Bayern Munich ជាកំពូលក្លិបក្នុងក្របខ័ណ្ឌ Bundesliga អាល្លឺម៉ង់បង្ហើបឱ្យដឹងកាលពីពេលថ្មីៗកន្លងមកថា កីឡាករDouglas Costaខ្សែបម្រើឆ្នើមរបស់ក្លិបត្រូវសម្រាករយៈពេល៣សប្ដាហ៍ ក្រោយពីរងរបួសបរិវេណសាច់ដុំមិនទាន់ជាសះស្បើយ ។
កាលពីមុននេះ Costa បានរងរបួសសាច់ដុំរហូតដកខ្លួនចេញពីក្រុមជម្រើសជាតិប្រេស៊ីលក្នុងការប្រកួតអូឡាំពិកហ្គេម២០១៦ ដោយលើកដំបូងមានមនុស្សជាច្រើនសង្ឃឹមថា គេនឹងឆាប់ជាសះស្បើយ ប៉ុន្តែមិនដូចការរំពឹងទុក ។ ចាត់ទុកថា ជាដំណឹងអាក្រក់មួយរបស់Bayern Munich ខណៈពេលមុននេះ កីឡាករArjen Robben ខ្សែបម្រើជនជាតិហូឡង់ត្រូវសម្រាករយៈពេល៦សប្ដាហ៍ ព្រោះរបួសសាច់ដុំដូចគ្នា ៕
ចែករំលែកព័តមាននេះ