អាជីវកម្មរថយន្តអគ្គិសនីរបស់ក្រុមហ៊ុនបច្ចេកវិទ្យាយក្សអាមេរិក Apple នឹងកំណត់នៅឆ្នាំ២០២១ វិញ ពោលគឺជាឆ្នាំដែលក្រុមហ៊ុនត្រៀមនាំចេញទៅកាន់ពិភពលោកតែម្តង។ យោងតាមសេចក្តីរាយការណ៍ពីគេហទំព័រ The Information ឱ្យដឹងថា ២០២០ គឺជាឆ្នាំកំណត់ពេលវាលាសម្រាប់ការផលិតដំបូងប៉ុណ្ណោះ ។
រហូតមកទល់នឹងពេលនេះព័ត៌មានចចាមអារ៉ាមពាក់ព័ន្ធនឹងរថយន្តអគ្គិសនីរបស់ក្រុមហ៊ុន Apple កំពុងអង្រួនទីផ្សាររថយន្ត ធំៗក្នុងលោកពីការបោះជំហានរបស់ក្រុមហ៊ុនចូលក្នុងវិស័យរថយន្ត ។ ទោះជាយ៉ាងណាក៏ដោយមានព័ត៌មានផ្លូវការតិចតួចបំផុតពីអ្វីដែលក្រុមហ៊ុន Apple កំពុងធ្វើការ ពោលគឺជាគម្រោងឈ្មោះថា «Project Titan» ដែលផ្តោតសំខាន់លើការផលិតរថយន្តអគ្គិសនីបើកបរដោយស្វ័យប្រវត្តិនាពេលអនាគត ។
នាយកប្រតិបត្តិប្រចាំក្រុមហ៊ុន Apple លោក Tim Cook បានពិភាក្សាជាមួយក្រុមហ៊ុន BMW និងក្រុមហ៊ុនផលិតរថយន្ត ល្បីៗផ្សេងទៀតចំពោះការសហការជាដៃគូផលិតរថយន្តអគ្គិសនី ៕
ចែករំលែកព័តមាននេះ