រាជធានីភ្នំពេញ ៖ នៅថ្ងៃទី១៦ និងថ្ងៃទី២៣ កក្កដា ឆ្នាំ២០១៦ កន្លងទៅថ្មីៗនេះ មន្ទីរពេទ្យST.stamford ក្វាងចូវទំនើបផ្នែក មហារីក បានបើកសិក្ខាសាលារបស់ខ្លួនពីរលើកផ្សេងគ្នានៅសណ្ឋាគារសុខាក្រុងព្រះសីហនុនិងភ្នំពេញ ។ សិក្ខាសាលានេះ ស្ថិតក្រោមអធិបតីភាពដ៏ខ្ពង់ខ្ពស់របស់លោកវេជ្ចបណ្ឌិតដែលជាប្រធាននៃមន្ទីរពេទ្យពហុព្យាបាលCT ក្រុងព្រះសីហនុ និងមានការអញ្ជើញចូលរួមពីសំណាក់ក្រុមគ្រូពេទ្យជាច្រើនរូបទៀតនិងប្រជាជនដែលចង់យល់ដឹងអំពីបច្ចេកវិទ្យាព្យាបាលជំងឺមហារីកប្រមាណជាង១រយនាក់ ។ ម្យ៉ាងវិញទៀត ការបើកសិក្ខាសាលារបស់មន្ទីរពេទ្យst.stamford ក្វាងចូវទំនើបផ្នែកមហារីកនៅសណ្ឋាគារសុខាភ្នំពេញនិងក្រុងព្រះសីហនុ លើកនេះយើងមានការអញ្ជើញចូលរួមដោយវាគ្មិនដែលមានបទពិសោធន៍ជាច្រើនឆ្នាំក្នុងការព្យាបាលជំងឺមហារីកគឺលោកស្រីសាស្ត្រាចារ្យវេជ្ជបណ្ឌិត liu li guang ។
លោកស្រីសាស្ត្រាចារ្យវេជ្ជបណ្ឌិត liu li guang មានប្រសាសន៍ថា ការរៀបចំសិក្ខាសាលារបស់មន្ទីរពេទ្យst.stamford ក្វាងចូវទំនើបផ្នែកមហារីកពេលនេះ មិនត្រឹមតែផ្តល់នូវចំណេះដឹងនិងបច្ចេកវិទ្យាថ្មីប៉ុណ្ណោះទេ ថែមទាំងបានរៀបចំនូវការពិគ្រោះពិភាក្សាយោបល់ដល់អ្នកជំងឺមហារីកផ្ទាល់ភ្លាមៗផងដែរ ។ មន្ទីរពេទ្យ st.stamford ក្វាងចូវទំនើបផ្នែកមហារីក ជាមន្ទីពេទ្យមានឯកទេសមួយក្នុងការព្យាបាលជំងឺមហារីក ដែលបានបង្កើតឡើងជាង១១ឆ្នាំមកហើយ និងមានទីស្នាក់ការតំណាងរបស់ខ្លួនចំនួនប្រាំបីប្រទេសនៅតំបន់អាស៊ីអាគ្នេយ៍រួមទាំងអារ៉ាប់ផងដែរមានដូចជា ប្រទេសឥណ្ឌូណេសី ម៉ាឡេសីុ ហ្វ៊ីលីពីន វៀតណាម ថៃ កម្ពុជា បង់ក្លាដេស… ។
ក្នុងឆ្នាំ២០១៤ មន្ទីពេទ្យក្វាងចូវទំនើបផ្នែកមហារីក ត្រូវបានទទួលស្គាល់គុណភាពព្យាបាលដោយ JCI សហរដ្ឋអាមេរិក ដែលជាការទទួលស្គាល់លក្ខណអន្តជាតិ ទៅលើការគ្រប់គ្រង និងគុណភាពព្យាបាល ។ នៅក្នុងឆ្នាំ២០១៥ មន្ទីពេទ្យក្វាងចូវ ក៏បានសហការជាមួយសមព័ន្ធ perennial ប្រទេសសិង្ហបុរីផងដែរ ក្នុងគោលបំណងដើម្បីលើកកម្ពស់គុណភាពនៃការព្យាបាលឈានទៅដល់ស្ដងដារខ្ពស់បំផុត ។
