រាជធានីភ្នំពេញ ៖ រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទបានបញ្ជាឲ្យត្រួតពិនិត្យសមាសភាពផ្សំជីគីមី និងថ្នាំសម្លាប់សត្វល្អិតដែលអាចយកមកលាយឡំផលិតគ្រឿងញៀន ។ ការបញ្ជានេះ បន្ទាប់ពីសម្តេចក្រឡាហោម ស ខេង…
រាជធានីភ្នំពេញ ៖ រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទបានបញ្ជាឲ្យត្រួតពិនិត្យសមាសភាពផ្សំជីគីមី និងថ្នាំសម្លាប់សត្វល្អិតដែលអាចយកមកលាយឡំផលិតគ្រឿងញៀន ។
ការបញ្ជានេះ បន្ទាប់ពីសម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីពេលថ្មីៗកន្លងមកនេះ បានបញ្ជាឲ្យសមត្ថកិច្ចស្រាវជ្រាវចំពោះអ្នកដែលអនុញ្ញាតឲ្យនាំសារធាតុញៀនស្របច្បាប់១០០តោនចូលកម្ពុជា ។
យោងតាមបណ្តាញសង្គមឯកឧត្តមរដ្ឋមន្ត្រីក្រសួងកសិកម្មបានថ្លែងក្នុងពិធីបិទកិច្ចប្រជុំបូកសរុបលទ្ធផលការងារឆ្នាំ២០២១ និងលើកទិសដៅអនុវត្តបន្តឆ្នាំ២០២២ កាលពីពេលថ្មីៗកន្លងមកនេះនៅទីស្តីការក្រសួងបានជំរុញការអភិវឌ្ឍវិស័យកសិកម្មឱ្យមានការរីកចម្រើន មានឧត្តមភាពក្នុងការប្រកួតប្រជែងបរិយាប័ន្ន និងធន់នឹងការប្រែប្រួលអាកាសធាតុឈានទៅសម្រេចបានគោលដៅកាត់បន្ថយភាពក្រីក្រ ធានាបាននូវសន្តិសុខស្បៀង បង្កើនកំណើនកសិកម្មប្រកបដោយចីរភាព រក្សា ឱ្យបាននូវបរិស្ថានធម្មជាតិ ជំរុញការប្រណាំងប្រជែង និងគោរពនូវគោលការណ៍អភិវឌ្ឍន៍ប្រកបដោយសមធម៌ ឆ្លើយតបទៅនឹងយុទ្ធសាស្ត្រក្នុងការអភិវឌ្ឍន៍វិស័យកសិកម្ម និន្នាការជំរុញការ នាំចេញកសិផលប្រកបដោយគុណភាព និងសុវត្ថិភាព ឯកឧត្តមរដ្ឋមន្ត្រីបានបង្ហាញពីទស្សន:គាំទ្រនូវលទ្ធផលដែលអគ្គនាយកដ្ឋានកសិកម្មសម្រេចបាន ។
ឯកឧត្តមរដ្ឋមន្ត្រីបានឲ្យមន្ត្រីពាក់ព័ន្ធបង្កើនការយកចិត្តទុកដាក់ការត្រួតពិនិត្យសមាសភាពផ្សំជីគីមី និងថ្នាំសម្លាប់សត្វល្អិតដែលអាចយកមកលាយឡំផលិតគ្រឿងញៀន ដោយត្រូវសហការជាមួយអាជ្ញាធរគ្រឿងញៀន។
