កក្រើកខ្លាំង! ក្មេងប្រុសជំទង់១រូបធ្វើរឿងនឹកស្មានមិនដល់ ក្រោយឪពុកម្តាយបង្កើតបោះបង់ជាលើកទី២
ចិន៖ រឿងរ៉ាវក្មេងប្រុសជំទង់ជនជាតិចិនម្នាក់ ដែលបញ្ចប់ជីវិតខ្លួនឯង បន្ទាប់ពីត្រូវឪពុកម្តាយបង្កើតបោះបង់ជាលើកទី២
ចិន៖ រឿងរ៉ាវក្មេងប្រុសជំទង់ជនជាតិចិនម្នាក់ ដែលបញ្ចប់ជីវិតខ្លួនឯង បន្ទាប់ពីត្រូវឪពុកម្តាយបង្កើតបោះបង់ជាលើកទី២
ចិន៖ រឿងរ៉ាវក្មេងប្រុសជំទង់ជនជាតិចិនម្នាក់ ដែលបញ្ចប់ជីវិតខ្លួនឯង បន្ទាប់ពីត្រូវឪពុកម្តាយបង្កើតបោះបង់ជាលើកទី២ កំពុងបង្កការភ្ញាក់ផ្អើលពេញប្រទេសចិន កាលពីពេលថ្មីៗនេះ។
Liu Xuezhou អាយុ១៧ឆ្នាំ បានបញ្ចប់ជីវិតខ្លួនឯង កាលពីព្រឹកថ្ងៃទី២៤ ខែមករា នៅខេត្ត Hainan ពោលប៉ុន្មានម៉ោងបន្ទាប់ពីការបង្ហោះកំណត់ហេតុចុងក្រោយដោយអះអាងថា គេត្រូវឪពុកម្តាយបង្កើតបោះបង់ជាលើកទី២។
រឿងរ៉ាវក្មេងប្រុសជំទង់រូបនេះ ក្លាយជាប្រធានបទគួរឱ្យចាប់អារម្មណ៍នៅពេលគេបង្ហោះវីដេអូកាលពីថ្ងៃទី៦ ខែធ្នូ ឆ្នាំ២០២១ ដើម្បីប្រកាសរកឪពុកម្តាយបង្កើត។ Liu បានប្រាប់ថា គេកើតនៅខេត្ត Hebei ចន្លោះឆ្នាំ ២០០៤-២០០៦ ហើយត្រូវឪពុកម្តាយលក់ទៅឱ្យគ្រួសារមួយផ្សេងទៀត។ តែជាអកុសលឪពុកម្តាយចិញ្ចឹមបានស្លា.ប់ក្នុងឧបទ្ទវហេតុផ្ទុះកាំជ្រួចនៅពេលគេមានអាយុ៤ឆ្នាំ។ គេត្រូវបន្តរស់នៅក្រោមការចិញ្ចឹមបីបាច់ពីសំណាក់ជីដូនជីតាខាងម្តាយចិញ្ចឹម។
យោងតាមសារព័ត៌មាន Sina News បានឱ្យដឹងថា ទីបំផុត Liu បានជួបឪពុកបង្កើតជាលើកដំបូងនៅទីក្រុង Shijiazhuang កាលពីថ្ងៃទី២៧ ខែធ្នូ។ ប៉ុន្តែទោះយ៉ាងណា ឪពុកគេបានបដិសេធមិនទទួលយកគេឡើយ ដោយគាត់ជាប់មានបន្ទុកចិញ្ចឹមបីបាច់គ្រួសារថ្មី ក្រោយការលែងលះម្តាយបង្កើតរបស់គេ។ ក្រោយមកនៅខែមករា គេក៏បានរកឃើញម្តាយបង្កើតដែលរស់នៅតំបន់ស្វយ័តម៉ុងហ្គោលី។ ប៉ុន្តែក្រោយមក គាត់ក៏បានបដិសេធមកទទួលយករូបគេផងដែរ ដោយគាត់មានបន្ទុកផ្គត់ផ្គង់គ្រួសារបច្ចុប្បន្នផងដែរ។
Liu សួរឪពុកម្តាយថា តើគេអាចរស់នៅជាមួយពួកគាត់ ឬអាចទិញ ឬក៏ជួលផ្ទះសម្រាប់គេបានទេ? ព្រោះគេគ្មានផ្ទះផ្ទាល់ខ្លួន ។ ឪពុកម្តាយគេជំទាស់ ខណៈគេបានចោទប្រកាន់ពួកគាត់ថា ព្យាយាមផ្តាច់ទំនាក់ទំនងជាមួយគេ។ ប៉ុន្តែស្ត្រីជាម្តាយអះអាងថា Liu ព្យាយាមបង្ខំគាត់ឱ្យទិញផ្ទះ ខណៈដែលគាត់ពុំមានលទ្ធភាពនោះទេ។
ដោយសេចក្តីខឹងក្រោធ Liu បានបង្ហោះវីដេអូលើបណ្តាញ Weibo ថានឹងប្តឹងឪពុកម្តាយបង្កើតសម្រាប់ការបោះបង់ចោលរូបគេ ហើយថែមទាំងនិយាយថា គេនឹងជួបពួកគាត់ម្តងទៀតនៅឯតុលាការ។
ក្រោយមក ក្មេងជំទង់រូបនោះ ត្រូវបានរាយការណ៍ថា រងការគំរា.មកំហែងតាមប្រព័ន្ធអ៊ីនធឺណិត ដោយមនុស្សជាច្រើននិយាយថា គេគ្រាន់តែចង់បានផ្ទះពីឪពុកម្តាយបង្កើត ហើយកំពុងព្យាយាមសម្តែងដើម្បីទទួលបានការអាណិតអាសូរប៉ុណ្ណោះ។
នៅពាក់កណ្តាលអធ្រាត្រឈានចូលថ្ងៃទី២៤ ខែមករា (ថ្ងៃកើតហេតុ) Liu បានបង្ហោះកំណត់ហេតុមួយលើបណ្តាញ Weibo ដោយរៀបរាប់លម្អិតអំពីឆាកជីវិត និងបញ្ហាដែលគេរងការវា.យប្រហារតាមអ៊ីនធឺណិត។ ហើយនៅបន្ទាត់ចុងក្រោយ គេបានលើកឡើងពីការបញ្ចប់ជីវិតខ្លួនឯងផងដែរ។ Liu ត្រូវបានបញ្ជូនទៅកាន់មន្ទីរពេទ្យជាកន្លែងដែលគេបានស្លា.ប់នៅព្រឹកព្រលឹមថ្ងៃដដែល នេះបើតាមការបញ្ជាក់ពីម្តាយមីងរបស់គេ៕ (ដកស្រង់ចេញពី BBC និង Dailymail)
ចែករំលែកព័តមាននេះ