យន្តហោះប្រើថាមពលព្រះអាទិត្យ SOLAR IMPULSE 2 បានចុះចតកាលពីថ្ងៃទី២៦ កក្កដា នៅទីក្រុងអាប៊ូដាប៊ី ដែលបញ្ចប់ការហោះហើរជុំវិញពិភពលោករបស់យន្តហោះមួយដែលប្រើតែថាមពលព្រះអាទិត្យ
យន្តហោះប្រើថាមពលព្រះអាទិត្យ SOLAR IMPULSE 2 បានចុះចតកាលពីថ្ងៃទី២៦ កក្កដា នៅទីក្រុងអាប៊ូដាប៊ី ដែលបញ្ចប់ការហោះហើរជុំវិញពិភពលោករបស់យន្តហោះមួយដែលប្រើតែថាមពលព្រះអាទិត្យ រួចអាចហោះបានទាំងថ្ងៃទាំងយប់ ។
យន្តហោះនេះបានចុះចតដោយគ្មានបញ្ហានាវេលាម៉ោង៤និង៥នាទីទៀបភ្លឺ ម៉ោងក្នុងស្រុកនៅព្រលានយន្តហោះ AL BATTEN ជិតរដ្ឋធានីអេមីរ៉ាត់ អារ៉ាប់រួម ក្រោយពីវាហោះចាកចេញពីថ្ងៃទី៩ មីនា ឆ្នាំ២០១៥ មក ដើម្បីបំពេញការហោះហើរក្នុងចម្ងាយផ្លូវដល់ទៅ៤២.០០០គីឡូម៉ែត្រកាត់ទ្វីប៤ ដោយពុំមានប្រើប្រេងឥន្ធនៈមួយដំណក់ ។
បើកបរដោយជនជាតិស្វ៊ីស លោក BERTTRAND PICCARD យន្តហោះ SOLAR IMPULSE2 កាលពីថ្ងៃទី២៤ កក្កដា បានហោះចាកចេញពីទីក្រុងគែរ ប្រទេសអេហ្ស៊ីប ហើយហោះហើរក្នុងចម្ងាយផ្លូវ២.៧៦៣គីឡូម៉ែត្រ រយៈពេល៤៨ម៉ោង សម្រាប់ការហោះហើរលើក ទី១៧ និងជាដំណាក់កាលចុងក្រោយនៃការហោះហើរជុំវិញពិភពលោក សំដៅជំរុញថាម ពលកកើតឡើងវិញ ។ ពេលមកដល់ព្រលានយន្ត ហោះក្រុងអាប៊ូដាប៊ី យន្តហោះនេះទទួលការស្វាគមន៍របស់មនុស្សជាច្រើននាក់ដែលប្រមូលផ្តុំគ្នានៅព្រលានយន្តហោះ ៕
ចែករំលែកព័តមាននេះ