រាជធានីភ្នំពេញ ៖ បន្ទាប់ពីទទួលជោគជ័យជាបន្តបន្ទាប់ក្នុងការលក់ចេញនូវកំពូលស្មាតហ្វូនស៊េរីចុងក្រោយបំផុត គឺ Huawei P9 & P9 Plus លើទីផ្សារកម្ពុជា រួចមក ក្រុមហ៊ុន Huawei ពុំបង្អង់ដៃឲ្យគូប្រជែងរបស់ខ្លួនឡើយ
រាជធានីភ្នំពេញ ៖ បន្ទាប់ពីទទួលជោគជ័យជាបន្តបន្ទាប់ក្នុងការលក់ចេញនូវកំពូលស្មាតហ្វូនស៊េរីចុងក្រោយបំផុត គឺ Huawei P9 & P9 Plus លើទីផ្សារកម្ពុជា រួចមក ក្រុមហ៊ុន Huawei ពុំបង្អង់ដៃឲ្យគូប្រជែងរបស់ខ្លួនឡើយ ដោយថ្មីៗនេះ ក្រុមហ៊ុន Huawei បានធ្វើការប្រកាសជាសាធារណៈនៅលើគេហទំព័រហ្វេសប៊ុករបស់ខ្លួន គឺ Huawei Mobile Cambodia ថា ទិញថ្មីថែមកាដូ ទិញហើយអាចចូលរួម ប្រកួតថតរូបឈ្នះរង្វាន់កំពូលស្មាតហ្វូន Huawei P9 & P9 Plus ហើយឥឡូវមានការចាប់ឆ្នោតសម្រាប់អតិថិជនដែលប្រើប្រាស់ HuaweiP9 និង HuaweiP9Plus ថែមទៀត ។
គេហទំព័រដដែលនេះបានបន្តថា អតិថិជនដែលប្រើប្រាស់ Huawei P9 និង Huawei P9 Plus ទាំងអស់ នឹងមានឱកាសឈ្នះរង្វាន់ ដោយគ្រាន់តែផ្ញើលេខកូដម៉ាស៊ីន (Imei) ភ្ជាប់ជាមួយលេខទូរស័ព្ទមកកាន់ប្រអប់សាររបស់ Huawei Mobile Cambodia ហ្វេសប៊ុក ។ រង្វាន់ធំៗដែលក្រុមហ៊ុនផ្តល់ជូនសម្រាប់ឆ្នោតផ្សងសំណាង រួមមាន 1-ថេបប្លែត T2 7.0″ Pro មួយគ្រឿង 2-PowerBank 13000mAh បីគ្រឿង 3-ជើងទ្រថតរូបភ្ជាប់ជាមួយដងស៊ែហ្វ៊ី ប្រាំគ្រឿង រៀងរាល់១០ថ្ងៃម្តង។
លោក Jason នាយកគ្រប់គ្រង Huawei Mobile Device ប្រចាំប្រទេសកម្ពុជា បានឲ្យដឹងថា កម្មវិធីចាប់ឆ្នោត រៀងរាល់១០ថ្ងៃម្តង សម្រាប់អតិថិជន Huawei P9 & P9 Plus នេះ ធ្វើឡើងដើម្បីផ្តល់សំណាងបន្ថែមពីលើ កម្មវិធីប្រកួតស្នាដៃថតរូប ដោយប្រើ Huawei P9 &P9 Plus ។
លោកបន្តថា យើងមានបំណងផ្តល់ឲ្យអតិជិន Huawei P9 & P9 plus លើសពីការរំពឹងទុក ! ក្រៅពីទទួលបានកំពូលស្មាតហ្វូនដែលបំពាក់ដោយកាមេរ៉ាអាជីព Leica អតិជិនរបស់យើងនឹងទទួលបានរង្វាន់លើកទឹកចិត្តជាបន្តបន្ទាប់ៗ។ លោក Jason និយាយបន្តថា «បន្តិចទៀត អតិថិជន Huawei P9 និង P9 Plus នឹងទទួលបាននូវការផ្តល់ជូនដ៏អស្ចារ្យមួយទៀត គឺកម្មវិធីដំណើរកម្សាន្ត និងវគ្គបណ្តុះបណ្តាលពីរបៀបប្រើប្រាស់កាមេរ៉ាអាជីពរបស់ Huawei P9 និង P9 Plus ។
គួររំលឹកថា កាលពីដើមខែកក្កដា ឆ្នាំ២០១៦ ពេលកន្លងទៅ ក្រុមហ៊ុន Huawei បានលក់ដាច់នូវកំពូលស្មាត Huawei P9 និង P9 Plus រហូតដាច់ស្តុក ហើយឥឡូវនេះបានប្រកាសកម្មវិធីថែមអស់ស្ទះដល់អតិថិជន ពោលគឺអតិថិជនដែល ជាវ Huawei P9 ក្នុងតម្លៃ៤៦៩ដុល្លារ នឹងទទួលបានជើងទ្រថតរូបភ្ជាប់ជាមួយដងស៊ែហ្វ៊ី និងតេឡេបញ្ជា ព្រមទាំងស្រោមទូរស័ព្ទចំនួន២ ចំណែកឯ អតិថិជនដែលជាវ Huawei P9 Plus ក្នុងតម្លៃ នឹងទទួលបាននាឡិកា Huawei Band និងស្រោមទូរស័ព្ទចំនួន២ ៕
ចែករំលែកព័តមាននេះ