ក្រសួងសុខាភិបាលសិង្ហបុរីបានប្រកាសពីការរកឃើញវីរុសបំលែងថ្មី BA.2 Omicron។ បើតាមសេចក្តីប្រកាសកាលពីថ្ងៃសុក្រម្សិលមិញនេះ មានការឆ្លងវីរុសបំលែងថ្មីនេះរហូតដល់ ១៩៨ករណីក្នុងនោះមានការចូល ១៥០ករណី គិតត្រឹមថ្ងៃទី ២៥ ខែមករាមក។
BA.2 Omicron ត្រូវបានរកឃើញកាលពីសប្តាហ៍មុនដោយភ្នាក់ងារសន្តិសុខសុខាភិបាលរបស់ចក្រភពអង់គ្លេស ហើយវីរុសនេះកំពុងស្ថិតក្រោមការសិក្សាបន្ថែម ប៉ុន្តែវាត្រូវបានគេកំណត់ថាជាវីរុសមិនមានការព្រួយបារម្ភឡើយ។
បច្ចុប្បន្ននេះវាកំពុងរាតត្បាតខ្លាំងនៅក្នុងប្រទេសដាណឺម៉ាក និងមានលក្ខណៈរាតត្បាតខ្លាំងជាងប្រភេទ BA.1។
ក្រសួងសុខាភិបាលសិង្ហបុរីនិយាយថា «អាជ្ញាធរសុខាភិបាលក្នុងប្រទេសដាណឺម៉ាកបានបង្ហាញការរកឃើញរបស់ពួកគេថា BA.2 មានការឆ្លងខ្លាំងជាងវីរុស BA.1 ប៉ុន្តែមិនមានភាពខុសគ្នាខ្លាំងទេក្នុងការព្យាបាល»។
«យើងត្រូវការទិន្នន័យ និងការសិក្សាបន្ថែមទៀត ដើម្បីយល់ដឹងឲ្យបានពេញលេញពីផលប៉ះពាល់ធ្ងន់ធ្ងរលើប្រព័ន្ធការពារ និងលទ្ធភាពឆ្លងនៃវីរុស BA.2»៕ (យោងតាមប្រភព៖ Channel News Asia)
ចែករំលែកព័តមាននេះ