ក្រុមហ៊ុនឯកជនគ្រប់គ្រងភ្លើងបំភ្លឺសាធារណៈ មានរយៈពេល២០ឆ្នាំ
រាជធានីភ្នំពេញ ៖ រដ្ឋបាលរាជធានីភ្នំពេញ បានសម្រេចចុះហត្ថលេខា លើកិច្ចសន្យាការងារវិនិយោគថែទាំស្តារ និងអភិវឌ្ឍន៍ប្រពន្ធ័បំភ្លឺសាធារណៈក្នុងរាជធានីភ្នំពេញ
រាជធានីភ្នំពេញ ៖ រដ្ឋបាលរាជធានីភ្នំពេញ បានសម្រេចចុះហត្ថលេខា លើកិច្ចសន្យាការងារវិនិយោគថែទាំស្តារ និងអភិវឌ្ឍន៍ប្រពន្ធ័បំភ្លឺសាធារណៈក្នុងរាជធានីភ្នំពេញ
រាជធានីភ្នំពេញ ៖ រដ្ឋបាលរាជធានីភ្នំពេញ បានសម្រេចចុះហត្ថលេខា លើកិច្ចសន្យាការងារវិនិយោគថែទាំស្តារ និងអភិវឌ្ឍន៍ប្រពន្ធ័បំភ្លឺសាធារណៈក្នុងរាជធានីភ្នំពេញ ឲ្យទៅវិស័យឯកជនជាអ្នកគ្រប់គ្រង មានរយៈពេល២០ឆ្នាំ គឺគិតចាប់ពីថ្ងៃទី២៧ ឧសភា ២០១៦ ដល់ថ្ងៃទី២៦ ឧសភា ២០៣៦។ ពិធីចុះហត្ថលេខាប្រគល់ និងទទួល បានធ្វើឡើងនៅសាលារាជធានីភ្នំពេញ កាលពីរសៀលថ្ងៃទី១៨ កក្កដា ២០១៦ ដែលចុះហត្ថលេខាដោយលោក មាន ចាន់យ៉ាដា នាយករដ្ឋបាលរាជធានីភ្នំពេញ និងលោក សុខ ឆេង អគ្គនាយកក្រុមហ៊ុនភ្នំពេញអភិវឌ្ឍន៍វិស្វកម្ម និងសំណង់(PPDE&C) ស្ថិតក្នុងអធិបតីភាពលោក ប៉ា សុជាតិវង្ស អភិបាលរាជធានីភ្នំពេញ។
នៅក្នុងកិច្ចសន្យានោះបានសសេរថា រដ្ឋបាលរាជធានីភ្នំពេញ បានសម្រេចប្រគល់ការគ្រប់គ្រងប្រពន្ធ័ភ្លើងបំភ្លឺសាធារណៈនៅក្នុងដែនដីរដ្ឋបាលរាជធានីភ្នំពេញរួមមាន ប្រពន្ធ័ភ្លើងបំភ្លឺសាធារណៈ ប្រពន្ធ័ភ្លើងចរាចរណ៍ ប្រពន្ធ័ភ្លើងកាម៉េរាសុវត្ថិភាព ប្រពន្ធ័ភ្លើងបំភ្លឺប៉ាណូផ្សព្វផ្សាយពាណិជ្ជកម្ម ប្រពន្ធ័ភ្លើងតាំងលម្អពិធីបុណ្យជាតិ និងអន្តរជាតិ ព្រមទាំងកាតព្វកិច្ចនៃការថែទាំប្រពន្ធ័ភ្លើងបំភ្លឺទាំងនោះ និងរួមទាំងឧបសម្ពន្ធ័នៃកិច្ចសន្យាទៅឲ្យក្រុមហ៊ុនPPDE&C Co.Ltd ដើម្បីធ្វើការគ្រប់គ្រងថែទាំស្តារ និងអភិវឌ្ឍន៍ទៅតាមផែនការមេ នៃគម្រោងបំភ្លឺសាធារណៈរបស់រដ្ឋបាលរាជធានីភ្នំពេញផងដែរ។
កិច្ចសន្យានេះ មានរយៈពេល២០ឆ្នាំ ដោយគិតចាប់ពីថ្ងៃទី២៧ ឧសភា ឆ្នាំ២០១៦ ដល់ថ្ងៃទី២៦ ឧសភា ២០៣៦។ លោក ប៉ា សុជាតិវង្ស អភិបាលរាជធានីភ្នំពេញ បានលើកឡើងថា ការរៀបចំប្រពន្ធ័ភ្លើងបំភ្លឺនេះ ជាបញ្ហាធំមួយ និងជាបញ្ហាដែលតែងទទួលរងនូវការរះគន់ជាច្រើន ពីមហាជនព្រោះនេះជាសេវាមួយដែលប្រជាពលរដ្ឋត្រូវការ និងទាមទារឲ្យមានការបំភ្លឺតាមដងផ្លូវដែលជះឥទ្ធិពលទៅលើសន្តិសុខ សណ្តាប់សាធារណៈផងដែរ។
លោកបន្តថា រដ្ឋបាលរាជធានីភ្នំពេញ ត្រូវការផ្ទេរទៅឲ្យក្រុមហ៊ុនឯកជនគ្រប់គ្រង ដើម្បីអភិវឌ្ឍន៍ និងមានការគ្រប់គ្រងមួយដែលច្បាស់លាស់ កាត់បន្ថយចំណុចអសកម្មដូចជា ការបាត់ភ្លើង បាត់សម្ភារអគ្គីសនី ការកែលម្អ ហេដ្ឋារចនាសម្ពន្ធ័អគ្គីសនី ដែលខ្សែភ្លើងខ្លះមានអាយុជាង៣០ឆ្នាំហើយ និងផ្លាស់ប្តូរពីការចំណាយប្រាក់មកជាការចំណេញប្រាក់ ព្រមទាំងមានការងាយ ស្រូលសម្រាប់ការគ្រប់គ្រង ចំណាយតិច។ លោក ប៉ា សុជាតិវង្ស មានប្រសាសន៍ទៀតថា ការចាប់ដៃគូជាមួយក្រុមហ៊ុនក្នុងស្រុក ដើម្បីការអភិវឌ្ឍន៍ការបំភ្លឺសាធារណៈក្នុងក្រុងវាគ្មានអ្វីចម្លែកទេ ដើម្បីទទួលខុសត្រូវគ្រប់គ្រង ថែរក្សាភ្លើងបំភ្លឺសាធារណៈដែលមានជាង១២០០០អំពូលរួមទាំងបង្គោលភ្លើង ខ្សែភ្លើងទូបញ្ជានៅទូទាំងរាជធានីភ្នំពេញទៀតផង៕
ចែករំលែកព័តមាននេះ