សិចគឺជាផ្នែកមួយក្នុងជីវិតនៃក្តីស្រឡាញ់របស់មនុស្សនិងសត្វ ។ បច្ចុប្បន្ន ការស្រាវជ្រាវបែបវិទ្យាសាស្ត្រមួយចំនួនបង្ហាញថា វាផ្តល់អត្ថប្រយោជន៍ខ្លះៗដែរចំពោះសុខភាពក្នុងនោះមានដូចជា ជួយឱ្យសរសៃប្រសាទចុះស្ងប់ បញ្ចុះសម្ពាធឈាមនិងកាត់បន្ថយកម្រិត Stress ជាដើម ។ តើវេលាណាខ្លះដែលគួរជ្រើសរើសដើម្បីរួមភេទដោយទទួលបាននូវភាពសុខុដុម ?
១-នៅពេលព្រឹក ៖ អ្នកជំនាញផ្នែកសិច Jessica O’Reillyបាននិយាយថា ជាការពិតណាស់ រាងកាយរបស់មនុស្សត្រូវបានធ្វើឡើងសម្រាប់ការរួមភេទពេលព្រឹក។ ពិតមែនហើយ នៅពេលព្រឹក មិនត្រឹមតែកម្រិតអ័រម៉ូន testosterone និងកម្រិតថាមពលនោះទេដែលកើនឡើងខ្ពស់ ប៉ុន្តែកម្រិតអ័រម៉ូន oxytocin ក៏ដូចគ្នាដែរ ហើយដែលបញ្ហានេះវាជួយឱ្យអ្នកក៏ដូចជាដៃគូរួមភេទទទួលបានភាពរីករាយពេញមួយថ្ងៃ ដ្បិតអង់ដូហ្វ៊ីនបានជួយជំរុញនិងលើកអារម្មណ៍របស់អ្នក ។
២-ថ្ងៃទី១៤នៃវដ្តរដូវ ៖ ការសិក្សាថ្មីមួយបានរកឃើញថា អំឡុងពីរសប្តាហ៍ដែលឈានចូលវដ្តរដូវ គ្លីតូរីសឬវត្ថុសម្រើបរបស់ស្ត្រីបានរីកធំជាងពេលធម្មតាដល់ទៅ២០ភាគរយ ហើយពោរពេញទៅដោយសំណើម ។ ដូច្នេះការរួមភេទនៅថ្ងៃនេះ ស្ត្រីងាយនឹងឆាប់ឈានដល់ចំណុចកំពូល ។ មួយវិញទៀត វាក៏ជាពេលវេលាផលិតពងអូវុល ដូចនេះ វាធ្វើឱ្យយល់បានថា រាងកាយរបស់ស្ត្រីគឺកាន់តែមានចំណង់ផ្លូវភេទខ្លាំងក្នុងថ្ងៃពិសេសនេះ ។
៣-បន្ទាប់ពីការហាត់ប្រាណ ៖ ក្រោយការហាត់ប្រាណគឺជាពេលវេលាមួយដ៏សមគួរទាញយកអត្ថប្រយោជន៍បន្ថែមពីការរួមភេទ ។
ការសិក្សាមួយធ្វើឡើងដោយក្រុមអ្នកស្រាវជ្រាវមកពីសាកលវិទ្យាល័យតិចសាស់និងអូស្ទីន សហរដ្ឋអាមេរិកបានបង្ហាញថា ប្រតិកម្មចំពោះផ្លូវភេទរបស់ស្ត្រីកើនខ្ពស់បន្ទាប់ពីការហាត់ប្រាណបែកញើសអស់រយៈពេល២០នាទី។ នេះពីព្រោះ ក្រោយការហាត់ប្រាណ លំហូរឈាមទៅកាន់តំបន់ប្រដាប់ភេទរបស់ពួកគេគឺខ្ពស់ជាង១៦៩ភាគរយ ។
ជាងនេះទៅទៀត នៅពេលហាត់ប្រាណរាងកាយបានច្របាច់ចេញនូវ testosterone ដែលជាអ័រម៉ូនភេទដ៏សំខាន់។ ដូច្នេះហើយ ចំណង់ពីធម្មជាតិនឹងកើនឡើងយ៉ាងខ្ពស់ពោលគឺបន្ទាប់ពីការធ្វើសកម្មភាពចេញញើសជោកខ្លួន ។
៤-ក្រោយពីជួបថ្ងៃស៊យ ៖ ជាធម្មតា ការមិនអាចសម្រេចដូចបំណងឬបរាជ័យក្នុងកិច្ចការណាមួយគឺតែងនាំឱ្យកើតមានបញ្ហាមួម៉ៅនិងអារម្មណ៍តានតឹង (Stress)។ ដូច្នេះ ដើម្បីរលាស់ចោលនូវភាពសៅហ្មងទាំងនេះ គេគួរជ្រើសយកការរួមភេទជាជាងការទទួលទានគ្រឿងស្រវឹង ។
ការសិក្សាបានបង្ហាញថា ការរួមភេទក៏ដូចជាទម្រង់ដទៃទៀតដែលប៉ះពាល់ដល់រាងកាយ សូម្បីត្រឹមតែកាន់ដៃគ្នាក៏អាចធ្វើឱ្យល្អប្រសើរនូវអារម្មណ៍ និងបញ្ចុះកម្រិត (Stress) បានផងដែរ ៕
ចែករំលែកព័តមាននេះ