មានសង្ឃឹមហើយ! វ៉ាក់សាំង HIV ចាប់ផ្តើមសាកល្បងដំណាក់កាលទី ១
អន្តរជាតិ ៖ ការធ្វើតេស្តវ៉ាក់សាំងហ៊ីវ (HIV) លើមនុស្សដោយប្រើប្រាស់បច្ចេកវិទ្យា RNA បានចាប់ផ្តើមហើយក្នុងដំណាក់កាលទី ១។
អន្តរជាតិ ៖ ការធ្វើតេស្តវ៉ាក់សាំងហ៊ីវ (HIV) លើមនុស្សដោយប្រើប្រាស់បច្ចេកវិទ្យា RNA បានចាប់ផ្តើមហើយក្នុងដំណាក់កាលទី ១។
អន្តរជាតិ ៖ ការធ្វើតេស្តវ៉ាក់សាំងហ៊ីវ (HIV) លើមនុស្សដោយប្រើប្រាស់បច្ចេកវិទ្យា RNA បានចាប់ផ្តើមហើយក្នុងដំណាក់កាលទី ១។ នេះបើយោងតាមការប្រកាស់របស់ក្រុមហ៊ុន Moderna និងអង្គការផ្តួចផ្តើមវ៉ាក់សាំងអេដស៍អន្តរជាតិ កាលពីថ្ងៃព្រហស្បតិ៍ ទី២៧ មករា ម្សិលមិញនេះ។
ការសាកល្បងដំណាក់កាលទី ១នេះត្រូវបានធ្វើឡើងនៅសហរដ្ឋអាមេរិកលើមនុស្សពេញវ័យចំនួន៥៦នាក់ដែលមិនមានផ្ទុកវីរុសហ៊ីវ។
ទោះបីមានការសិក្សាស្រាវជ្រាវអស់រយៈពេល ៤ទសវត្សរ៍ក្តី វេជ្ជបណ្ឌិតមិនទាន់អាចអភិវឌ្ឍន៍វ៉ាក់សាំងដើម្បីការពារមនុស្សពីវីរុសហ៊ីវដែលបង្កជាជំងឺអេដស៍ឡើយ។ មេរោគអេដស៍បានសម្លា.ប់ជីវិតមនុស្សរាប់សែននាក់ជុំវិញពិភពលោកជារៀងរាល់ឆ្នាំ។
ប៉ុន្តែក្តីសង្ឃឹមចាប់ផ្តើមមាន ដោយសារជោគជ័យនៃបច្ចេកវិទ្យា mRNA ដែលបច្ចេកវិទ្យានេះធ្វើឲ្យមានការអភិវឌ្ឍន៍វ៉ាក់សាំងកូវីដ ១៩។
គោលបំណងនៃការធ្វើតេស្តវ៉ាក់សាំងគឺដើម្បីជំរុញឲ្យមានការបង្កើតអង្គបដិប្រាណមួយប្រភេទហៅថាអង់ទីករ ឬ bnAbs ដែលអាចប្រឆាំងនឹងវីរុសហ៊ីវ។
វ៉ាក់សាំងត្រូវគេរំពឹងថានឹងបង្រៀនកោសិកាឈាមក្នុងប្រព័ន្ធការពាររាងកាយ ឬប្រព័ន្ធភាពស៊ាំ ដើម្បីបង្កើតអង្គបដិប្រាណ។
នៅក្នុងការពិសោធន៍ អ្នកចូលរួមនឹងត្រូវចាក់សារធាតុ immuogen ដែលអាចបង្កឲ្យមានការឆ្លើយតបនៃប្រព័ន្ធភាពស៊ាំ និងបន្ទាប់មកចាក់ដូសជំរុញនៅពេលក្រោយ។
សូមបញ្ជាក់ថា បើតាមទិន្នន័យហ៊ីវ និងអេដស៍សកលលោករបស់អង្គការ UNAIDs មានមនុស្សប្រមាណ ៣៧,៧លាននាក់កំពុងរស់នៅជាមួយនឹងវីរុសហ៊ីវក្នុងឆ្នាំ ២០២០។ ក្នុងឆ្នាំ ២០២០នេះដែរ មនុស្ស ៦៨០.០០០នាក់បានស្លា.ប់ដោយសារជំងឺអេដស៍៕ (យោងតាមប្រភព៖ Channel News Asia)
ចែករំលែកព័តមាននេះ