេលបន្ទោបង់រួច ។
-ការពារកុំឲ្យមានរុយទំអាហារ ដោយត្រូវគ្របចំណីអាហារ ឬដាក់ក្នុងទូដែលបិទជិត ។
-ត្រូវបន្ទោបង់នៅក្នុងបង្គន់និងត្រូវសំអាតបង្គន់ឲ្យបានស្អាតជានិច្ច ៕
ចែករំលែកព័តមាននេះ