ក្រុងព្យុងយ៉ាងថា បា.ញ់សាកមីស៊ីលតាក់ទិក និងមីស៊ីលបណ្ដែត
ញ់សាកល្បងបណ្ដាមីស៊ីល ត្រូវបានធ្វើកាលពីថៃ្ងទី២៥ និងថ្ងៃទី២៧ ខែមករា ឆ្នាំ២០២២។ នេះបើតាមសេចក្ដីរាយការណ៍ចេញផ្សាយនាថ្ងៃទី២៨ ខែមករា ដោយទីភ្នាក់ងារ
ប្រទេសកូរ៉េខាងជើង ៖ ប្រទេសកូរ៉េខាងជើងអះអាងថា ការ បាញ់សាកល្បងបណ្ដាមីស៊ីល ត្រូវបានធ្វើកាលពីថៃ្ងទី២៥ និងថ្ងៃទី២៧ ខែមករា ឆ្នាំ២០២២។ នេះបើតាមសេចក្ដីរាយការណ៍ចេញផ្សាយនាថ្ងៃទី២៨ ខែមករា ដោយទីភ្នាក់ងារព័ត៌មានកូរ៉េខាងជើង KCNA។ មីស៊ីលដែលបាញ់សាក មានមីស៊ីលបណ្ដែតរយៈឆ្ងាយ២គ្រាប់ ដែលបាញ់ចេញកាលពីថ្ងៃទី២៥ ខែមករា និងមីស៊ីលតាក់ទិកមានក្បាលតម្រង់គោលដៅបាញ់ពីដីទៅដី ២គ្រាប់បាញ់ចេញថ្ងៃទី២៧ ខែមករា។
តាម KCNA ថា បណ្ឌិតសភាវិទ្យាសាស្ត្រការពារកូរ៉េខាងជើង បានធ្វើការបាញ់សាកល្បងមីស៊ីលនានា ដើម្បីកែលម្អប្រព័ន្ធមីស៊ីលបណ្ដែតរយៈឆ្ងាយ និងធ្វើការសាកល្បងដទៃៗទៀត ដើម្បីធានាដល់កម្លាំងនៃក្បាលគ្រាប់មីស៊ីលធម្មតា មានក្បាលតម្រង់បាញ់ពីដីទៅដី កាលពីថ្ងៃទី២៥ និងថ្ងៃទី២៧ ខែមករា។ ពេលបាញ់សាក មីស៊ីលបណ្ដែត២គ្រាប់បានរត់តាមទិសដៅដែលបានកំណត់ ក្នុងសមុទ្រខាងកើត ដោយមីស៊ីលទាំងនេះ អាចហោះហើរក្នុងចម្ងាយ១.៨០០គីឡូម៉ែត្រ និងចំណាយពេលត្រឹម៩.១៣៧វិនាទី គឹប្រមាណជា២ម៉ោង៣៥នាទីនិង១៧វិនាទី មុនទៅដល់គោលដៅកំណត់ នៅលើកោះមួយដោយជោគជ័យ។ចំណែកការបាញ់សាកល្បងប្រហាក់ប្រហែលគ្នានោះដែរក៏ត្រូវបានធ្វើកាលពីខែកញ្ញាកន្លងទៅ ដោយមីសីុលបណ្ដែតនោះ ហោះក្នុងចម្ងាយ១.៥០០គីឡូម៉ែត្រ ប្រើពេល៧.៥៨០វិនាទី។
មីស៊ីលទាំង២នោះ ត្រូវបានបាញ់ចេញពីត្រាក់ទ័រជាជើងទម្រ ហើយKCNA កត់សម្គាល់ពីភាពសុក្រិតនៃការប្រយុទ្ធរបស់មីស៊ីលនេះ ដែលនឹងជួយពង្រឹងមធ្យោបាយការពារប្រទេស។ គោលដៅរបស់មីស៊ីលបណ្ដែតទាំង២គ្រាប់នោះ ស្ថិតនៅលើកោះអាល់ណុនដែលគ្មានមនុស្សរស់នៅនៃតំបន់ KILJU ក្នុងខេត្ត HAMGYONG ខាងជើង។
ទាក់ទិននឹងមីស៊ីលតាក់ទិកមានក្បាលតម្រង់បណ្ដាអ្នកជំនាញការយល់ថា នោះជាមីស៊ីលដែលកែលម្អ ពីមីស៊ីលរុស្ស៊ី ISKANDER ហៅ KN-23។ កាលពីថ្ងៃទី២៧ ខែមករា កងទ័ពកូរ៉េខាងត្បូងនិយាយថា ការបាញ់មីស៊ីលទាំងនេះធ្វើឡើង ចេញពីតំបន់HAMHUNG ជាទីក្រុងមួយនៅឆ្នេរសមុទ្រខាងកើត ដោយ១គ្រាប់បាញ់ចេញនាវេលាម៉ោង៨ព្រឹកនិង១គ្រាប់ទៀតបាញ់ចេញនាវេលាម៉ោង៨និង០៥នាទី ហើយហោះហើរក្នុងចម្ងាយប្រមាណ១៩០គីឡូម៉ែត្រនិងកម្ពស់២០គីឡូម៉ែត្រ៕ ដកស្រង់ចេញពីវេបសាយ ៖ yna
ចែករំលែកព័តមាននេះ