ជាងនេះ ឯកឧត្តមឲ្យបង្កើនការយកចិត្តទុកដាក់ និងជំរុញការអនុវត្តគម្រោង សកម្មភាព ស្របតាមក្របខណ្ឌយុទ្ធសាស្ត្រ កម្មវិធីស្តារ និងជំរុញកំណើនសេដ្ឋកិច្ច ក្នុងការរស់នៅជាមួយបរិបទជំងឺកូវីដ-១៩ តាមរយ: 3R (1. Recovery 2. Reform 3. Resilience)ដែលក្នុងនេះរួមមាន ៖ រៀបចំគម្រោងសាកល្បងផ្តល់ថវិកាបំពេញបន្ថែមទុនវិនិយោគ (Grant Matthing ចំនួន ៤០% ទៅកសិករ ក្រុមអ្នកផលិត/សហគមន៍កសិកម្ម ដែលវិនិយោគលើការសាងសង់ផ្ទះកញ្ចក់/សំណាញ់សម្រាប់ការដាំបន្លែលើផ្ទៃដីចាប់ពី ០.៥ហិកតា និងកំពង់ ឬគ្រោងនឹងអនុវត្តកសិកម្មតាមកិច្ចសន្យាជាមួយក្រុមហ៊ុនឯកជន ឬផ្តល់កម្ចីក្នុងអត្រាការប្រាក់ ៤%។ ជំរុញផលិតកម្មគ្រាប់ពូជគ្រឹះ (Foundation Seeds) និងគ្រាប់ពូជវិញ្ញាបនបត្រ (Camilisc Seeds) នៃប្រភេទស្រូវក្រអូប (ផ្ការំដួល និងសែនក្រអូប) ពូជដំណាំដំឡូងមី និងស្វាយចន្ទី ដែលមានគុណភាពធន់នឹងជំងឺ និងការប្រែប្រួលអាកាសធាតុ តាមយន្តការភាពជាដៃគូរវាងរដ្ឋ និងឯកជន (PPP)។
ពង្រឹងសមត្ថភាពក្រុមផលិតសមាគម និងសហគមន៍កសិកម្ម និងជំរុញការអនុវត្តកសិកម្ម តាមកិច្ចសន្យាលើដំណាំស្វាយ ស្វាយចន្ទី ដំឡូងមី និងបន្លែ ។ ពង្រឹងការផ្សព្វផ្សាយអំពីការអនុវត្តកសិកម្មល្អ និងការបំពេញលក្ខខណ្ឌតម្រូវអនាម័យ និងភូតគាមអនាម័យ សម្រាប់ផ្លែស្វាយ មៀនប៉ៃលិន ម្រេច ទុរេន និងដូងក្រអូប ។
វិនិយោគលើទីផ្សារបោះដុំ ហេដ្ឋារចនាសម្ព័ន្ធត្រួតពិនិត្យ និងបញ្ជាក់គុណភាព-សុវត្ថិភាព ។ ប្រព័ន្ធបញ្ជាក់ប្រភពដើមផលិតផល និងរចនាសម្ព័ន្ធគាំទ្រ ដូចជា ទូត្រជាក់ តាមយន្តការ PPP នៅលើទីតាំងដែលជាកម្មសិទ្ធិរបស់រដ្ឋ និងឯកជនដែលមានសក្តានុពលខ្ពស់ក្នុងការប្រមូលផ្ដុំបន្ថែមចំនួន០៣ កន្លែងសាកល្បងក្នុងជំហានទី១ ដូចជា តំបន់ជាយក្រុងភ្នំពេញ ខេត្តបាត់ដំបង និងខេត្តត្បូងឃ្មុំ ។
ឯកឧត្តក៏បានបន្តជំរុញការសិក្សាស្រាវជ្រាវបច្ចេកទេសផលិតកម្មដំណាំបន្សុ និងពង្រីកពូជដំណាំដែលមានគុណភាពល្អ ធន់ទ្រាំនឹងការប្រែប្រួលអាកាសធាតុ និងតម្លៃបន្ថែមខ្ពស់ និងធ្វើទំនើបកម្មនៅតាមកសិដ្ឋាន សហគមន៍ ស្របតាមស្ដង់ដា និងតម្រូវការទីផ្សារផងដែរ ៕
សូមរំលេឹក ៖ រដ្ឋមន្ត្រីក្រសួងមហាផ្ទៃលាតត្រដាងថា បញ្ហាចន្លោះប្រហោងជុំវិញការដំឡើងតួនាទី និងឋានន្តរស័ក្តិ ដល់មន្ត្រី
ចែករំលែកព័តមាននេះ