លោកស្រីសាស្ត្រាចារ្យវេជ្ជបណ្ឌិត liu li guang បានបន្តថា នៅចុងឆ្នាំ២០១៥កន្លងទៅនេះ មន្ទីរពេទ្យក្វាងចូវ បានធ្វើកំណែទម្រង់ឱ្យប្រសើរឡើងលើគ្រប់វិស័យ បន្ទប់អ្នកជំងឺ និងបរិក្ខារពេទ្យភាគច្រើនត្រូវបានផ្លាស់ប្ដូរថ្មី ។ ម្យ៉ាងវិញទៀត មន្ទីពេទ្យក៏បានបង្កើតនូវប្រព័ន្ធពិភាក្សាជំងឺពីចម្ងាយដើម្យីផ្ដល់សេវាពិគ្រោះពិភាក្សាយោបល់ដែលមានលក្ខណៈងាយស្រួលមួយដល់អ្នកជំងឺ ។ ទន្ទឹមនឹងនោះ ក៏បានធ្វើការណែនាំអំពីបច្ចេកវិទ្យាព្យាបាលទាំង១៨ប្រភេទ ដែលបន្សល់នូវស្នាមរបួសតូចបំផុតដែលបច្ចេកវិទ្យាព្យាបាលទាំងនោះមានដូចជា ការព្យាបាលតាមរយៈការចាក់បញ្ចូលបិទសរសៃឈាម តាមវិធីបង្កក Ativation de radiothérapie Ativation de chimiothérapie Organization de radiothérapie និងការព្យាបាលតាមរយៈកាំបិតNano និងបច្ចេកវិទ្យាព្យាបាលផ្សេងៗជាច្រើនទៀត ដែលក្នុងនោះការព្យាបាលតាមរយៈកាំបិទNanoknife ជាបច្ចេកវិទ្យាព្យាបាលមួយដ៏ទំនើបនិងឈានមុខគេ ។
១-អ្វីជាកាំបិតណាណូ ?
កាំបិតណាណូ ដែលភាសាអង់គ្លេសហៅថាNano Knife គឺជាបច្ចេកវិទ្យារំលាយថ្មីមួយសម្រាប់ការព្យាបាលជំងឺមហារីក វាបានកើតចេញពីបច្ចេកវិទ្យានៃថាមពលអគ្គិសនីម្យ៉ាងដែលគេហៅថា Irreversible Electroporation ឬហៅកាត់ថា IRE ដោយប្រើម្ជុលស្ទង់បញ្ចេញនូវតង់ស្យុងអគ្គិសនី ដែលមានកម្លាំងវ៉ុលខ្លាំង ក៏បានបង្កើតជា Irreversible Electroporation តូចៗជាច្រើន ដើម្បីធ្វើការវាយប្រហារទៅលើភ្នាសកោសិកាមហារីក និងបំផ្លាញនូវតុល្យភាពទាំងក្នុងនិងក្រៅនៃកោសិការមហារីក ដែលញ៉ាំងឱ្យកោសិកាមហារីកងាប់បានយ៉ាងឆាប់រហ័ស ។
២-ការប្រើប្រាស់កាំបិតណាណូក្នុងវេជ្ជសាស្ត្រ
ក្នុងខែវិច្ឆិកា ឆ្នាំ២០១១ កាំបិតណាណូត្រូវបាននាយកដ្ឋាន FDA នៃក្រសួងសុខាភិបាល នៃសហរដ្ឋអាមេរិក បានអនុញ្ញាតឱ្យប្រើប្រាស់ក្នុងវិស័យវេជ្ជសាស្ត្រ ហើយក៏បានឆ្លងកាត់ការទទួលស្គាល់ពី CE នៃសហព័ន្ធអឺរ៉ុបផងដែរ ។ ថ្មីៗនេះ ក៏មានមន្ទីរពេទ្យព្យាបាលជំងឺមហារីកជាង១០០ មន្ទីរពេទ្យបាននិងកំពុងប្រើប្រាស់កាំបិតណាណូ ក្នុងវិស័យវិជ្ជសាស្ត្រផងដែរ។ នៅក្នុងខែមិថុនា ឆ្នាំ២០១៥ ក្រសួងសុខាភិបាលនៃប្រទេសចិនក៏បានអនុញ្ញាតឱ្យប្រើប្រាស់កាំបិតណាណូ ក្នុងការព្យាបាលជំងឺមហារីកផងដែរ។
៣-ឧត្តមភាពនៃបច្ចេកវិទ្យាកាំបិតណាណូ
១-ពេលវេលារំលាយលឿន ៖
នៅពេលព្យាបាលជំងឺមហារីកដែលមានលក្ខណៈរឹង និងមានអង្កត់ផ្ចិត៣សង់ទីម៉ែត្រ គឺពួកយើងប្រើប្រាស់ពេលវេលាមិនលើសពី៥នាទីនោះទេ។ រីឯការចាក់បញ្ចូលម្ជុលស្ទង់ប្រើប្រាស់ពេលវេលាតែ០,៩វិនាទីតែប៉ុណ្ណោះ ការព្យាបាលមួយក្រុមៗប្រើពេលមិនលើសពី១នាទីនោះទេ។ សូម្បីតែតំបន់រំលាយមានដុំត្រួតលើគ្នា៣-៤ក៏ដោយ បន្ទាប់ពីការព្យាបាលចប់សព្វគ្រប់ បូករួមនឹងសុខភាពល្អផងនោះ អ្នកជំងឺអាចវិលត្រលប់ទៅគេហដ្ឋានវិញនៅថ្ងៃដដែល ឬ២ថ្ងៃបន្ទាប់ ។
២-សរសៃឈាម សរសៃប្រសាទ និងជាលិកាដែលស្ថិតនៅក្នុងមជ្ឈដ្ឋានព្យាបាល មិនបានតម្រូវឲ្យកាត់ផ្តាច់ ៖
គុណសម្បត្តិនៃការព្យាបាលដោយការរំលាយរបស់កាំបិតណាណូ មួយទៀតនោះគឺវាអាចរក្សាបាននូវសរីរាង្គខាងក្នុងសំខាន់ៗដែលស្ថិតនៅមជ្ឈដ្ឋានការព្យាបាលដោយរំលាយ ។ សរសៃឈាម បំពង់ទឹកប្រមាត់ សរសៃប្រសាទ បំពង់បង្ហូរទឹកនោម ដែលស្ថិតនៅក្នុងមជ្ឈដ្ឋានរំលាយ ត្រូវបានរក្សាទុកដដែល ដោយមិនមានការប៉ះពាល់ ឬការរើឡើងណាមួយវិញឡើយ។ ប្រព័ន្ធសំខាន់ៗដូចជាសរសៃឈាមរបស់ថ្លើម សរសៃថ្លើម ដែលពួកវាស្ថិតនៅក្នុងការព្យាបាលដោយកាំបិតណាណូនៃជាលិការបស់ថ្លើម សុទ្ធតែទទួលបានការថែទាំយ៉ាងប្រសើរ ។
៣-ការរំលាយដោយមិនប្រើកម្តៅ ៖
ការរំលាយដោយកាំបិតណាណូ ផ្តោតសំខាន់ទៅលើការចាក់បញ្ចូលទៅកាន់ជាលិកាដែលខូច តាមប្រព័ន្ធអគ្គិសនី ។ រីឯវិធីសាស្ត្ររំលាយធម្មតាបានធ្វើឲ្យប្រូតេអុីនដែលនៅក្នុងខ្លួនមានការប្រែប្រួលដោយសារការបង្កើនកំដៅ ឬបន្ថយកំដៅ ដែលធ្វើឱ្យប្រូតេអុីន និង DNA ដែលនៅក្នុងខ្លួនត្រូវបានបំផ្លាញ ហើយប្រព័ន្ធដែលបានរៀបរាប់ខាងលើក៏ទទួលបានផលប៉ះពាល់ដែលមិនអាចជួសជុលវិញបាន ។ នៅពេលតំបន់ដែលធ្វើការរំលាយនោះក៏បានកាត់ផ្តាច់នូវសរសៃឈាមជាច្រើន ហើយកំដៅក៏បានហូរទៅជាមួយឈាមបណ្តាលឱ្យការរំលាយជុំវិញមិនបានពេញលេញ ងាយនឹងជំងឺរើឡើងវិញ។
៤-ការព្យាបាលយ៉ាងម៉ត់ចត់ និងការព្យាបាលកំណត់ព្រំដែនច្បាស់លាស់៖
គុណសម្បត្តិមួយទៀតរបស់កាំបិតណាណូគឺ វាមិនខ្វល់ថាដុំមហារីកកើតឡើងនៅទីណា ទំហំធំប៉ុណ្ណា ឬរូបរាងយ៉ាងណានោះទេ វាសុទ្ធតែអាចធ្វើការរំលាយដុំមហារីកទាំងនោះបានទាំងស្រុងផងដែរ ។ ព្រំដែនកំណត់យ៉ាងច្បាស់លាស់នៃតំបន់ដែលត្រូវព្យាបាល និងតំបន់ដែលមិនត្រូវព្យាបាល មិនមានបន្សល់ទុកនូវសាច់ពណ៌ប្រផះនោះទេ និងកាត់បន្ថយនូវអត្រារើឡើងវិញផងដែរ ៕
ចែករំលែកព័តមាននេះ